الطريق الي عزبة شلبي

[أيمن الروبي]

كنت عاوز اعرف ازاي اروح عزبة شلبي من الجيزة وتحديدا من الدقي ؟وشكرا

[Hisham.Elgazzar]

فى طريق من كورنيش شبرا
بس مش متأكد منه
انا كنت هناك من إسبوعين وفى جنوط مروحة هناك

[أيمن الروبي]

المشاركة الأصلية كتبت بواسطة Hisham.Elgazzar فى طريق من كورنيش شبرا بس مش متأكد منه انا كنت هناك من إسبوعين وفى جنوط مروحة هناك

شكرا علي ردك استاذ هشام واعجبت لأنك قريت دماغي انا رايح علشان اجيب جنوط مروحه هجيب طقم كامل بس ان شاء الله الاقي طقم استيراد نضيف وبعد كده هبيع بتوعي اللي راكبين دلوقتي
اصل انا قلقان من الجنوط الاسبور وهتعقد لو جبتهم ومرتحتش للعربيه او لقيت فيهم مشاكل
شكرا مرة اخري وربنا يكرمك علي قد ما بتحب تساعد غيرك

[zamanan2000]

انت امسك طريق الكورنيش من بعد التحرير كانك رايح على شبرا الخيمة وانت جاى وافضل معاه لحد ما تلاقى معهد ناصر على يمينك بعد معهد ناصر علطول فى شارع بعديه شارع فيه يمين ويمين حراق خليك مع اليمين الحراق اللى يطلعك على الخلفاوى اخره اشارة بتاعت شارع شبرا اول ما تعديها تنزل شمال علطول كانك رايح على المظلات او اسال وانت فى الاشارة اى حد هيقولك تتحرك ازاى علشان متتلخبطش قبل ما توصل المظلات ودى مسافة مش كبيرة حوالى 200 متر هتلاقى شارع على ناصيته واقفة ميكروباصات كتير واكلة نصه امسك الشارع ده يا عم الحج وافضل ماشي فى لا يمين ولا شمال هتلاقى بقى البحر على شمالك كمل برضه زى مانت لحد ما تلاقى الشارع دخل بيك يمين لوحده ودى بقى اسمها اشارة السواح من الاشارة دى شمال هتلاقى مطلع كوبرى مالكش دعوة بيه انزل انت من تحته وامسك اليمين وخلى بالك لان معظم اللى ماشي فى الاتجاه ده هيلف من تحت الكوبرى شمال انت هتلف يمين هتلاقى ان البحر بقى على شمالك تانى
افضل انت عايش بقى يا حج فى الشارع ده هتلاقى جامع البحر وده جامع هتلاقيه على شمالك من ناحية البحر وبعده بشوية هتلاقى عزبة شلبى على يمينك الداخلة بتعتها

معلش طولت عليك بس انا حاولت اوصفلك بالظبط علشان ما تلفش كتير

وتوصل بالسلامة انشاء الله