إحذر, رادارات ثابتة على الأوتوستراد.

[ahany]

المشاركة الأصلية كتبت بواسطة Horsepower السلام عليكم, اليوم لاحظت وجود رادارات ثابتة جديدة على الأوتوستراد ,,, لم أتمكن من تحديد عددها ولا بدايتها أو آخرها ,,, المؤكد هو وجود رادار بعد مدخل حلوان بحوالي 400 م باتجاه حي 15 مايو و آخر بعده بحوالي 3 كم ,,, سرعة الأوتوستراد 60 كم/س. وأرجوكم خالو بالكو من المطبات الجديدة إللي بتتعمل بالليل وبدون سابق إنذار ولا تحذير ,,, مافيش حاجة إسمها أنا حافظ الطريق دلوقتي. رأيي الشخصي على الفشل الذريع للكائنات إللي محسوبة علينا بني آدمين شغالين في المرور ,,, ربنا يحرقهم كلهم وينتقم منهم ,,,, والله يا حضرات في مساء يوم (من ثلاث أيام) وكالمعتاد تم إنشاء مطبان صناعيان عند نهاية منزل شديد الإنحدار على الأوتوستراد عند مدخل حلوان ,,, لم يتم الإعلان عن المطبات دي بأي صورة أو لافتة وكانت النتيجة إصطدام سيارتين ملاكي بمقطورة ووفاة 5 أشخاص (كل إللي كانو في العربيتين الملاكي ماتو في الحال) ,,, لو شوفتو منظر العربيتين بعد الحادث هاتلعنو المتسببين في وفاه الناس دي ,,, العربيتين مافيهمش بوصة سليمة لا من قدام ولا ورا ولا فوق ولا تحت ,,, الله يرحمهم جميعا ,,, بقالي 3 أيام ,,, كل يوم الصبح باعدي على العربيتين دول وأنا رايح الشغل وأتحسر على إني لسة في البلد دي ,,, ربنا يخرجنا منها على خير. حد يقوللي دم الناس دي في رقبة مين ,,, أنا آسف إني متعصب للحادثة دي بالذات لأن كان ممكن أكون أنا المتوفي أو أخويا أو صديق محترم غلطة الوحيدة إنه عايش تحت حكومة (((((فاشلة))))))

كل المشاركات سب ولعن وشتيمة فى القائمين على المرور ..ماشى بس ممكن حد يفهمنى تحديدا اية المطلوب ؟؟؟؟؟
يعنى طريق داخلى و السرعة 60كم / ساعة و تحصل حادثة بالشكل دة . يبقا يا النقل كان طاير او الملاكى بيسابقوا بعض هما الاثنين وبسرعة مش اقل من 160 كم / ساعة ( ودة من منظر العربيتين ) ربنا يرحمهم
يبقى المطلوب ازالة كافة الردارات ؟؟؟؟؟ ام ازالة كافة المطبات علشان نقلبها حلبة سباق ؟؟؟؟
لو التزمنا ( وانا اولكو ) بالسرعة المقررة - على الاقل فى الطرق الداخلية بالسرعة المحددة معتقدش ان حادثة زى دى ممكن تحصل
واسف لمخالفتكم الرأى
وتقبلوا احترامى و تحياتى

[samirsaid1]

حسبى الله ونعم الوكيل فى كل اللى يعمل مطب بغرض أذية الناس
وربنا يرحمهم جميعا

منظر العربيات فظيع
ربنا يسترها

[engfathy]

المشاركة الأصلية كتبت بواسطة ahany كل المشاركات سب ولعن وشتيمة فى القائمين على المرور ..ماشى بس ممكن حد يفهمنى تحديدا اية المطلوب ؟؟؟؟؟ يعنى طريق داخلى و السرعة 60كم / ساعة و تحصل حادثة بالشكل دة . يبقا يا النقل كان طاير او الملاكى بيسابقوا بعض هما الاثنين وبسرعة مش اقل من 160 كم / ساعة ( ودة من منظر العربيتين ) ربنا يرحمهم يبقى المطلوب ازالة كافة الردارات ؟؟؟؟؟ ام ازالة كافة المطبات علشان نقلبها حلبة سباق ؟؟؟؟ لو التزمنا ( وانا اولكو ) بالسرعة المقررة - على الاقل فى الطرق الداخلية بالسرعة المحددة معتقدش ان حادثة زى دى ممكن تحصل واسف لمخالفتكم الرأى وتقبلوا احترامى و تحياتى

أنا معاك طبعا ان في حوادث كتير اوي اوي سببها السرعة المجنونة بتاعت الناس
خصوصا ان انا بامشي على الطريق ده كتير وعارف مكان المطبين دول وعارف الناس بتجري على الطريق ده ازاي بس مش معنى كدة ان مفيش ذنب على اللي عامل مطب صناعي على طريق ومش حاطط ولا حتة ورقة تقول ان في مطب صناعي على بعد اد كدة زي باقي الدول المحترمة وحتى اللي مش محترمة بتعمل كدة
انما احنا نعمل مطبات و نسيبها مفاجأة للي سايق نعمل صيانة في الطريق ونسيبها مفاجاة والمصيبة بقى اننا بعد ده كله نعمل الرادار و نكتب احذر السرعة مراقبة بالراداريعني بتحذر الناس علشان متتمسكش و سايبهم يلبسوا في الحيط بسبب مساوئ الطرق اللي زي الزفت!!؟