ارجو سرعة الافادة لانى ذاهب غدا للتركيب

[mr_astra]

المشاركة الأصلية كتبت بواسطة abokoko الحمد لله اشتريت التالى عدد سوسته ارجنتيتى امامى =200جنيه عدد سوسته ارجنتينى خلفى =230 جنيه وحسبها ب 210 عند الحساب ( والفصال هههه) زى الفل كل الادا بيركب الارجنتينى وبيخلى العربية بامر الله ملبن عدد 2 مساعد مايلى المانى خلفى =230جنيه مكتوب عليه انتاج المانى ( برودكشن جرمانى ) عدد2مساعد جابريل رد رايدر امريكى امامى =160 جنيه حاسس ان سعرهم مش مايلى لان الجوز الخلفى روسي بـ 230 جنية والجوز امامى روسي بـ 115 جنية فكدة فرق السعر مش كبير عدد 2 ايطالى طويل + 2 تركى قصير تيش وبارات (معذره معرفش الفرق بينهم )=160 وعند الحساب 140 الاجمالى = 940 جنيه ممممممممم طب جوز البارات وعارفهم والتركى او الاسطالى كويسين انما التيش الطويل المفروض واحد بس وهو تيش النص التركى منة بـ 90 جنية فكدة لازم توضح التانى الطويل لاية غدا ان شاء الله سوف اذهب الى الميكانيكى ( الذى اتعامل معه وركب لى من قبل سوسته استعمال + كب لى علايه + غير لى فبره مناول شغل عفشة رغم انه ميكانيكى ) لا مش معاك الحاجة دى لازم يركبها عفشجى مش ميكانيكى السؤال ايه اللى اخلى بالى منه وايه اللى اركز عليه عند التركيب مفروض تجيب مناول على بلى بالمرة عشان المنظومة تكمل ازاى اعرف ان التيش والبارات راكبين متزنين بالنسبة للعجل والدركسيون عمرهم ما هايركبو متزنين لازم تظبط زوايا بعد التركيب المصنعيه هتكون فى حدود كام فى حدود 100 جنية هل يجب عمل اتزان للعجل بعد التركيب اتزان وظبط زوايا شىء اساسى رجاء الا تبخلوا عليا بكل اللى تعرفوه لانى ذاهب غدا شكرا

مبروك وربنا يتمها على خير بس اية اخبار البيض عندك وجلب المقصات وعلبة الدركسيون
من راى لازم تغير البيضتين اللى تحت على اقل تقدير
وجلب المقصات مش قصة التطقم التركى بـ 80 جنية
وانت بتركب السوست والمساعدين الخلفى راجع على شدادات الطويلة والقصيرة لحسن يكون فى واحد منهم مبوش
ضرورى تظبط زوايا بعد التركيب
باكد عليك بضرورة تغيير المناول وهاتة على بلى
علبة الدركسيون اطمن على مستوى الزيت فيها ولم بوشها
ربنا يكرمك

[mr_astra]

المشاركة الأصلية كتبت بواسطة abokoko

فى حاجة هنا انا مش فاهمها
السوست القديمة مفروض عشر لفات واللى فى الصورة 9 بس لية؟

[abokoko]

اولا شكرا فعلا يا بش مهندس / mr_astra على الرد الجميل

ثانيا
بالنسبة للمساعد المايلى - غالبا هو مش انتاج المانى لانى لم اجد اى عبارة لصنع فى المانيا
- ولكن مكتوب منتج المانى - وعليه اعتبرت انهم ممكن يكونوا انتاج مصنع صيني تابع ل مايلى الالمانى - ولو كده يبقي كويس

البارات والتيش
عدد 2 علبة ايطالى كل علبة بها عدد 1 حديده طويه فى نهايتها بيضه ههههههههههههه
عدد ا علبه تركى فيها عدد 2 حديده وفى نهاية كل حديده بيضه ههههههههه
معلشي لانى مش عارف ايه الفرق بينهم كان بيقول دول كده طقم

ما جاش على بالي المناول على بلي
لكنى اشتريت عدد 2 فبره ب10 جنيه

**********************
الميكانيكى بص عليهم
علق على موضوع ايطالي وتركى
وهو اللى قال لى هات 2 فبره بعد ما خلانى احرك الدركسيون ورا بعض يمين وشمال

طلب منى تغيير المساعدين الامامى واستبدالهم لانهم من الاسفل كانهم مرشوشين
ورحت ارجعهم وصاحب المحل قال ده عيب تفنيش مصنع
وانا قلت له لتجنب الشك نغيرهم وهيجيب لى 2 بدلا منهم مايلي بعد اسبوع او 10 ايام
وقال السعر نفسه سعر الخلفى يعنى ب230وهياخد الفرق

الميكانيكى هيشتغل الجمعه فى السوسته والمساعد الخلفى وهياجل الامامى لحين احضار المساعد

************************* **

السوسته قارنتها بالاصليه من حيث الطول فقط وكانت اطول حاجة بسيطه فى حدود 1 او بالكتير 2 سم
لكن لم اعد الحلقات
هبقي اعدهم واقول لحضرتك


************************* ********
البيض انا مغيرهم فى يناير2011 يعنى ليهم سنتين ونوعهم بلغارى

وانا فى بالى انى اطلب منه يبص عليه اثناء التغيير
لكن مجاش فى بالى اغيرهم

بالنسبة للجلب والكاوتشات حسب كلامه كويسن

جديده عليا موضوع الشدادين الطوال والقصيرين وهبقي اقول لهم عليهم

ومرة تانيه شكرا لحضرتك

ومنتظر متابعة وتعليقات حضرتك المفصله

[mr_astra]

بامر الله العربية تطلع جديدة واحسن من الزيرو
بس انا عند راى انك تغير جوز البيض التحتانى حتى لو كويسين

[abokoko]

انا غيرت السوسته الخلفيه والمساعدين الخلفى
والحمد لله مستريح جدا

الباقى لما يجيي المساعد الامامى اللى هبدله ومنتظر وصوله
واتفقت مع الميكانيكى يبص لى على البىيض بالمره
وغالبا لو محتاج او حتى خفيف هسمع كلام حضرتك وغيره
لكن لو قال كويس هسيبه ضغطا للمصاريف

وعلى فكره ورانى الشداد الطويل وتالقصير وقال عليهم كويسين