محتاج مساعده من الخبراء :)

[hesho_161]

بسم الله الرحمن الرحيم
انا كنت طمعان فى خدمة من أهل الخبره فى المنتدى الجميل دا
لأنى مستجد أبيض ميييح فى سوق السيارات كنت عايزكم ترشحوا لى عربيه كويسه كدا وفق المواصفات دى اللي انا حططها لنفسى..
1-عربية كويسه فى حدود45 الف شرط تكون هاتش باك(باستثناء سينا او فرنا عادى ممكن يدخلوا فى الترشيح)
2-قطع غيار رخيص لأنى طبعا مستجد فى السواقة
3-لا يقل موديلها عن 2001
ملحوظة:90%من مشاويرى بتكون داخل القاهرة
طلب اخير عايز اعرف انهى الاحسن اجيب عربيه من تاجر ولا الافضل أشخاص

[samirayad]

حاول تتغاضى عن الشرط المتواجد فى رقم 1

وشوفلك واحده لانوس من مالكها الأصلى

أو من مكان شراء للمستعمل موثوق فيه

[amr elsisi 1]

دور علي جوليت
وياريت بلاش التجار
واهم حــــــــــــــــــــــــ ـــــــــــاجة لو عجبتك عربية ولاقيتها لسة مرشوشة وبتلمع
خلي بالك منها علشان كدة هوا مداري اي برومة او خارجة من حادسة ويستغل ضعف عنيك بحلاوة المنظر
وخصوصاااااااااااااا لو مدلعا حبتين شوية مستركات وانوار وطاسات جديدة خلي بالك
وربنا يوفقق
وحدة وحدة وماتستعجلش

[hesho_161]

تمااام طيب يا جماعه ايه رأيكو فى الفابيا 2003 ؟ و اسعار قطع الغيار ايه تظامها غاليه ولا فى المتوسط ولا رخيصه

[akerima]

عموما اي عربية اوروبي قطع غيارها اغلي من الكوري ومش اي حد بيشتغل فيها بس من ناحية تانية احسن بكتير من الكوري كاداء واعتمادية

وانا فعلا لو حرشحلك عربية حيبقي فابيا او اوبل كورسا او بولو