مساعدة عاااااااااااااااااجلة في شراء بيجو 304 ارجوكم
السلام عليكم ورحمة الله وبركاته
اخوكم محمود حمدي من اسكندرية
في واحد عارض عليا عربية بيجو 304 مو 73 هي مركونة من منتصف 2010 والمشكلة انها ملاكي القاهرة وانا من اسكندرية واراجل عايز يبيعها علي حالتها كده وطالب فيها 4000 جنيه طبعا دي اول عربية حركبها في حياتي بس لما صاحبي قاللي عليها كلمة بيجو زغللت عيني بصراحة وقلت احسن من الزيستافا او الفولكس اللي في نفس الرينج دلوقتي العربية دي معاها رخصة بس لحد منتصف 2010 شهر 6 والمطلوب اني انا اللي اخدها واعملها الرخصة والتجديد وخلافه لما سالت صاحبي قاللي بعد الثورة مفيش ملفات كله اتحرق احنا حنروح بالعقد الجديد اللي بينك وبين الراجل (صاحب العربية) المرور وتفتح لها ملف جديد هناك وتفحص وتعلق نمر جديدة ( عايز اعرف التكلفة حوالي كام تقريباً) المطلوب تقولولي لو العربية ملاكي القاهرة وعليها نمر قديمة ايه خطوات شراها علشان ابقي في السيفسايد ومثلا ميكونش الراجل ده سارقها او لاقيها ومعلق عليها اي نمر وايه اجراءات تجديد رخصة العربية من نمر قديمة لتعليق نمر جديدة والتكلفة العامة
والسؤال الاهم هل قطع غيار العربية دي موجودة ولا نادرة ولا مستحيلة
وايه مميزاتها وايه عيوبها
انا باشتغل موظف في الجامعة وبصراحة مش عارف ادخر مبلغ كويس اجيب بيه عربية كويسة ولا مرتبي يسمحلي اني اجيب بالتقسيط وانا متجوز وعندي طفلين ولقيت ان العربية دي سعرها كويس وكمان شكلها كويس جدا بالنسبة لسعرها
نصيحة لاخوكم في الله جزاكم الله بها خير والف شكر مقدماً
|
28-04-2012, 07:13 PM
