عندي تقيل في البور نوبيرا 2 موديل 2004

[احمد على 1999]

ابتدى بتغيير و شد سير الباور مظبوط

[shady84]

شكرا لاهتمامكم يا جماعه
انا امبارح كنت عند بتاع باور وقالي اني عندي الطرومبة البور ضعيفه وهي الي بتعمل كده وانا سالت عليها لقت اسيتراد ب 250 جنيه
بس انا هروح لواحد تاني النهارده علشان اتاكد قبل ما اغير
واكيد هتابع معكم علشان نستفيد من بعض

وهركز علي موضوع القطمه االي حضرتك قولت عليها وهعرف سعرها علشان بردو اقول عليها

[حسام البورسعيدى]

راجع على السيور كويس .. لان اعتقد ان سير الباور عندك محتاج شد (بدليل الصفاره) ...

واعمل كده قبل ما تغير الطرمبه

[shady84]

المشاركة الأصلية كتبت بواسطة حسام البورسعيدى راجع على السيور كويس .. لان اعتقد ان سير الباور عندك محتاج شد (بدليل الصفاره) ... واعمل كده قبل ما تغير الطرمبه

اشكر حضرتك علي الاهتمام وان شاء الله هروح اعمل كده هشوف الحاجات الصغيره قبل الكبيره وهرجع اقولكم ان شاء الله

[حسام البورسعيدى]

المشاركة الأصلية كتبت بواسطة shady84 اشكر حضرتك علي الاهتمام وان شاء الله هروح اعمل كده هشوف الحاجات الصغيره قبل الكبيره وهرجع اقولكم ان شاء الله

تحت امرك يا غالى ...

زى ما قلتلك راجع على شد سير الباور (احتمال كبير العيب منه) ولو حالته وحشة غيره وهات سير كورى اصلى ..

لو عملت ده ولسه فى مشكلة روح ظبط زوايا عند حد معروف (هتكلفك فى حدود 20 جنية) وقول لبتاع الزوايا ان الباور عندك تقيل ..

وكمان شوف حاله الكاوتش عندك ونقى احسن فردتين عندك وركبهم قدام .. وغالبا بتاع الزوايا هيعملك كده من غير ما تقوله .. وطبعا تظبط الهوا كويس

كل دى الحاجات البسيطة لو كله تمام يبقى تبدأ تشك بقى فى طرمبه الباور او الاسكترا ..

ابقى بس طمننا عملت ايه وانا متابع معاك باذن الله ...