تجربتى مع تغيير زيت الموتور بعد ما قعد 33 ألف كم و مازلت أستخدم زيت Misr1 المعدنى الأكثر من ممتاز

[yaso12]

احب التجارب الجرئية ، على فكرة انا بردة بحب اجرب بس مش لدرجة 33 الف ده انت كده استاذ . لكن هنقل تجربتى للاستفادة برده، فى بعض انواع الزيوت يعنى مثلا موبيل 1 جربته لحد 16 الف وشوية وشل هايلكس حوالى 13 الف وموبيل XHP تقريبا 9 الاف وحاليا بجرب التعاون XPL SM اللى المفروض بيعد 7000 وهشوف ها يقعد اد ايه .وفى كل مره بيكون سبب التغيير عدم الارتياح لشكل الزيت مع ارتفاع صوت الموتور مش اكتر .

[nourelatrosh]

هي الناس مش بتحافظ علي عربياتها ليه

[miam0502788391]

لو كل واحد سمع النصيحة دى ان شاء الله الميكانيكية وبتوع الاستيراد ومحلات قطع الغيار هيشتغلوا احلى شغل
يا باشا موتور حضرتك جديد ويستحمل ده غير انه تويوتا , لكن المواتير القديمة لازم هيكون فيها شوائب وكربون وخلوص وحرق زيت فكل ده بيأثر على لزوجة الزيت وانا فاكر لما الموتور عندى كان عايز عمرة كنت بحط زيت كل الف كيلو وكان بنزل ناقص غير ان اللزوجة مفيش
مرة أخرى انا لا انصح بتلك التجربة

[screamseko]

يكبيييييير عربيتك عشان زيرو ربنا يباركلك فيها وعامله 50 الف حتستحمل ان الزيت يقعد كل ده ممكن مره واتنين وتلاته
لكن بعد كده انت بنفسك حتلاحظ ان اداء العربيه بقي في النازل
مع طول فترة التشغيل في ظروف الزيت اللي بيتحط فيها ده وبيفقد خواصه وهو نازل اكيد بياثر علي عمر المكنه يكفي انك بتقول انه اسود من السواد يعني الزيت اتحرق لما قال يبس !!!

[Toyota Corolla]

المشاركة الأصلية كتبت بواسطة yaso12 احب التجارب الجرئية ، على فكرة انا بردة بحب اجرب بس مش لدرجة 33 الف ده انت كده استاذ . لكن هنقل تجربتى للاستفادة برده، فى بعض انواع الزيوت يعنى مثلا موبيل 1 جربته لحد 16 الف وشوية وشل هايلكس حوالى 13 الف وموبيل XHP تقريبا 9 الاف وحاليا بجرب التعاون XPL SM اللى المفروض بيعد 7000 وهشوف ها يقعد اد ايه .وفى كل مره بيكون سبب التغيير عدم الارتياح لشكل الزيت مع ارتفاع صوت الموتور مش اكتر .

ماهو أنا قررت إنى معديش ال 20 بعد كده بس مرة و عدت و عموما عايزك تبقى تجرب زيت مصر1 هيعجبك جدا أنا كنت نزلته بلزوجته بعد 13 ألف مع إنه مدون عليه 8 الاف فقط و الزيت ده أنا متعود عليه من أكتر من 10 سنين تقريبا
وعموما شرفت الموضوع