مشكلة فى ابيزا 98 : هل السبب طرمبة البنزين او شوائب فى التنك او مبينة الكهربا

[maxvan]

السلام عليكم

انا هخش فى الموضوع على طول
فى ناس هنا ممكن تبقة عارفانى من قبل كدة وعرفة حاليت العربية
المهم عشان كلة يعرف انا معايا ابيزا 98 كنت من سنة تقريبا غيرت المتور بمتور 1.6 8 صباب المهم العربية ماشاء الله بقت تمام 100 100 من كام شهر كدة حصل مشكلة معايا وهى كالاتى
وانا ماشى العربية لو كبست بنزين على الاخر تروح جية مكتومة وتقطع اكن المتور فية قطن
ولو دوست سنة صغيرة تمشى طبعا سحب العربية زى الزفت من ساعت اما المشكلة دية بتحصل
بس المشكلة دية بتقل ظهورها كل لما يكون البنزين الى فى العربية زيادة عن نصف التنك
وبتبدا تظهر تانى لو البنزين قل عن نص التنك
المهم
جت من حوالى اسبوعين قطعت جامد اوى
لدرجة انى لو لمست دواسة البنزين بس تروح مبطلة

والعربية كلها بتترج
وبعدين ظبطت ودلوقتى بدائت تقطع تانى بس على خفيف
والسحب طبعا فى كل الحالات من ساعت لما ظهرت المشكلة 60% من المعدل الطبيعى
وعشان تبقة عارفين الى فى العربية
انا بعمل الصيانة كل شهرين
تغير فلتر بنزين وزيت وبوجيهات وكل الكلام دة
وبحط بنزين 92 على طول عمرى محطيط ققل من كدة

اتمنى تكون المشكلة وضحت وفى انتظار ارائكم

[samirayad]

بس المشكلة دية بتقل ظهورها كل لما يكون البنزين الى فى العربية زيادة عن نصف التنك وبتبدا تظهر تانى لو البنزين قل عن نص التنك

شوائب كتير فى تنك البنزين

هى سبب مشاكلك

ولو غيرت فلتر البنزين النهارده

هتلاحظ تحسن كبير فى السحب

والمفروض تنظف التنك فى أقرب فرصه

[maxvan]

بس فى ناس استبعدت موضوع الشوائب دة وبيرجحوا طرمبة البنزين

[samirayad]

وانا ماشى العربية لو كبست بنزين على الاخر تروح جية مكتومة وتقطع اكن المتور فية قطن ولو دوست سنة صغيرة تمشى طبعا سحب العربية زى الزفت من ساعت اما المشكلة دية بتحصل

طيب شوف أنت بتقول إيه

أى يوجد قلق فى سحب السياره

_______________

ويقل القلق عند هذا الوضع ( أى السحب بيكون أفضل )

بس المشكلة دية بتقل ظهورها كل لما يكون البنزين الى فى العربية زيادة عن نصف التنك

طيب ليه بيحصل معاك كده

لأن كمية الشوائب معاها بنزين كتييييييييييييييير

نقول عندنا كوباية ملح ( شوائب ثابته ) + صفيحة ماء مليانه ( بنزين كتير )

يعنى كمية الملح الثابته ملوحتها غير واضحه نظرا لوجود ماء كتييييييييير

يعنى فيه بنزين أنظف فى التنك لأنه كتير مع كمية شوائب ثابته

تقدر تقول

قل أثر الشوائب مع وجود بنزين كثير


_____________________

وبتبدا تظهر تانى لو البنزين قل عن نص التنك

شوف هنا بأه الصوره أختلفت

كوباية الملح ( هى هى ) + نصف صفيحة ميه مثلا

هنا بأه أصبحت الملوحه عاليه أوى للميه

هنا أصبح البنزين أكثر تلوثا بسبب قلة كميته مع نفس كمية الشوائب

___________________

الملح ..........هو الشوائب وكميته ثابته

الماء .........بيناظر البنزين

قارن بين التشبيهين

هتلاقى كلامى صح

مش إللى بيقولولك طلمبة البنزين

( طبقا لطرحك للموضوع )

[samirayad]

وهقولك على حاجه أسهل

لو عندنا شوية تراب بمقدار ثابت

وجينا حطناهم مره فى صفيحة بنزين

__________________

ومره تانيه

جبنا نفس مقدار شوية التراب

وحطناهم فى أزازة بنزين

تفتكر أيهما سيكون بنزين أنظف ( بغض النظر عن العبوات حاليا )

الصفيحه .........أم الأزازه ..............؟

_______________

مفيش شك

الصفيحه هتكون ذات بنزين أقل تلوثا