أسئلة لا تذكرعند تعلم القيادة...لماذا؟؟مطلوب أجابة الخبراء فى القيادة

[rias]

أسئلة لا تذكرعند تعلم القيادة...لماذا؟؟
هناك أسئلة لا نسألها عند تعلم القيادة وكل همنا يكون منصب على تحريك السيارة وأيقافها وهذا تقصير من المتعلم ولكن لا نعفى المعلم أو القائم بتعليم القيادة من دورة
لكن ربما هذا يرجع أن فاقد الشئ لا يعطيه
وعليه أرجو من الخبراء أفادتنا ماذا نفعل فى المواقف الآتية:
موقف رقم (1)
ماشى بالعربية وفردة كاوتش فرقعت
1-فرده الكاوتش أماميه يمين وفى حالة فرده الكاوتش أماميه شمال
2-فى حالة العربيه جر أمامى وفى حالة العربية جر خلفى
3-فى حالة السرعة فوق 90 وفى حالة أقل من ذلك
4-ما هى العوامل الهامة التى تأخذ فى الحسبان عند التصرف(مثلا العربية مانيوال أواتوماتيك - وزن العربية - تعليق العربية..ألخ... ولا هذة العوامل ليست ذات أهميه؟؟)
وطبعا بكلم على سيارة ملاكى يعنى مش ميكروباص أو غيرة
مع جزيل الشكر مقدما
وتقبلو تحياتى

[fepsceasar]

اللى اعرفه ان لو لا قدر الله ده حصل ما تدوسش فرامل ولو مانيوال قلل الغيارات لحد ماتقف

[Hisham.Elgazzar]

إستخدام الفرامل محذور تماما ، هى العجلة مش هتفرقع لأن التيوبلس بيبقى شغال معاك
الأول هتحس ان فردة الكاوتش بتدب جامد طبعا تهدى السرعة ومن 80-90 هتقدر تتحكم فى العربية لكن ماتستخدمش الفرامل منتا كده كده العجلة اتدمرت يبقى ماتفرملش عشان الجنط مايتدمرش

وهى هتقف بإذن الله وماتركنش على الشمال مهما حصل لأن محدش بيرحم
ونصيحة لو الكاوتش بتاعك مش زيرو او نوعه نص نص ماتزودش السرعة عن 90

حصل معايا قبل كدا ونا راجع وكنت ماشى الصبح على 90 ولقيت صوت دبدبة جامد جدا (عربيتى دفع خلفى )
حسيت ان حد بيشد العربية ويثبتها من ورا ولا دوست فرامل قبل سرعة 60 ع العداد
وعموما خلى الكاوتش اللى قدام زيرو دايما والقديم شوية خليه ورا

[memo59]

المشاركة الأصلية كتبت بواسطة Hisham.Elgazzar إستخدام الفرامل محذور تماما ، هى العجلة مش هتفرقع لأن التيوبلس بيبقى شغال معاك الأول هتحس ان فردة الكاوتش بتدب جامد طبعا تهدى السرعة ومن 80-90 هتقدر تتحكم فى العربية لكن ماتستخدمش الفرامل منتا كده كده العجلة اتدمرت يبقى ماتفرملش عشان الجنط مايتدمرش وهى هتقف بإذن الله وماتركنش على الشمال مهما حصل لأن محدش بيرحم ونصيحة لو الكاوتش بتاعك مش زيرو او نوعه نص نص ماتزودش السرعة عن 90 حصل معايا قبل كدا ونا راجع وكنت ماشى الصبح على 90 ولقيت صوت دبدبة جامد جدا (عربيتى دفع خلفى ) حسيت ان حد بيشد العربية ويثبتها من ورا ولا دوست فرامل قبل سرعة 60 ع العداد وعموما خلى الكاوتش اللى قدام زيرو دايما والقديم شوية خليه ورا

[rias]

وعموما خلى الكاوتش اللى قدام زيرو دايما والقديم شوية خليه ورا

[/QUOTE]

شكرا جزيلا على الأفادة بس النصيحة ده فى حالة الجر الخلفى ولا الأمامى؟؟