ضروووووووووووورى ازاى اروح لدار المركبات

[om 3obayda]

سلام الله عليكم ورحمة الله وبركاته


معذرة
لو سمحت ازاى اروح دار المركبات صلاح سالم عن طريق كوبرى الدائرى
مع العلم ان انا هطلع من ناحية الهرم

[om 3obayda]

يا ريت يا جماعة حد ير عليا

[mhamdy75]

لو تعرفى تطلعى الطريق من على الخريطة

ده الرابط :

http://wikimapia.org/#lat=30.0647833...A7%D9%84%D9%85

[mhamdy75]

انزلى نزلة صقر قريش

على الاوتوستراد على صلاح سالم دوغرى

[truss]

1- طبعاً هتطلع الدائرى من اخر الهرم ( من طريق المنصورية طوالى لحد ما تقابل الدائرى)

2- هتمسك الدائرى و تنزل نزلة المعادى .. عشان تعرفها و انت على الدائرى اول ما تعدى النيل على طول هتلاقى نزلة على يمينك ما تنزلهاش, فوتها و بعدها ب 100 متر هتلاقى نزلة تانية (نزلة دائرية) انزلها و بكدة الكورنيش هيكون على شمالك.

3-امشى على طول هتلاقى صينية و اشارة.. و انت بتلف الصينية امامك مفترق امسك الشمال.. من الاخر خلى الصينية و الرصيف على شمالك و امشى , هتلاقى كوبرى اطلعه.

4- الكوبرى هينزلك فى طريق بيودى لمصر القديمة خليك ماشى فى الطريق على طول لا تخش يمين ولا شمال.

5- اخر الطريق دة هتطلع على صلاح سالم انزل فيه يمين.

6- هيقابلك كوبرى السيدة عائشة اطلعه .. و بعدين هيقابلك بعده بشوية كوبرى الفردوس اطلعه هو كمان.

7- بعد ما تنزل من كوبرى الفردوس امسك اليمين و هدى هتلاقى دار المركبات على يمينك.

و توصل بالسلامة ان شاء الله.