لماذا المرسيدس منتشرة اكتر من الـBMW ؟؟؟

[برنس الاوكتافيا]

فى مجلة فوربس البى ام اخدت اعلى افضل شركة سيارات فى العالم من حيث ثقة المستهلكين فيها وجت بعدها مرسيدس واودى العربية ممتازة سواء من التكنولوجيا و الاعتمادية ولكن المشكلة ان الناس بتقول ان العربية شبابى ومحدش بيرضى يركب ورا الشباب الصغير فى المستعمل علشان الجرى و الاهلاك الى بيحصل للعربية

[bakerkassab]

المشاركة الأصلية كتبت بواسطة azooz سبب عدم ان تشار BMW لانها غير صالحة للستخدام الادمي لانها كثيرة اعطال والمصيبيه قطع الغياارها غاليه مررره مدري على ايش واذا تبي تبيع ماتجيب اي قيمه تدوون 2009 فل كامل 750 سعرها 200 الف بس 2007 سعرها 80 الف بس يعني الناس تفكر قبل مايقتنوون BMW يفكرون بالبيع والقطع الغيار وتقبلو تحياتي ......

اعتقد ان المرسيدس كمان اسعار قطع الغيار غالية

[bakerkassab]

المشاركة الأصلية كتبت بواسطة Mohamed Nabeeh المرسيدس تعتبر سابقه الBMW ب10 سنين قدااااام

لا لالالا يا باشا بعد اذنك الكلام ده مش صحيح و لو بنسبة 1% البي ام تكنولوجيا رهيبة و المرسيدس كمان
لكن مش توصل حتى فرق بسيط و بعدين حضرتك تقدر تدخل على اليوتيوب و تلاقي مقارنات بين كل الفئات و البي ام تكسب مع احترامي للمرسيدس

[حازم شاهين]

المرسيدس مرتبطة عندنا بمظاهر الثروة (سيارة الأغنياء) و النجاح و النفوذ (سيارة الرؤساء و الوزراء)
يعنى لما راجل أعمال يحب يكمل مظهرة يركب مرسيدس لإن العربية دى هتدى إنطباع للمتعاملين معاه إنه راجل تقيل صاحب ثروة أو صاحب نفوذ
بالإضافة إلى سعر إعادة البيع إللى ممكن ناس تكسب فيه كمان

رجل أعمال + مرسيدس = قوة + ثروة + نفوذ + هتكسب لما تيجى تبيع

[3bd0]

كان في واحد عزيز عليا في مقام والدي كده قالي ان

"زمان في مصر كانت المرسيدس بيركبها التاجر المصري اللي معاه فلوس، الناس التقيلة اللي كانت بتأثر في اقتصاد البلد. الموضوع ده ظاهر جدا في الافلام القديمة.
بينما ال بي ام كان دايما يركبها الخواجات، اللي شغالين في السفارات مثلا، او مستشارين الملك\الرئيس.
يعني من الاخر اللي يركب مرسيدس يبقى "المعلم" فلان، واللي يركب بي ام يبقى "البيه" فلان"
انتهى كلامه

اي رأيكو يا جماعة في الموضوع ده؟