ما هو أسوأ حدث لعام 2009 ؟

[بدر بسيونى]

اسوء حدث عالمى الازمة المالية وانفلونزا الخنازير والطيور

اسوء حدث عربى الاعتداء على غزة

اسوء حدث مصرى هنا بقى الاختيارات متعددة للاسف وانا شايف حوادث القطارات ونزيف الاسفلت هم الابرز

[Ahmed Anwer]

كلها أحداث أوسخ من بعض

مفيش أي حاجة معقولة شوية تدي بصيص أمل ؟؟؟

[almasry1]

اسوأ حدث هو الجدار اللى بتعمله مصر على الحدود مع غزه

[m.genedy]

شكرا على الموضوع دكتور تامر
انا قمت بالتصويت ضد
الحكومة المصرية
وارى انها تقف خلف الكثير والكثير منما يتعرض لة الشعب المصري
حكومة فاشلة مسئوليين فسدة والضحية المواطن المصري
لك ان تتخيل ان مشكلة مثل مشكلة الزبالة حتى الان لم يتم حلها
ولن تحل-يبقى ازاى نثق فى مسئولينا اذا ما تعرضنا لمشكلات ---
اكبر برغم اننا نتعرض بالفعل-ولا حياة لمن تنادى
والغريب ان لا احد يعترف بفشلة -ماشاء الله -كلهم موفقين وناجحين
طبعا موفقين فى خداعنا وناجحين فى الاستمرار فى المناصب ولم -
يقف الامر عند هذا الحد--مازلنا نتلقى كل يوم المزيد من الاخبار التى
تبعث عن التشاؤم--واصبح من الطبيعى ان ترى الناس فى الشوارع
ماشية فى حالة توهان غريبة منتظرين اى كارثة من اى نوع فى اى
وقت--
تخيل معي ان قائد السيارة المصري الوحيد فى العالم اللى بيسوق
سيارتة والمفروض انة يفادى السيارات التى بجانبة وامامة وخلفة
ثم يفاجىء بسيارات فى المقابل تمشى عكسى فى اتجاهة ومن
ثم --المفروض انة يفادى المطبات الطبيعية والصناعية على السواء
ولم يقف الامر عند هذا الحد فهو ايضا يفادى مرتشين المرور -----
الباشوات ويفادى شحاتين يرتدون زيي عمال نظافة واذا نجح فى
تفادى كل هذا تجدة يفوق من تركيزة على صوت ارتطام قوى اعلى
سقف السيارة فى الغالب واحد كان بينتحر--
اعتذر ان كنت خرجت بعض الشىء عن فكرة الموضوع ولكن تذكروا
ان فى 31 ديسمبر من كل عام-نجد انفسنا ننعت العام المنقضى و
نحيل امالنا على العام المنتظر - وهنا يكمن السر فى تكوين الانسان
المصري-دائما وابدا نعيش بالأمل--
شكرا على الموضوع

[د0تامر محمد]

فعلا الإنسان المصرى دائما ما يعيش على وبالأمل فى غد أفضل قد يأتى أو لا يأتى
شكرا أستاذ جنيدى

يا أمه الحمول زادت على أكتافى
كل شىء بالصبر ح يعدى
أمّد الخطى وإنتى إيديك مدى
ليه تهجرينى بقسوتك زى أسلافى
أبنى الصروح وإنتى فيا بتهدى
والظلم سيف يغتال فرحتى وودى
_________________________ __________
صرخة ولد ابن البلد
*****************
يابلد فيكى الولد
ضهره م الشقا انجلد
ولا منه طال السما
ولا ف أرضه خلد
صابر وبصبره أنفرد
حتى لو طاله المرض
*******
أحلامه كانت عالية ف الخيال
وطموحة واصل فى سماها عال
شال فوق كتفاه كتير من الأحمال
غير تراب ف ايده عمره ما شال
جنى الفقر وضاعت منه الاموال
ضاع حلمه اندفن جواك و زال
******
مكنش ليه منك طلب أو غرض
غير تحضنيه00 لكنه منه انطرد
وبتلفظيه ان كان ف لحظه شرد
وتحقريه مهما اجتهد مهما عرض
وبتكسريه مهما علّى بهامته وفرد
نار بتولع ف الجليد اللى برد
*******
بينه وبينك ف البعاد ما طال
بيطرد خيالك لما ف خياله جال
ما انت الديار اللى بقت أطلال
أنت الرخيصة وكله بعدك غال
ملتى بعيالك ومعاكى حاله مال
نفسه يفوتك ويحطم الأغلال