ان شاء الله ناويت اجيب دايون 7 و محتاج مساعدة

[mohamed_3abdel3al]

يا جماعة انا عايز اعدله و اخليه شبه الهارلي بالظبط

فياريت اي حد يعرف اي حاجة يقولها

انا عايز دا



يكون زي دووووووول

[Jack Box]

مانا قولتلك قبل كده تعمل ايه

[mohamed_3abdel3al]

المنتدى كان بايظ و الموضوع مش موجود !!!!!!

[mohamed_3abdel3al]

فمعلش ياريت تقولي تاني

[Jack Box]

المشاركة الأصلية كتبت بواسطة mohamed_3abdel3al فمعلش ياريت تقولي تاني

بص ياجميل
1-هنشيل الجادون بتاعها ونركب جادون ستيد 600 استيراد هيكلفك 450 جنيه وفي فكره جامده ممكن تعملها انا شوفتها مع واحد صاحبي عاملها جايب جنزير وملحم العقل بتاعتها وعمله نيكل ومركبه شكله هجومي وجامد اوي
2- هنغير العداد بعداد استيد 400 او ممكن تجيب عداد صيني عداد واحد اخر الامبير بتاعه 160 وده ب 90 جنيه وهيبقي شكله جامده علي الوش
3- هتغير الفانوس القرطاسي بفانوس صيني مدور ب 65 جنيه
4- هتشي الضهر والحماله والكرسي الخلفي عشان تبقي كاستم علي الاخر
5- هترش الجنوط اسود معادا الماستر الامامي عشان الفرامل
6- هتشيل العداد اللي علي التنك وتملي مكانه فيبر بلون المكنه الفيبر هيكلفك 150 جنيه
7-هتجيب وش نيكل للموتور تمنه 70 جنيه وممكن تعمله عموله وعلي حسب المصنعيه
8-هتغير الكلاكس بكلاكس هوا تايواني ب 110 جنيه
9-هتشيل كل العلامات اللي فيها اللي مكتوب عليها دايون وعشان تبقي اشيك متحطش عليها اي لوجو
10- هتركب مرايات مدوره احسن من المستطيله الجوز ب 72 جنيه
11-هتجيب حاجه اسمها فوت بورد دواسات يعني عشان تحط رجلك براحتك عليها الجوز هات الصيني بتاعه الهوجانج سعرها تعبان يعني ولو عايز حاجه حلوه هات فوت بورد بتاعه مكنه شادو
12 - الاكصدام من ادام خدو عند الحداد خليه يعملك فيه مسندين عشان تحط رجلك عليهم وانتا ماشي مسافه طويله .
13 - غير ورق الدبرياج بورق دبرياج هوندا عشان يعمر معاك
14 - هتغير الترس الخلفي بترس اصغر عشان تجمع معاك سرعه اسرع
15 - ودي اهم حاجه تركب علبه شكمان تربو هتكلفك 450 جنيه علبه كويسه
دي كل خبرتي وانا عملتها فعلا في مكنه زيها وقلبت شكلها تمااااااما ومكنش حد عارف ان دي صيني
وانا تحت امرك