اكسنت RB ولا صني 2012 الشكل الجديد

[cooliokh]

أكسنت أحسن لية ...... علشان :

المميزات : أداء رياضى للمحرك بيستجيبلك بسرعة , صالون مريح , شكل ممتاز من برة و من جوة , ثبات كويس لو مش من هواة الطيران ( يعنى لو أخرك 120 -140 ) , الفتيس الستب ترونيك حلو و بيستجيب بشكل ممتاز, الصاج خفيف عشان السرعات و عشان الحوادث ماتموتش , أبعاد العربية حلوة قوى لو مابتحبيش العربيات العريضة, إستهلاك البنزين مقارنة بإنك مشغلة التكيف على طول ممتااااااز جدا , كومبيوتر الرحلات اللى فى العربية جميل قوى و بيديلك كل اللى محتاجة تعرفيه , كاسيت و سماعات حلوين مش هاقوللك جبارين أو ممتازين و أبالغ .


الصنى :
يابانى ( يعنى قطع غيار غالية )
إستهلاك بنزين مقرف
شكل وحش مش هايعيش كتير و مش هاتكون مرغوب فيها لأن كل الإتجاهات فى السنيين اللة جاية رايحة ناحية العربيات ذات التصميم الإنسيابى.
الخامات من جوة العربية الصالون و الكونسول و الكاوتش العازل للصوت حاجة تقرف و تعبانة مووت.
كفاية كدة.

[mostafa mamdouh]

صنى اكيد ........الاكسنت دية عربية فاشلة بكل المقاييس وسعرها غالى اوى على الفاضى وكفاية ان ثباتها تعبان

[mohamed elshahat]

والله من حيث الشكل انا افضل الاكسنت RB لان الصنى الجديدة مش حلوة خالص
ومن حيث الجودة افضل اليابانى عن الكورى

[mido_migo]

المشاركة الأصلية كتبت بواسطة heba_hasan انا محتاره بين الأتنين ممكن تقولولي ايه احسن انا مش عارفه مين احسن

حضرتك كل عربيه منهم احسن من التانيه في نواحي مختلفه مفيش منهم عربيه احسن من التانيه في كل حاجه
فالمفروض احنا بنشوف احنا محتاجين ايه من العربيه و محتاجينها في ايه
يعني مثلا :
لو حضرتك عايزه العربيه شبابيه و روشه واوبشنها عالي و شكلها من بره و جوه تحفه لكن ميهمكيش الوسع الداخلي و بالذات الكنبه الخلفيه يبقى اكيد ال ار ابي
و لو عايزاها عائليه او هتسافري بيها كتير و تكون اعتماديه و في نفس الوقت شكلها مقبول ( الشكل الجديد احسن من القديم 100 مره و مع ذلك ال ار بي احلى )
وتكون اتزان وثبات على الطريق ( ال ار بي ريشه بعد 120 ) يبقى اكيد الصني
وفي نفس الوقت الاتنين في بينهم نقاط مشتركه :
-استهلاك البنزين جيد
-قطع الغيار متوفره
-سعر اعادة البيع (الاتنين سوقهم ماشي في مصر)
طبعا بالنسبه للنقاط الثلاثه الاخيره انا بقارن بين ال ار بي و الصني القديمه ( و اللي اعتقد انها مش هتختلف بالنسبه للشكل الجديد )
و شكرا

[esam_comm]

ونرجع للسوال الدائم المتكرر اشتري عربيه علشان عجباني بغض النظر عن نوعها حتي لو كانت فورد ولا ستروين ولا اجيها علشان اما اجي ابعها تتباع بسرعه وان السوق والناس وكله بيطلبها وهاقول مثال يوضح وجهه نظري
لو عندك اوبل او فورد فوكاس وعندك فيرنا ولا لانسر مع تقارب سعر الفيرنا مع بعض موديلات الفيكترا وتقارب ايضا الفوكاس مع سعر اللا نسر وجيت تبيع هايجيلك كام زبون لكل عربيه مع ان الفيرنا مش احسن...............:fun_1 0_1_124[1]: