كاسيت الفيرنا 2012 ومحتاج مساعده من الخبراء

[mody_momo]

السلام عليكم ورحمه الله وبركاته
فى الاول كده انا الحمد الله ربنا كرمنى ومعايا فيرنا موديل 2012 وكلنا عارفين انها نزلت بكاسين روود ستار بس غير الى كان نازل فى الموديلات الى قبل كده هوه لونه فضى وبفلاشه
السؤال بقى هنا انى لو ركبت عليه اربع سماعات كينود 400 او 500 وجى ام 4 شانل هيبقى ايه النظام كده حلو ولا ايه مع العلم انى بحب البيز العالى ولما ربنا يكرم هبقى ارمى معاهم بازوكا جى بى ال
محتاج اعرف رايكم ايه وهل هيبقى الصوت كويس كده ولا اشيل الكاسيت بتاعها واركب حاجه بايونير او كينود وسماعتين او انتوا تقترحوا عليا اعمل ايه فى حدود ميزانيه 1500 جنيه
ولك جزيل الشكر

[samihanwar]

ممكن يا باشا سؤال كده على الماشى؟
أنا معايا بردو فيرنا 2012 بس انا شايف ان عده الصوت اللى نازله فيها تعبانه جدا
فالسؤال دولوقتى ان الكاسيت ده مبيسيفشى الاغانى اللى على الفلاشه ولا السىدى
مسافه متبطل العربيه وتيجى تشغلها يجبلك الأغانى من الاول وكمان لازم تشيل الفلاشه وتحطها تانى عشان يتعرف عليها؟ هو معاك كده بردو ولا عندى بس؟
وشكرا جزيلا للرد

[احمد على 1999]

المشاركة الأصلية كتبت بواسطة samihanwar ممكن يا باشا سؤال كده على الماشى؟ أنا معايا بردو فيرنا 2012 بس انا شايف ان عده الصوت اللى نازله فيها تعبانه جدا فالسؤال دولوقتى ان الكاسيت ده مبيسيفشى الاغانى اللى على الفلاشه ولا السىدى مسافه متبطل العربيه وتيجى تشغلها يجبلك الأغانى من الاول وكمان لازم تشيل الفلاشه وتحطها تانى عشان يتعرف عليها؟ هو معاك كده بردو ولا عندى بس؟ وشكرا جزيلا للرد

طيب ما تسألهم فى التوكيل لان احتمال فى حاجة ناقصة فى التوصيلات الكهربية او كنت سمعت ان فى عربيات تانية ساعات يبقى فى زرار فى مكان مدارى فى التابلوه بيتأكتف عشان يحافظ على settings

[SHABRO]

ممكن يا باشا سؤال كده على الماشى؟ أنا معايا بردو فيرنا 2012 بس انا شايف ان عده الصوت اللى نازله فيها تعبانه جدا فالسؤال دولوقتى ان الكاسيت ده مبيسيفشى الاغانى اللى على الفلاشه ولا السىدى مسافه متبطل العربيه وتيجى تشغلها يجبلك الأغانى من الاول وكمان لازم تشيل الفلاشه وتحطها تانى عشان يتعرف عليها؟ هو معاك كده بردو ولا عندى بس؟ وشكرا جزيلا للرد

بيعمل معايا كدا برضه , بس الأرخم من كدا صوت صفارة في السماعات لما ادوس بنزين , موجودة عندك دي برضه ؟

[mody_momo]

بص فعلا الكاسيت لما بتبطل العربيه وتيجى تدورها بيرجع الاغانى من الاول ونفس الكلام فى الفلاشه وكمان مش بيقلب فولدرات والارخم من كده بقى الصوت الى فى السماعات مع البنزين لما خلاص نفسى اشيلهم ارميهم برا واركب غيرهم بس السوال هنا لو ركبنا سماعات نظيفه يعنى اربع سماعات كينود وجى ام عليهم هيبفى ايه النظام ولا العيب من الكاسيت والخارج الى طالع منه هيبقى مش كويس مع السماعات