هل يوجد حل لمشكلة RPM حسبى الله ونعم الوكيل فى منصور شيفروليه(افيو)

[AMRSAID127]

انا جبتها زيرو موديل 2011 ومن اول يوم وهيا فيها مشكلة ال ار بى ام بيعلى لوحدة لما ادوس دبرياج ورحت التوكيل 3 مرات دون فائدة وكان الحل من وجهة نظرى انى ابيع العربية واخسر فلوس احسن من حرقة الدم وبالفعل بعتها بعد شهر ونص تقريبا والله كانت لسه عاملة 1700 كيلو بجد عربية فاشلة وتوكيل افشل
وعلى فكرة منصور غير الشعار بتاعة وبقى
( خليك فى المضمون وابعد عن منصور )

[محمود زيزوو]

مشكلة بسيطة جدا جدا ىوحلها بردة بسيط وناس كتير معانا فى المنتدئ الجميل بتاعنا حلوها انك تغير حساس الا يديل وتجيب واحد اصلى كويس وهتلاقى مفيش مشكلة خالص وربنا معاك

[shady shado]

مشكله ال rbm دي حلها في حاجه اسمها الترمله وهما بيظبطوها في التوكيل انا كانت عندي ال rbm بيعلي لوحده وانا ماشي بالعربيه وهيا علي المور ومش حاطط رجلي علي البنزين ولا فاتح المكيف وكان بيوصل عند 1.5 لفه ورحت التوكيل والحمدلله خلصت منها اما حوار العفشه بتزييق ممكن حاجه بسيطه ممكن تروح البنزيه تغسل العربيه من تحت غسله حلوه وبعد ما تخلص تجيب اسبراي شحم ابيض وترشه علي كل الجلب اللي في العربيه اما موضوع الرجرجه ده ممكن من الطنابير عايزة تتخرض او تتغير لو عامل بيها كيلوات كتير اما لو العربيه مش ماشيه كتير يبقي التيل نوعه مش كويس وخشن علي الطنابير وجرب كده وقول ايه الاخبار

[besyaman]

المشاركة الأصلية كتبت بواسطة صلى على الرسول اشتريت السيارة (افيو) منذ يناير الماضى ...والسيارة تعبتنى اوى الصراحة... مشكلة الار بى ام مش لاقى لها حل فى التوكيل ...والعفشة بتزيق ورجرجه فى الفرامل .... انا اتخنقت منها الصراحة ومش اعمل فيها ايه .... من لدية هذه المشاكل يضم رأيه لنجد حل للموضوع ده...والى كان عنده المشكلة دى وحلها ممكن يقول لى حلها ازاى....انا بدعى عليهم الله لا يكسبهم

مشكلة RPM سهلة جدا فالتوكيل بيغير الفيشة اللى ورا الطابلو انا كانت عندى كده معظم العربيات كانت نازلة بالعيب ده واتحل فالتوكيل خلاص

[heshhesh]

انا للاسف عندى نفس المشاكل معاادا موضوع الارى بى ام وللاسف نفس مشكله العفشه ونفس مشكله التزييق من ورا مع ان عربيتى افيو 2012 وعامله 5900 كيلو فقط حسبى الله ونعم الوكيل