حمرا يا برادعي

المشاركة الأصلية كتبت بواسطة Explorer للأسف مش هقدر اتناقش مع حضرتك أكتر من كده اعتبر ان النقاش مقفول

[sam ram]

اهداء الي الحالمون ببراءه و نزاهه اليوم الساقع بس مين يشوف ومين يفهم !!

http://www.youtube.com/watch?v=01f9Fph2m94

اخر حاجه ممكن اجيب منها متوسط سعر البصل في سق الخضار هي صينيه اليوم الساقع للطباخ الكبير اضرب والاقي ...
بالذمه في رئيس تحرير محترم لجريده محترمه يقول اضرب و الاقي واحط رجل في حته و الرجل التانيه في حته تانيه !!!!
بالذمه دا حد يعتبره مصدر معلومات !!!
طب ده توفيق عكاشه ارحم ... على الاقل ... معروف ان كلامه تهريج في تهريج

على فكره احنا مش بنلعب لعبه مين اللي يقدر يثبت كلامه او يقول انه هو اللي صح ... بالعكس احنا بنحاول نستكشف حقيقه الرجل ...
يعني اللي عنده حاجه عنه سواء بتقول انه كويس او وحش يجيبها ...
بس تكون حاجه مؤكده .. مش كلام مرسل او اخبار منقوله مش معروف مصدرها .. او حتى سي دي مرتضى منصور
فالاساس اننا نجيب ثوابت ... مش شويه اخبار منقوله على مزاجنا نفسنا من جوانا نصدقها علشان ماشيه على هوانا و نقول انه عميل !!!

لو الموضوع كده اتفضلوا

http://www.youtube.com/watch?v=6yXs9PX3ao4

http://www.youtube.com/watch?v=oyL-D...eature=related

http://www.youtube.com/watch?v=ck4UkjMTF4U

http://www.youtube.com/watch?v=jCODX5efz8I&NR=1

وادي اخر الارهاصات الصحفيه للجريده الخلوزعيه
( دا خبر بالصدفه كده )
http://www.youm7.com/News.asp?NewsID=518197
نص الخبر :-

رئيس لجنة الدعوة بالأزهر: لا يجوز زواج المسلمات من الفلول

أفتى الشيخ عمر سطوحى، رئيس لجنة الدعوة الإسلامية بالأزهر، بأنه لا يجوز لأى مصرى أن يزوج ابنته لأى من أعضاء الحزب الوطنى المنحل، لأنهم غير أمناء ومضيعون للأمانة، مضيفا: إذا كانوا قد ضيعوا أمانة الشعب كله وأفسدوا الحياة فى مصر التى أكلوا من ترابها وعاشوا على أرضها وشربوا من مائها واستظلوا بسمائها فمن السهل عليهم أن يضيعوا أمانة الأسرة والزوجة.

واستدل على ذلك عندما سئل سيدنا عثمان عن مواصفات الزوج الذى يريد الزواج من فتاة، فقال لأبيها: زوجها لتقى، فإن أحبها أكرمها، وإن كرهها فلن يظلمها. "

بالذمه حد عاقل ممكن يصدق خبر ذي دا ؟؟!!!
ادخلو شوفو التعليقات على الخبر .. حاجه تضايق فعلا و انتقاص كبير لقيمه و مكانه و دور الازهر

في حد ممكن يطلب مني بعد كده اني اصدق اي خبر من اليوم الساقع دي !!!!!

وخبر قذر زي تعليمات الموساد للجاسوس الاردني كأن معناه ان اي مؤيد للبرادعي فهو عميل لاسرائيل
طيب دا نسميه ارهاب فكري و لا تنويم مغناطيسي للشعب العاطفي !!

والمفروض اني اصدق على اساس ان الجاسوس شخصيه مهمه و مشهور وحينشر شعبيه البرادعي على كل كروت الشحن !!!


وعلى فكره ... انا من المقيمين بالداخل واعرف ناس كتير بتؤيد البرادعي ومن المقيمين بالداخل برضو ...
الاستطلاع لحد تقريبا نسبه المؤيدين للرافضين 1:2
لكن ده مش معناه ان المؤيدين قله
بالعكس .. لأن نسبه الرافضين غالبا اصواتهم حتتوزع على مرشحين اخرين ... فالاستطلاع مش مقياس لنجاح او فشل البرادعي على اد ما هو استطلاع لمدى شعبيته
ودي مؤكد ان عليها خلاف كبير ( زي ما هو واضح ) ... لكن مش معناها ان المؤيد يبقى عميل و مش شايف ان البرادعي كخه و عيب
ولا معناه ان الرافض وطني وملتزم ... يعني لو افترضنا جدلا انه طلع فعلا عميل ... حيبقى المؤيدين عملاء و جواسيس ... طيب لو طلع فعلا رجل نزيه ووطني ... حيبقى الرافضين فلول !!!

يا ريت نكون موضوعيين .... و الا يبقى الحوار ملوش اي 30 لازمه

انا بجد من جوايا و رغم قناعتي بالبرادعي ... بتمنى انه ميوصلش لمنصب الرئيس ...
اذا كنا قطعنا بعض بعد الاستفتاء على الاعلان الدستوري ... حنعمل ايه لو مسك رئيس

[تامر ديزل]

المشاركة الأصلية كتبت بواسطة sam ram الاستطلاع لحد تقريبا نسبه المؤيدين للرافضين 1:2 لكن ده مش معناه ان المؤيدين قله بالعكس .. لأن نسبه الرافضين غالبا اصواتهم حتتوزع على مرشحين اخرين ... فالاستطلاع مش مقياس لنجاح او فشل البرادعي على اد ما هو استطلاع لمدى شعبيته ودي مؤكد ان عليها خلاف كبير ( زي ما هو واضح ) ... لكن مش معناها ان المؤيد يبقى عميل و مش شايف ان البرادعي كخه و عيب ولا معناه ان الرافض وطني وملتزم ... يعني لو افترضنا جدلا انه طلع فعلا عميل ... حيبقى المؤيدين عملاء و جواسيس ... طيب لو طلع فعلا رجل نزيه ووطني ... حيبقى الرافضين فلول !!! يا ريت نكون موضوعيين .... و الا يبقى الحوار ملوش اي 30 لازمه

كلامك صح وفعلا لازم نختلف بهدوء وموضوعيه لاننا في الاول والاخر ما فيناش حد مبيحبش بلده بس هيا اختلافات في الطريقه او اختلافات على الاشخاص اللي ممكن ينفعوا البلد لكن في الاخر كله مصري وبيحب بلده ....
وبعدين الحوار له تلاتين لازمه واربعين كمان طالما مع ناس محترمه زيك وزي باقي الزملا المحترمين واذا كان حد قافش او مدايق معلش يا جماعه حقكوا عليا انا ومنه لله توفيق عكاشه من ساعة ما حطيت الفيديو بتاعه والدنيا اتلخبطت

[ehabnbd]

حمرا يا برادعى

هو انت يئست من الرئاسة بتفكر فى الوزارة !!!!

لا رئيس ولا وزير ولا حتى مواطن مصري تنفع

[مادا]

انتظرت ان يتحدث البرادعى فى اثناء فتنة ماسبيرو ولكنه لم يتحدث الا بعد ما انتهى الموضوع ليقول كلمته المعتاده لا للمحاكمات العسكريه ومن حق كل شخص ان يخرب ويدمر ويحرق ويقتل فى رجال الجيش .. وكنت متوقع منه هذا بعد ان تاكدت ان فى كل يوم يتم دخول اسلحه الى الاراضى المصرية ليتم بها محاربة الجيش المصرى من الداخل وفى اناس يندسون فى كل مظاهره ليقوموا بحرق سيارة ومدرعات الجيش وقتل رجاله ويخرخ البرادعى وينادى بعدم محاكمتهم عسكريآ حتى يتسنى لهم فعل هذا الشىء بعد ذلك ولانه يخاف على العملاء مثله .