إزاى ادفع 70 الف مثلا فى سيارة زيرو وتكون معيوبه

[waelsalah]

السلام عليكم ورحمة الله
من بحثي المستفيض فى عالم السيارات الخاص بالفئة السعريه 70 - 80 الف ج تقريبا
مثل الفيرنا - الانوس - byd - الافيو - (حتى الصني) انا عارف انها فئة اعلى وبردوا فيها عيوب كتيره ويابانى ما بالك بالصيني

طبعا وجدت ان ده من عيوب المستورد والمجمع المصري ( تقفيل وخامات رديئة وكمان انتقاص من الكماليات )
طب ايه الحل ؟

هنشتري ايه مش فى عيوب وتكون زيرو وتشتغل تاكسي يعنى مطلوب منها اعتمادية وقطع غيار متوفره وسهولة الصيانة

بمعنى آخر هو الزيرو بقا زى المستعمل ؟ ولا الدنيا ماشيه ازاى ؟

اتمنى افادتكم القيمه
وشكرا جزيلا

[Ahmed AlGamal]

اللي بيحصل ده نصب و سرقة و اهانة لينا ..... و الله المفروض نعمل ثورة ...... المفروض الكل يقاطع كل انواع العربيات لحد ما الوكلاء يحترمو نفسهم و ينزلو العربيات باسعارها الحقيقية في العالم كله

في السعودية لما الاسعار رفعت شوية عندهم عملو حملة اسمها "خلوها تصدي " و في السعودية اللي العربيات فيها برخص التراب بالنسبة لنا و كمان مواصفاتهم و الجودة اللي بتنزل عندهم لا تقارن باللي عندنا

لكن احنا للاسف بنتختم على قفانا و نسكت

http://youtu.be/k2HdpIhFYCE

http://youtu.be/3AamuRKzbJw

[goudai]

المشاركة الأصلية كتبت بواسطة waelsalah السلام عليكم ورحمة الله من بحثي المستفيض فى عالم السيارات الخاص بالفئة السعريه 70 - 80 الف ج تقريبا مثل الفيرنا - الانوس - byd - الافيو - (حتى الصني) انا عارف انها فئة اعلى وبردوا فيها عيوب كتيره ويابانى ما بالك بالصيني طبعا وجدت ان ده من عيوب المستورد والمجمع المصري ( تقفيل وخامات رديئة وكمان انتقاص من الكماليات ) طب ايه الحل ؟ هنشتري ايه مش فى عيوب وتكون زيرو وتشتغل تاكسي يعنى مطلوب منها اعتمادية وقطع غيار متوفره وسهولة الصيانة بمعنى آخر هو الزيرو بقا زى المستعمل ؟ ولا الدنيا ماشيه ازاى ؟ اتمنى افادتكم القيمه وشكرا جزيلا

خلينا عمليين الموضوع فعلا محتاج لوقفة لكن انا هتكلم على طلبك تحديدا واسمحلى ارشحلك دايو لانوس مستعمل لحد موديل 2008
العربية مريحة وقطع غيارها رخيصة وصيانتها سهلة وبعدين طالما هتشغلها تاكسى يبقى حرام تشترى عربية زيرو لانها كدة كدة هتتهلك وهتصعب عليك بعد كدة ولما تيجى تبيعها هتسيب معاك خليك فى المستعمل ونصيحة فعلا فكر كويس فى الدايو لانوس
وبالتوفيق

[كيا سيفيا]

الاخ / waelsalah
بعد التحيه.....
اولا عبارة معيوبة التى ذكرتها فى مداخلتك عبارة مطاطه جدا فمنها يفهم ان السيارة غير مطابقة للمواصفات على الاطلاق ولاتنفع ان يطلق عليها كلمة سيارة . اما كون ان هناك بعض الملاحظات البسيطه المتعلقه بسؤ التقفيل النهائى او التغليف على المنتج اى منتج فى حال استلامه من المصنع جديد فهذا موجود فى جميع انحاء العالم وجميع المنتجات بداء من الطيارات ( وهناك فى طراز البوينج الاخير 338 ملاحظات رهيبه ولكنها لاترقى الى مستوى العيوب) الى قصافة الاظافر.

[waelsalah]

المشاركة الأصلية كتبت بواسطة كيا سيفيا الاخ / waelsalah بعد التحيه..... اولا عبارة معيوبة التى ذكرتها فى مداخلتك عبارة مطاطه جدا فمنها يفهم ان السيارة غير مطابقة للمواصفات على الاطلاق ولاتنفع ان يطلق عليها كلمة سيارة . اما كون ان هناك بعض الملاحظات البسيطه المتعلقه بسؤ التقفيل النهائى او التغليف على المنتج اى منتج فى حال استلامه من المصنع جديد فهذا موجود فى جميع انحاء العالم وجميع المنتجات بداء من الطيارات ( وهناك فى طراز البوينج الاخير 338 ملاحظات رهيبه ولكنها لاترقى الى مستوى العيوب) الى قصافة الاظافر.

وجهة نظر محترمه اشكر حضرتك عليها

ولكن ليست مبررا لاصحاب التوكيلات العبث باموالنا
من منطلق احمدوا ربنا يا مصريين اننا بنركبكوا عربيات
ولا حضرتك مش معايا
فى حالتى مثلا
كان اول اختيار واشهرهم الفيرنا لكن لقيت غبور بيه شال منها السنتر والانذار والايموبليزر وكمان غلى سعرها حوالى 4 الاف ج
وكمان سمعت انه معدش هيشتغل فيها بعد 2012
واللانوس مع احترامى ليها قبل شيفروليه حاليا بيقولوا برده خامات تقفيلها رديئة بالاضافه الى عيب الفرامل الضعيفه ووطوها زى الفيرنا
byd بصرف النظر عن الكماليات ( عيوب فتيس + صوت محرك عالى بخامات صيني تحت اسم اليابانى + التيل+ سوء الدهان + شكمان رديئ ................... )
الافيو سمعت فيها كتير عيوب ومشاكل
حتى الصنى اللى هي فئة اعلى ويابانى ناس كتير جدا حذرت منها
والآن الوكلاء اتجهوا للصيني اللى الناس مش مطمناله خصوصا مع لعب و فن التقفيل السيئ من الوكيل والمجمع المصري للاسف
ايه فى دول او غيرهم يجي لتاكسي يكون اعتمادى ومتيسير فى الصيانه و قطع الغيار ويكون معمر ؟

اسف للاطاله
ومتابع مع حضراتكم
وشكرا جزيلا