السنتر لوك و الضمان

[فــيــروز]

السلام عليكم و رحمة الله و بركاته

هل تركيب سنتر لوك فى السياره يمكن ان يؤثر على الاحتفاظ بالضمان؟
و هل هناك انواع من السنتر لوك؟ أحتاج تركيب نظام للحمايه ضد السرقه فقط يعنى مش نظام يزمّر كل ما حد يسند على العربيه مثلا او يعدّى جنبها لأ لكن فقط لو مثلا حد بيحاول يفتح الباب أو يكسر الإزاز فهل فيه حاجه بالشكل ده؟

[hazem_khidr]

بيأثر علي الضمان بالتأكيد بس توكيل الكهرباء فقط
انما مش العفشه و الموتور
ممكن تشتري الحاجه و تخلي التوكيل يركبهالك
توكيل رينو و تويوتا بتقبل كده
و ماعنديش خلفيه عن باقي التوكيلات
بالنسبه للحمايه فهي مؤمنه من خلال جهاز الانذار
و ممكن توطي الحساس علشان ما يشتغلش كل ما حد يجي من جنب العربيه

[mesho70]

حازما باشا جاب المفيد

وتوكيل ميتسوبيشى مش بيركب حاجة من برة طالما موجودة عندة

ممكن حضرتك تقولى عربيتك نوعها اية ؟ ويفضل الاتصال بالتوكيل والتأكد من امكانية

تركيب انّذار تم شراءة من خارج التوكيل ام لا ؟

فإن وافقوا فتبقى الامور سهلة لان كل اللى حضرتك سألتى علية موجود فالإنذار واكثر

اما فى حالة عدم موافقة التوكيل فيفضل الاحتفاظ بالضمان وعدم تركيب اى شىء نهائى

[رياح التغيير]

محضرتك تقولي لنا نوع العربية ايه ممكن يكون فيها انذار وانت مش واخدة باللك وانذار مالنوع اللي يزمر لما باب,كبوت او شنطة العربية يتفتحوا مش لما حد يقعد عليها او يخبطها بايده ولا تلعبي فالكهربا بتاعت العربية الا عند واحد امين ومحترف ونوع نضيف وممكن التوكيل يقبل يركبهاللك ده لو مفيهاش انذار

[فــيــروز]

معلش أنا آسفه لخبطت بين الانذار و السنتر لوك ..
العربيه نيسان تيدا و فيها سنتر لوك بس مفيهاش انذار ..
بصراحه ماكنتش بافكر اركب انذار بس حصل فى الشارع حادثة سرقه فخفت على العربيه دى ماكملتش شهر .. ptmnlo123per144
بس المشكله انّى باتضايق من الانذارات اللىّ بتزمّر كل ما حد يعدّى جنبها و باحسّها مزعجه فعلا و انا محتاجه بس انذار ضد السرقات الله لا يقدّر ..