عرض كامل للرينو 19 (عربيتى)

[POP EL GAMED]

اولا:العربيه الرينو 19 ابتدت من سنه1988
وكان الشكل الموجود هو الهاتش باك
اتغيرت تماما فى سنه 1991 للشكل الجديد السيدان المعروف حاليا
ثانيا المواتير:
1-مواتير بنزين(1.4-1.6-1.8)
2-مواتير الديزل(1.8-1.8 تربو)
ثالثا الكماليات:
1-تكييف
2-باور ستيرنج(طبعا زيت)
3-زجاج كهربى(امامى فقط)
4-سنتر لوك(ريموت للسنتر مدمج فى المفتاح)
رابعا الجوائز:
سيارة العام 1989 (اسبانيا)

سيارة العام 1989 (المانيا)

السيارات المستورده # 1 1989 وعام 1990 (المانيا)

سيارة العام 1993 (الارجنتين)

اخر موديل للرينو ال19 كان سنه 1994 وبعد كده اتغيرت للرينو الرينبو
ودى ليها ريفيو تانى وقصه تانيه
اعتقد كده انا وضحت تاريخ العربيه(طبعا انا لسه مقلتش كل اللى عندى بس هكمل ان شاء الله لما الاقى حركه معايا واستفسارات فى الموضوع):showme:showme:sh owme

[Payoo]

شكلها عزيزه عليك العربية دي أو أنت من الناس اللي بتقدر الأشياء

ربنا يباركلك فيها

وياريت صور عشان نتعرف على الأموره

[AbOnOrA]

تسلم يا بوب بس برغم الجوائر ديه كلها العربية ديه ملقاش سوق هنا فى مصر خالص والناس بتهرب منها مش عارف ليه

[POP EL GAMED]

المشاركة الأصلية كتبت بواسطة Payoo شكلها عزيزه عليك العربية دي أو أنت من الناس غللي بتقدر الأشياء ربنا يباركلك فيها وياريت صور عشان نتعرف على الأموره

هى فعلا عربيه محترمه والله مش عشان هى عربيتى انما عشان هى فعلا عربيه قويه بالنسبه لفئتها
(منزلش مصر منها غير الموتور ال1.4 بنزين بس)
ونجيب صور يا باشا انت تأمر
الصور هتكون موجوده بأذن الله

[POP EL GAMED]

المشاركة الأصلية كتبت بواسطة AboNoRa تسلم يا بوب بس برغم الجوائر ديه كلها العربية ديه ملقاش سوق هنا فى مصر خالص والناس بتهرب منها مش عارف ليه

الناس بتهرب من العربيه دى عشان اشاعات قطع الغيار لان الناس كلها مقتنعين ان اسعار قطع غيارها غاليه(مع مراعاه انها معمره عن الكورى جدا)
يعنى انا حضرنى موقف انى لما كنت هشترى العربيه دى(اشتريتها مستعمله من فتره)
انا ليا ميكانيكى محترم جدا وبتعامل معاه من حوالى 10 سنين فباخد منه الكلام ثقه جدا
المهم عديت عليه فى يوم وبقوله انا عايز اشترى عربيه رينو 19 كان هيعيط وانا بكلمه وبلاش وحرام وقطع غيار الرينو غاليه مش اى ميكانيكى بيشتغل فيها كلام كتير كده وانا عمال احاول اقنعه انه يجى يتفرج عليها وهو يقولى طيب ننزل نشترى هيونداى اكسيل-هيونداى اكسنت(عشان السعر)
المهم انا اصريت انه يجى معايا وفعلا جه معايا وشاف العربيه
وسبحان الله لما شافها قالى كويسه جدا وانا برجعه الورشه قلت اسأله قلتله ايه رأيك قالى:
عربيه حلوه وناعمه واسعه (وقال بالفظ :دى فرنساوى)سبحان الله بعد ما كان بيقولى متجيبش دى وابعد عنها قلتله يعنى بلاش اكسيل قالى لا دى احسن بكتير
قلت الحمد لله واعتمدت على الله وخدتها والحمد لله هى كويسه معايا
(الموعظه من الحكايه دى ان الرينو-ستروين الاتنين دول فرنساوى وجامدين جدا ومش واخدين حقهم فى مصر خالص عشان الاشاعات والكورى وقطع الغيار واشاعه ان ميكانيكتها معقده)
على العموم اى حد برضه محتاج اى معلومه انا موجود