|
#1
17-07-2014, 05:07 AM
|
|||
|
|||
بخار من فتحة الزيت كيا برايد
السلام عليكم وكل عام وحضراتكم بخير .. العربية كيابرايد سيدان المشكلة لما بفتح غطاء فتحة الزيت بيخرج بخار وهواء ( تحس ان العربية بقت عربية بطاطا ) واللي اعرفه ان المفروض يكون في ضغط للداخل مش هواء خارج والزيت اسود بشكل واضح الميكانيكي قالي الزيت اسود لأنك بتقرص على العربية وقالي خمس شهور وممكن نعمل عمرة ، ميكانيكي تاني قالي لا احنا لازم نحل الموتور ونشوف محتاج شنبر ولا بساتم ولا حاجات انا مش فاهمها لاني مبتدئ .. أفيدوني يا أهل الخبرة أعمل ايه مش عايز اخش في موضوع العمرة دا مكلف ومقرف والميكانيكية انتوا عارفنهم اكتر مني
|
|
#2
17-07-2014, 01:09 PM
|
||||
|
||||
|
رد: بخار من فتحة الزيت كيا برايد
وعليكم السلام ورحمة الله وبركاتة وكل رمضان وانت بخير يا وليد
بص يا سيدى الموتور علشان يتعرف اللى فيه وحالته بالظبط لازم يتفك فعلاً غير كدة تخمينات وموضوع النص عمره ده سهل خالص ان شاء الله والعربيه هترجع احسن من الاول بس طبعاً انت معاك حق فى الخوف من الصنايعية علشان كدة لازم تتعامل مع واحد كويس ومريح وحافظ العربيه مش يجرب فيك المهم دلوقتى انت فعلاً بتقرص على العربيه ؟ وبتغير زيت كل قد ايه ؟
|
|
#3
17-07-2014, 07:24 PM
|
|||
|
|||
رد: بخار من فتحة الزيت كيا برايد
لا والله أنا صحيح مبتدئ ولسة بتعلم سواقة بس عداد الأر بي إم مش بخليه يعدي الألفين أبدا ولسة من حوالي شهرين مغير شيل 5000 وما عملتش بيه 700 كيلو
|
|
#5
17-07-2014, 08:50 PM
|
|||
|
|||
|
رد: بخار من فتحة الزيت كيا برايد
أولاً لما تفتح غطا الزيت و هو الموتور سخن بيخرج هواء سخن و بخار زيت ده طبيعى جداً, لإن الضغط داخل المكنه أكبر من الضغط الجوى
ثانياً تفك بوجيهاتك (تشترى مفتاح بوجيهات من أى محل قطع غيار سيارات بـ 10-15 جنية و تستعمله بلاش تروح لميكانيكى) هتفك أول بوجية (تفك السلك و بعدين بالمفتاح تفك البوجية و المكنه باردة) تبص على السن بتاعه (مش القلاووظ) لو السن علية زيت تنضفه و تركبه تانى (بيتغسل ببنزين و فرشاة أسنان و ممكن تصنفرة بصنفرة ناعمة), و تركب السلك بتاعه و بعدين تفك إللى بعده و هكذا... (متفكهومش مع بعض علشان متلخبطش الأسلاك) لو بوجيه أو أكتر على (السن) بتاعه زيت يبقى المكنه خفيفه و محتاجه شنبر أو أكثر, لو عليهم كربون (هباب أسود) يبقى الكربراتير عاوز يتظبط, لو لونهم بيج (برضه لون السن مش القلاووظ بتاع البوجية) يبقى كده مكنتك 10/10 أنا بأقولك إعمل بنفسك لسببين: - شاكك فى البهوات إللى إتعاملت معاهم, شافوك مبتدئ و عاوزين يعيدوا من جيبك - علشان تتعلم تشتغل بإيدك, و حتى لو خليت الصنايعى يعملها تكون جنبه و فاهم هو بيضحك عليك و لا لأ موضوع الزيت الإسود و لا كإنك شوفته, المكنه مش نضيفه من جوة و الزيت بيعمل إللى عليه و بينضف (دى وظيفته مع التزييت العادى) إعمل الكلام ده و لو محتاج أى مساعده ممكن تسأل أو تصور لنا الجزء إللى ليك فيه إستفسار و كلنا هنا تحت أمرك أعانك الله
__________________
|
 |
|
|
