العفشه الخلفيه للاكسيل

[waelsalah]

السلام عليكم
كل سنه وانتوا طيبين
العربيه عندى بالنسبة للخلف
عاليه من جنب عن الجنب الاخر بحوالى 2 او 3 سم
هل المساعدين ليهم دور في كده
يعنى مثلا لو مساعد ضعيف عن التانى ممكن يعمل فرق فى العلو
ولا المساعد مالوش علاقه ودوره مقتصر فقط على امتصاص المطبات
وده كان راى العفشجي
وقالى انت عاوز تروح لبتاع زوايا عشان يحدد بالظبط هى عاوزه كام سنتى فى كل ناحيه
ونظبطها بكاوتشات العلايات مع اليايات وان المساعدين مالهومش علاقة بشيل العربيه واليايات هى المسئولة ؟
انا لسه مغير جوز مساعدين ورا استعمال بس بحاله جيده kyb غاز
والدونجل الخلفي كله
نرجو الافاده العاجله وشكرا جزيلا

[waelsalah]

فى مشاكل تاعباني فى العربيه ( معكره مزاجى اوى )
1- العربيه بتحف من ادام ومن ورا سواء بحموله او من غير حموله
اتفاجئت النهارده وانا باخد مطب ع الهادى جدا حفت من ادام ورا العجله فى العتب وكان معايا فردين فقط فى العربيه يعنى يعتبر مش محمل ؟
2- علو الشاسيه عن العجل ورا فى ناحية اعلى من التانيه
أ--هل اشيل كاوتشات العلايات اللى انا حاططها واكتفي باليايات فقط
ب--ولا اجيب يايات تانيه خلاف اللى راكبين عندى يكونوا اقوى منها بس هل في يايات للاكسيل جديده ولا برده هتيجي استيراد ؟
ج --ولا اعالج فرق العلو بكاوتشات علايات بس مقاسات مختلفه ؟
3- العتب نفسه رغم انه مش مخبوط من الامام
لكن من تحت العربيه عالى وواطى نتيجة الحف فى المطبات وعارفين الشفة اللى بطول العربيه متني جزء كبير منها
ده بيتعدل ازاى ؟ وتكلفته ايه لو سمحتم ؟
4- لما اجى اغير عجله مثلا او استعمل الكوريك لاى سبب ما
ايه الاماكن بالظبط اللى احط فيها الكوريك لو سمحتم عشان ميأثرش على الشاسية
عشان فى مره عفشجي الله يسامحه بوظلى العتب
اسف جدا للاطاله
ومنتظر ارائكم القيمة للافادة العاجله
وشكرا جزيلا