سيات ليون .. خليط الأناقة الأسبانية والجودة الألمانية

[mohamed ibiza]

و علي فكرة يا جماعة موضوع الليون متنافسش الجولف 6 ده غير صحيح الليون تنافسها و تتفوق عليها اطلعوا علي تقرير الليون اللي انا كنت عامله و شوفوا قدرات المحركات واصله لحد فين الكوبرا ال 240 حصان كفيلة انها تاكل اعلي فئة في الجولف 6 و الcopa edition ال 286 حصان و اعلي فئة فيها 310 حصان كل دول مينافسوش الجولف 6 ! و بفتيسات DSG كمان مش عادي صباح الفل يا رجاله

[ahmed_kamel]

المشاركة الأصلية كتبت بواسطة mohamed ibiza و علي فكرة يا جماعة موضوع الليون متنافسش الجولف 6 ده غير صحيح الليون تنافسها و تتفوق عليها اطلعوا علي تقرير الليون اللي انا كنت عامله و شوفوا قدرات المحركات واصله لحد فين الكوبرا ال 240 حصان كفيلة انها تاكل اعلي فئة في الجولف 6 و الcopa edition ال 286 حصان و اعلي فئة فيها 310 حصان كل دول مينافسوش الجولف 6 ! و بفتيسات DSG كمان مش عادي صباح الفل يا رجاله

ماتبقاش متحيز كده ياراجل
أنا معاك الليون هايله
بس الجولف برضه هايله هيه كمان
والشركه واحده وفولكس هيه الشركه الأم ptmnlo123per122

[wawoo]

المشاركة الأصلية كتبت بواسطة islam_galal م بحصولها على مقياس 4 نجوم فى إختبارات التصادم الأوروبية تدخل ليون إلى سوقنا بمعطيات أمان

مشكلة دى انها اربع نجوم بس ....تعتبر ضعيفة بالنسبة للموصفات الحديثة لاغلب مودلات 2009

و المشكلة التانية ان مش نازل منها نسخة اوتومتك و دى اكيد سعرها حيكون عالى جدا .

عموما الموديل الحالى حيتغير السنة القادمة "او يمكن نشوف اى مفاجئة فى معرض فرانكفورت " و الليون الجديدة حتاخد نفس خطوط الايبزا الجديدة مع تطوير اكتر طبعا

[AbOnOrA]

بصراحة منظر العوارض الجانبية شدنى جداً ومش قادر معلقش عليه
المعتاد دائماً وقديماً ان العوارض الجانبية (اللى باللون الاصفر) او الكمارات او البارات الجانبية بتكون بالعرض تماماً مش بالشكل المائل ده لكن دى اول مرة اشوف التصميم ده وفى الاول استغربت جداً بس بعد شوية انا شيافة دلوقتى احسن بكتير من النظام القديم

لان النظام القديم كان بيعتمد فى تثبيت العوارض الجانبية على القائم الطولى الاوسط تماماً وهو بطبيعتة ضعيف
لكن ديه التثبيت على شاسية العربية نفسة من تحت
الحاجة التانية انه بالشكل ده بحر الكمرة بقى اقصر وبالتالى عزمها هيبقى اشد
واخيراً الشكل ده يخلى حماية المقصورة الجانبية بشكل اكبر سواء التصادم جه من تحت الكمره او من فوقيها لانها بزاوية اساساً اما الكمرات القديمة فكانت عديمة الفائدة لو التصادم جة من تحتيها

شكراً لاخى وصديقى احمد الحداد واتفق مع اتش فى ان الليون منافسة حقيقية للجولف وبشراسة كمان

وتسلم ايدك يا اسلام على النقل ومشاركة الموضوع

[mohamed ibiza]

المشاركة الأصلية كتبت بواسطة ahmed_kamel ماتبقاش متحيز كده ياراجل أنا معاك الليون هايله بس الجولف برضه هايله هيه كمان والشركه واحده وفولكس هيه الشركه الأم ptmnlo123per122

مش تحيز والله يا باشا ده انا بعشق الجولف

بس فعلا اتفرجوا علي قدرات الليون هتلاقوها معدية الجولف بكتير الجولف ال gti ال 2000 سي سي جولف 6 قدرتها 211 حصان الليون fr قدرتها 200 و الكوبرا 240 انت عارف الباقي يا باشا

فعلا الليون بينطبق عليها الجملة اللي بتقول التلميذ الذي تفوق علي استاذه يعني حتي لو نزلو الجولف6 بالr32 ال 250 حصان بتاع الجولف5 مش هتبقي تفوقت علي الليون برضه

فعلا الليون من اقوي العربيات و اشرسهم في فئتها !