افيدوني من فضلكم فليشيا 1995

[amr_walid]

السلام عليكم ورحمة الله وبركاته

افيدوني من فضلكم امامي سيارو سكودا فليشيا 1995 1300 cc فاضية بدون تكييف سليمة دواخل راشة بره مع زميل في العمل من خمس سنين وماتورها انجيكشن سألته علي السخونة فقالي مش بتسخن معاه واكدلي علي كده ومتكلمش معايا في السعر قالي هافصلها وارد عليك . فمحتاج اعرف رأي حضراتكم في الفليشيا كسيارة اساساً من حيث السخونة واعادة البيع وقطع الغيار مع العلم انها اول سيارة ليا فمش عايز حاجة تزهقني عند الميكانيكية والعفشة و ......الخ . ولو هي كويسة اخلص فيها في حدود كام . ولكم جزيل الشكر

[AbOnOrA]

وعليكم السلام ورحمة الله وبركاتة

موضوع انها تزهقك عند الميكانيكى ده يرجع لحالتها وعامة اهم حاجة فى المستعمل الحالة ايا كان نوعها ان شاء الله تكون مرسيدس لازم تكشف عليها كويس وعند ميكانيكى ثقة

والفيليشيا كعربيه ممكن تقرا فى القسم الخاص بسكودا مواضيع ومقارنات كتير عنها باستفاضة وتعرف كل مشاكلها وعيوبها الخ الخ
لكن باختصار هى عربيه اقرب لسيارات شرق اوروبا يعنى عفشه ناشفه واعتمادية متوسطة واداء عموماً متوسط لكن استفادت من اعادة التصميم اللى وضعته فولكس ليها خاصة من حيث الشكل العام والتصميم

اعادة البيع وسهولة الصيانة واسعار قطع الغيار متوسطة مقارنة بالسيارات الاروبية عموماً لكن مقارنة بالبدائل الكورى زى الكيا برايد والهيونداى اكسيل تعتبر غالية واتقل فى اعادة البيع

والقرار ليك فى النهاية

[eng_gouda2000]

الفليشيا إعتمادية
إقتصادية فى البنزين
صاج قوي ومتين
عفشة تنفع للشوارع المصرية
قطع غيار معقولة منها الصيني والتيواني والتشيكي والالماني
ثبات غير طبيعي على الطريق مع السرعات العالية
صالون واسع وشنطة معقولة
إنسيابية فى الشكل
تعتبر أفضل عربية فى الفئة السعرية من 25 ألف الى 30 ألف حسب الحالة

عيوبها ناشفة فى المطبات
واطية نسبياً على الارض
نموضوع السخونية محلولة بتغيير الردياتير 3 ماسورة ومروحة كبيرة والاهتمام بصيانة دورة التبريد

الخلاصة

لو الحالة العامة للسيارة كويسة أعتمد على الله
بالنسبة للسعر أدخل كونتاكت كار واعرف متوسط الاسعار

بالتوفيق مقدماً