|
#6
23-10-2010, 10:38 PM
|
||||
|
||||
رد: البوجيهات فى كلمات
شكرا لكما
وللأسف فيه بقيه لسه للموضوع وبقيه دسمه بالفعل وسوف أطلب من أخى المهندس : محمد أحضارها من موضوعى الأساسى لأضافتها بهذا الموضوع
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#7
24-10-2010, 03:21 AM
|
||||
|
||||
|
رد: البوجيهات فى كلمات
منتحرمش من تحفك يا باشمهندس سواء القيمة الفنية او الاسلوب الممتع فى السرد ومتابعة الردود
انا بس كنت عايز اسأل عن حاجة محيرانى من زمان انا مقتنع ان البوجيهات زى اى حاجة افضل يتعملها صيانة دورية برضو يعنى مثلاً كل عشر الاف الواحد يفكها ويغسلها ويراجع على ظبطه المقاس ويركبها الكلام ده صح ولا غلط انا كنت بخلى الميكانيكى يعمل كده فعلاً بس ناس كتير نبهتنى ان كتر الفك والتركيب بدون داعى ممكن يكون ليه اضرار فقولت اغيرها كل عشرين وخلاص حضرتك ايه رايك بالنسبة لواحد زىي افضل اغيرها كل قد ايه لضمان افضل اداء لمنظومة الاشعال العربيه كيا برايد موتور مازدا B3 انجكشن
|
|
#8
24-10-2010, 09:56 AM
|
||||
|
||||
رد: البوجيهات فى كلمات
__________________
م / محمد قاسم معا لمقاطعة المنتجات الروسية والصينية نصرة لاخواننا في سوريا
|
|
#9
24-10-2010, 10:56 AM
|
||||
|
||||
رد: البوجيهات فى كلمات
فالبوجيهات مثلها مثل أى شىء تم صناعته بتبلى مع مرور الزمن والأستعمال وبما أنها بتتعرض للتقادم والتهالك مع مرور الوقت والأستعمال فالصح هندسيا ومنطقيا مراجعة الثغره بين قطبيها مع عمل نظافه فى منطقة الثغره ولو بالصنفره الخفيفه مع الغسيل بالبنزين والتجفيف (قبل أعادة التركيب للأستعمال مره ثانيه ) _________________________ ____ طيب نحدد الميعاد ده أزاى بصوره تقريبيه نقول كل 10 آلاف ( كما تفضلت أنت وأشرت ) نعمل القصه دى _________________________ ____ طيب برضه حلاقى إللى بيقوللى هو أيه اللى بيخللى البوجيهات تتعرض للتقادم ونقص فى آداء دورها الهندسى الموكل إليها حنلاقى أجابه للتساؤل ده مع أستكمال هذا الموضوع لاحقا فى البوست القادم
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#10
24-10-2010, 11:01 AM
|
||||
|
||||
|
رد: البوجيهات فى كلمات
أستكمالا مع أخى المهندس : محمد قاسم
جارى تكملة هذا الموضوع وده كان سؤال طرح عليا من أحد الزملاء _ايه معني البوجيهات ٣ شمعة مثلا وتفرق ايه عن العادية؟وازاي اعرف عدد شمعات البوجيهات الانسب للموتور بتاعي؟ معنى بوجيه 3 شمعات ....يعنى بوجيه عادى جدا بنفس الشكل اللى فى الموضوع ....ولكن بدل قطب سالب واحد (الطرف المثنى على الجسم المعدنى من تحت ) بيبقوا تلاته متوزعين على 120 درجه على محيط الجزء المعدنى من تحت طيب بتفيد فى أيه القصه دى معروف أن الشراره بتيجىء أزاى على نهاية البوجيه كهرباء بضغط عالى جدا ماشيه فى القطب الموجب بتكسر مقاومة العزل (بين ثغرة البوجيه ) لما الكهرباء دى بتعدى فى هواء الثغره وتخترق هذه الثغره .... بترتطم بالقطب السالب( الطرف المتنى ) ومن هنا بتحصل الشراره حفكرك برضه لما بيكون عندنا سلك كهرباء من بتوع أنارة الشوارع ويروح واقع على الأرض بيعمل أيه .....بيروح مطلع شرر كهربى .... هو ده اللى بنكلم عليه ......ومش حقولك هو صحيح الهواء غلاب ههههههههههههه تعالى معايا بأه علشان نفسر الكلام سويا 1- فى البوجيه الشمعه الواحده بيكون عندك مصدر أطلاق واحد للشرر الكهربى ____________________ 2- فى البوجيه أبو تلاته شمعه بيكون عندك 3 مصدر أطلاق للشرر الكهربى (لأن فيه 3 قطب سالب ...3 رجول يعنى ) طيب أيه مميزات وعيوب كل نوع فى الحقيقه اللى حقولهولك ده أجتهاد من عندى ...وليس ناتج من معلومه مكتوبه ( الحق كده ....مش الحب كده ) 1- أبو شمعه واحده - مركز أطلاق الشراره واحد فقط يعنى بؤرة أشعال مخلوط الهواء والبنزين واحده فقط يعنى حريق أكثر نعومه - البوجيه يا يشتغل يا ميشتغلش .....أبيض يا أسود ....لأن فيه مركز واحد لأطلاق الشراره - بيمتاز بسهولة ضبط الجاب ورخص الثمن كمان - لو بوجيه قاطع ومخسع شويه بتعرف بسهوله من تتليته المكنه والرجه والرعشه وخلافه 2- أبو 3 شمعه -مركز أطلاق الشراره ( عدد 3 مركز ) طيب مركز عطل ....الباقى شغال ...أذا دى ميزه - وجود 3 مراكز شراره من وجهة نظرى غير مستحب فنيا لحدوث تضارب وبرجله فى مراكز أطلاق الشراره وبالتالى بتجد بعض المحركات ....من الصعب جدا أستعمال بوجيه 3 شمعه فيها - طبعا أغلى فى الثمن .... فى الحقيقه ده التصور اللى قدرت أوصله حاليا عن الفرق بين البوجيه الواحد شمعه وأبو تلاته شمعه كفايه كده ......علشان الست قالت ( للصبر حدود ) بالمناسبه ....عن نفسى لا أفضل الا البوجيه الواحد شمعه مثل ال ngk أو البوش والدنسو وخلافه ....من زوى الرجل الواحده اقتباس ٢_ازاي اسلاك البوجيهات بتأثر علي السحب؟وازاي اعرف انه فيه عيب في البوجيه نفسه او في الاسلاك؟ أسلاك البوجيهات هى اللى بتوصل الجهد الكهربى من الأسبراتير للبوجيهات طيب الجهد هرب منه شويه فى السكه ...أبه اللى حيحصل الجهد اللى حيوصل للبوجيهات حيبقى ضعيف ومخلع ومش قادر يخترق ثغرة البوجيه يعنى ضعف شراره ....يعنى سحب تعبان وموضوع العيب من البوجيه أو من الأسلاك بيبان من أختبار قوة الشراره من عند البوجيهات ( أسلاك ) .....أو بأخراج البوجيهات والكشف عليها وتحليل جميع الأسباب <!-- / message --><!-- sig --> __________________ قد يجد القارىء بعض التداخلات البيسطه (عباره عن عناوين أغانى للست ) لأن كان الزميل المحاور معى ( طبيب وغاوى فكاهه )
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
 |
|
|
