بنزين 80 مع فيرنا 2013 !!؟

[eng/walaaeldeen]

السلام عليكم
عندنا كل التاكسيات الفيرنا بيمونو 80 وشغالين ومافيش مشاكل
والله المستعان

[the necromancer]

المشاركة الأصلية كتبت بواسطة mOuStaFa_ERTU كده دى يعنى مثلا متطلعش بالعربية غير على الغيار الاول وكده هاهاهاها لابجد واحده واحده عليها وماتفتريش ومتقرص عليها ومبروك مقدما

تمام كده شكرا

المشاركة الأصلية كتبت بواسطة eng/walaaeldeen السلام عليكم عندنا كل التاكسيات الفيرنا بيمونو 80 وشغالين ومافيش مشاكل والله المستعان

شكرا لأهتمامك

[sayed2077]

المشاركة الأصلية كتبت بواسطة the necromancer الله يبارك فيك وشكرا لأهتمامك متشكر ربنا يجازيك خير على ردك الوافي بس خلينا في ال80 دلوقتي مؤقتا اضمن وعشان الضمان برضه مش عايز اكسره بعد اذنك بس حابب اعرف منك ايه وكدا ديه عشان انا لسه غشييييييم تماما

ياباشا ولا يهمك وجزاك الله خيرا اما بالنسبه ل
وكدا ديه يا سيدى هتبقى كالاتى
1: مينفعش تطلع غير على الاول
2:مينفعش مثالا تبقى ماشى على سرعة 20 وتجيب الغيار التالت علشان مكسل
3:مفيش حاجه اسمها انك تفرك وتحاول تشد مع حد لانك هتكون خسران اكيد لانك لو دوست بنزين فجائى مش هتلاقى تسارع هتلاقى صوت تسقيف
4:لازم تخلى نقل غياراتك مظبوطه يعنى مثالا
الاول من 0 الى 20
الثانى من 20 الى 40
الثالث من 40 الى 60
الرابع من 60 الى 80 -90
الخامس من ال 80- 90 الى ما فوووق

وعموما البنزين ال 80 عمره ما هيخلى العربيه تطلع لفووق سرعه 140 مستحيييييل جداااااا وصعب جداااا

مع العلم انك هتجيب ال 140 ديه بعد ساعه مثالا وهتكون دايس على دواسة البنزين للاخر و الماتور سرعته مش هتزيد عن كدا

والبنزين ال 80 مش بيطلع كل القدرة الحصانية لمحركك والدليل على كده

امشى على البنزين ال 80 مثالا مدة شهر
هيشتغل معاك زى الفل وكل حاجه بس المهم تكون سواقتك هادية زى ما قولت بس اهم حاجه متعملش اللى قولتلك عليه فوق

المهم بعد ما تمشى شهر بالبنزين ال 80 جرب كدا تفول تفويلة 92

وامشى بالعربيه

ساعاتها بس هتعرف انك كنت ماشى مثالا
بحوالى 70% من قدرة محركك القصوى

بس لما هتحط ال 92

هتلاقى تسارع العربيه بقى جامد جدااااااااا
ممكن تشد مع اى حد مهما كان

هتلاقى انك لو الطريق يسمح ممكن تجيب سرعات 140 او اعلى كمان ممكن لو عاوز تجيب سرعة ال 200 نفسها
وبسرعه جداااا والسرعه بتجمع معاك بسرعه كدا

وعوما تقدر تقول

البنزين ال 80 معمول علشان الوضع الاقتصادى وعلشان تقضى مشوارك وخلاص
بدون اى شد ولا بتاع

اما ال 92 فده بقى لو عاوز تستمتع شوية بالسواقه وتشد مع اى حد ولا يهمك وكدا

[Marlborooo]

نصيحة لو هتحط بنزين 80 ديما تفول والتنك مليان نصفه متسيبش التناك يفضي عشان الرواسب

وممكن تحط معاه سائل تنظيف الرشاشات

[ابو الفضل]

ايه هو سائل تنظيف الرشاشات ؟ وبكام ؟ ومنين ؟