ممكن اعرف سبب استهلاك البنزين بمعدل 145 كم فى الصفيحة

[mr_astra]

المشاركة الأصلية كتبت بواسطة refath انا ظبطت الكربراتير ومازالت المشكلة موجودة لدرجة انى شكيت انه يكون فى عجلة قافشة تم فحص العجل وتم تغيير الطنابير الامامية والتيل ولكن استهلاك البنزين يتراوح بين 145 الى 160 كم / صفيحة هل توجد اسباب اخرى مؤثرة فى استهلاك البنزين

اعتقد ان مشكلتك مش استهلاك بنزين من الموتور او اسباب فنية ....احتمال كبير جدا ان يكون فى تسريب او ترشيح فى دورة البنزين ابتداء من تنك البنزين مرورا بالخراطيم الى الحوض ورجوعا من الماكينة الى التنك مرة اخرى
يجب مراجعة جميع الخراطيم الموصلة للوقود وخصوصا عوامة البنزين اللى معروف عنها انها دائمة الترشيح وخصوصا ان التنك اسفل شنطة السيارة والعوامة فى مكان غبي ... ملخص الكلام انت لو عملت ظبط للكربراتير وطقم سرفيس خلى تفكيرك يبعد عنة وحاول تركز فى اللى بنصحك بية
لان مهما كان حالة الكربراتير سيئة صدقنى مش هاتوصل للمعدل اللى بتقول علية دة حاول كمان تشك على خرطوم الفايز الموجود بالتنك مهم جداااااااااا وايضا كاوتشة التنك لان معروف انها تملها تشقق وابقى طمنا
بالمناسبة كان معايا 128 1100 سي سي كانت بتعمل 250 كيلو/صفيحة

[refath]

جزاك الله خيرا

ان شاء الله ساقوم بفحص جميع الخراطيم الموصلة للوقود وخصوصا عوامة البنزين

[refath]

للاسف الاعربية ما زالت بتاكل بنزين ووصلت اخر مرة انها عملت 130 كم / صفيحة
روحت لاتنين ميكانيكية عملو تنظيف للكربراتير وما زالت المشكلة قائمة
نصحنى بعض الناس انى اروح لفنى كربراتير متخصص فعلا روحتلو امبارح
فك بوجيه رقم 2 وبص عليه ولقاه محروق ومفيش اثار بنزين او زيت عليه وقالى البوجيهات عايز تتغير ومرديش يفك الكربراتير وقالى مشكلتك فى البوجيهات غيرها بـ NGK يابانى والعربية حتظبط معاك وقالى لو الكربراتير فى مشكلة كان حيبان على البوجيهات
انا مش عارف اعمل ايه فى موضوع الاستهلاك ده

[essamenen]

اخى العزيز لو مافيش تسريب للبنزين من الخراطيم( على اساس ان الكربراتير يعمل بكفائه ) شوق الكربراتير نفسه فيه احمرار على جسمه الخارجى وعلشان تتاكد الاول ممكن تنظف الكربراتير كويس من الخارج ( الجدار الخارجى ) لحد مايبان لونه المعدنى
وبعدين تشوف الى لون احمر على الكربراتير بعد كام يوم.
كمان ممكن تعمل حركه ثانيه تدهن الكربراتير من عند الجوانات واحتمال اماكن التسريب بالشحم
وبعد كام يوم لو فيه تسريب طبعا الشحم هيسح ويسيل لاسفل وتعرف انه ده المكان.
جرب وانت كده كده مش خسران حاجه

[essamenen]

شرح ممتاز
معلومات ممتازه وقيمه
من رجل متمكن
بس فى تعليق بسيط اذا تكرمت على بالنسبه لخرطوم الفيظ وظيفته حرق وتنظيف الابخره الناتجه من اعلى عمود الكرانك نتيجه عدم احكام طقم الشنبر فيتم ادخاله فى الكربراتير مره اخرى ليتم حرقه بس لو كميه الابخره كتيره طبعا طبعا هتاثر فى كفائه الحرق لذالك يتم نزع الخرطوم.
فى السيارات القديمه الخرطوم متصل مباشره فى العمه وفى السيارات الحديثه يوجد صمام قبل دخول الكربراتير والاسم العلمى لتلك العمليه اجرات منع التلوث ( pcv )

http://www.youtube.com/watch?v=MzkOGPzi_Ys

طبعا الصمام ده فى العربيات الحديثه والوظيفه الاساسيه هى التنقيه فقط