اكسنت RB ولا صني 2012 الشكل الجديد

[dr_hamad81]

صني بالتأكيد

[Marlborooo]

الصني بالسعر بتاعها وفيها وسائل امان abs , abd ايرباج
مكونات يباني يعني عمر افتراااااااضي طبعا اكتر من الكوري

لو هتجيبي الاكسنت الار بي هاتي اللي فيها وسائل الامان اللي فوق شوفي سعرها هيكون بكام ؟؟
يبقي الصني صافقة كسبانة

[acasper3d]

هوا الفكرة في ان :
-الصني (القديم) :
-تقفيل مصري (والكيد ان اي تقفيل تاني احسن) . ودي نقطة للأكسنت.
-قطع الغيار مش غالية ولا حاجة (تيل الفرامل الامامي من التوكيل بالتركيب حوالي 350-400 جنية ). واعتقد ان الاكسنت نفس الكلام . (بفارق الجودة) ودي نقطة للياباني.
-من خلال تجربتي للأكسنت الشكل الاول خالص /فيرنا الكوري/ كروز 2011 . طبعا الكروز فئة تانية وعربية ممتاز . ولكن الكوري ركوبة والياباني ركوبة تانية خالص من حيث النعومة في الأداء والسحب والثبات . بس لو بتتكلم في ثبات الكوري كله ثبات سئ للغاية ومش علي سرعات عالية اوي يعني الثبات يقل جدا بدء من 120 . ماعدا (الكروز) طبعا معاك لحد أخر العداد ومتحسش باي حاجة . (ودي نقطة للياباني).
-الشكل العام بالنسبة للياباني بشكل عام والنيسان بشكل خاص هما مبيعرفوش يعملو عربيات شكلها حلو لا من بره ولا من جوه . ودي حاجة بتتميز بيها الكوري (انا عن نفسي مش عاجني شكل النيسان لا القديم ولا الجديد ). ودي نقطة للأكسنت.
-خامات التقفيل :
الصني : الخامات الي في الطبلوة والباب والفرش والجلد الطبيعي لو سوبر صالون فهي اكثر من ممتازة .عادا الكوتشات الأبواب مصري والحمد لله .
الأكسنت : معرفش والله عشان مركبتهاش
- استهلاك البنزين :] حدث ولا حرج (للصني القديم) . ودي نقطة قلما حد يكسب فيها الكوري عادا الالماني. (ودي نقطة للأكسنت) . بس الصني الجديدة 1500سي سي وموتور احدث.

-نيجي للنقطة الي من اهم النقاط الي خليتني افكر في عربية تقفيل مصري (التوكييييييل) . ودي تحتها خطوط كتير . نيسان ليها اكثر من توكيل :مودرن موتورز /يونيدت جروب / السبع/ اوتو ايجيبت . عشان اكون صادق ولا واحد من دول يجي حجم توكيل غبور ابو رواش . ولكن بالنسبة للتوكيل السبع واتو ايجيبت بوجه الخصوص . اكتر من ممتاز وجميع خدمات واعمال الصيانة تتم بحرفية واتقان ويهمهم اوي رضاء العميل . وبعد كل صيانة لازم يتصل بيك التوكيل يسأل العربية عاملة معاك ايه ولو في اي شكاوي من الصيانة وتقيميك اي لعمليات الصيانة واسعاره . وبعد فترة نيسان ايجيبت تتصل بيك ويسأل عن التوكيل والصيانة الي انت عملتهم ومدي رضاء عنهم . غير الضمان تحس انوا ضمان حقيقي لو في اي عيب في العربية من غير كلام . انا كان في تسريب زيت من الفتيس في 5000 كيلو وهما الي قالولي واتغيرت ( اوليستة) وتم غسيل العربية ورفعها مرة اخري عشان اشوفها ونتأكد ان مفيش مشكلة . حسب تجاربي الكثيرة مع غبور (تتتتتتتتتتتتيت) ودي كفاية صراحة عشان مفيش حاجة عدلة في التوكيل ده . ولو مش عجبك التوكيل اخبط دماغك في الحيط . ولا حياة لمن تنادي في الشكاوي ولازم تروح تشتم وتهلل في التوكيل عشان الحاجة تتعمل مظبوت .
ملاحظة هامة :
كل الكلام ده علي سيارتي الصني 2010 ex اوتوماتيك . عشان اكون صادق مع حضرتك .
انا لولا التوكيل كنت بيعت العربية من زمان في بعض المشاكل الي البايخة ولولا التوكيل بيحلها كانت العربية هتبقي سيئة جدا ابسطها :
-ترشيح زيت في اول 5000 كيلو .
-ضفيرة الكهرباء (المشكلة المعتادة في الصني ) ويتم تغيرها بدون نقاش اذا ثبت ان المشكلة فيها.
-اما عندي نتشة في الفتيس لما يجي بنقل من 1-2 او من 2-3 . بالذات لو العربية باردة . وكل مرة اشتكي منه في التوكيل نيجي نجرب العربية مع المهندس مبتحصلش خالص لو عملت اي . وفي ناس بيتقول ان ده الطبيعي بيتاع الفتيس.
-التكيف حاليا بيفصل في الحر الشديد (ده بعد تغيير الفريون وتنظيف الكومبرسور في التوكيل ومازالت المشكلة قأمة). بس الطبيعي ان كان التكييف ساقع للغاية حتي في الحر ولايوجد تأثير علي سحب العربية .
وده كلة للصني الشكل القديم والعربية عملة 42 الف ومنتظر افضي اروح اعمل الصيانة .
خلاصة القول :
-انا افضل الياباني دائما ولكن ليس المصري منه .ايضا لاأفضل الكوري . لذلك افضل اختيار ممكن يكون الاكسنت بس لازم تتأكد من مشاكل العربية في العموم عشان لو في مشكلة هتتعب جدا مع التوكيل .
-الخيار الياباني الثاني وده طبعا يرجع لحضرتك هي الانسر اول فئة .و الكمليات الي فيها اقل في حاجات .والشكل من الداخل والخارج طبعا الاكسنت ولكن الجودة والصنع فهم في الاغلب للياباني .العربية موتور /عفشة/بنزين/عزل/ثبات . ودي الاوبشنز الي مش في الاكسنت ولا حتي الالنترا .
أسف جدا للاطالة . موفق ان شاء الله وربنا يكرمك