مشكلة فى السيارة 128 موديل 90 ....ارجو الافادة وشكرا

[سامح عمارة]

المشاركة الأصلية كتبت بواسطة hamed2020 ممكن يكون في علبه الدريكسيون فيها حاجه او ده الطبيعي !! عموما لو انت من شبرا انا اعرف واحد بيعرف ربنا و شاطر جدا

السلام عليكم
اشكرك جدا على الرد والاهتمام ولكن انا من المطرية ولكن لاتوجد اى مشكلة فى ان حضرتك تعطينى العنوان او التليفون ما دام انت شخصيا بتشكر فيه وبارك الله في وشكرا على الاهتمام

[سامح عمارة]

المشاركة الأصلية كتبت بواسطة mr_astra تقل الدركسيون فى الـ 128 اول سبب فية ظبط الزوايا لان العجل اما بيكون فاتح لبرة الدركسيون بيكون تقيل فعلا تانى سبب ضغط الاطارات ممكن كمان لو سكاترا الدركسيون متركب لها طقم اصلاح جديد او من فترة قريبة لازم تاخد وقت عشان تطبع والدركسيون يخف معاك او ممكن يكون رجلاش الزنق بتاع سكاترا الدركسيون مربوط زيادة عن اللزوم او الطارة نفسها هى اللى تقيلة بمعنى الطارة والعامود بتعها والبلى اللى راكب ممكن جدا يكون قافش فبيخلى لف الدركسيون بصعوبة لو عاوز اسباب تانى شغال معاك اطلب انت بس

السلام عليكم
اشكرك جدا على الرد والاهتمام انا اشتريت السيارة من حوالى شهر ةالتقل ده من الدركسيون والفيتيس ايضا ولكن لم اذكر هذه المعلومة من قبل وذلك حتى لا يحدث بللة فى الامرللردود عند الاخوة .......
ولكن اعزك الله انا لا اطلب اسباب فقط ولكن ايضا طرق العلاج وهل المشكلة فى العفشة ممكن ام لا وشكرا واسف للاطالة....

[zamanan2000]

استاذ سامح بما ان حضرتك من المطرية فى واحد عندكم فى المطرية عفشجى استاذ وعبقرى
عارف شارع المطراوى لو مشيت فيه ادام شوية بعد القسم القديم كانك رايح على المسلة هتلاقى بعد القسم بحوالى 200 متر محل كبير واخد ناصية بتاع جنوط وكاووتش ادخل الشارع ده اول حارة يمين هتلاقى صابر بتاع العفشة
الراجل ده استاذ فعلا وبيجبلك الاخر وعن تجربة شخصية انا واولاد عمى كلنا بنتعامل معاه

[سامح عمارة]

المشاركة الأصلية كتبت بواسطة محمد حسن عبد الرحمن فى سبب كمان بعد إذن مستر أسترا أن الطارة اللى ركبة فى العربية تكون سبور وصغيرة جدا والكوتش اللى راكب يكون عريض فيسبب تقل للدركسيون وأحتمل تكون محتاجة غسيل وتشحيم. أخوك محمد

الطارة كبيرة (الطبيعية ) ومقاس الكاوتش 175/70/لم اتذكر الرقم الاخير ولكن لا اعتقد ان عرض الكاوتش يسبب التقل ده ....واشكرك

[سامح عمارة]

المشاركة الأصلية كتبت بواسطة zamanan2000 استاذ سامح بما ان حضرتك من المطرية فى واحد عندكم فى المطرية عفشجى استاذ وعبقرى عارف شارع المطراوى لو مشيت فيه ادام شوية بعد القسم القديم كانك رايح على المسلة هتلاقى بعد القسم بحوالى 200 متر محل كبير واخد ناصية بتاع جنوط وكاووتش ادخل الشارع ده اول حارة يمين هتلاقى صابر بتاع العفشة الراجل ده استاذ فعلا وبيجبلك الاخر وعن تجربة شخصية انا واولاد عمى كلنا بنتعامل معاه

السلام عليكم
الف شكر على الاهتمام والرد zamanan2000 وعلى فكرة صابر كويس واسمع عنه ...وشكرا على تاكيد المعلومة....بارك الله فيك وجزاك الله خيرا