العجلتين اللى ورا كاسرين لجوه :(

[pop man]

متشكر جدا لكل اللى شارك برئيه

المشاركة الأصلية كتبت بواسطة mr_astra مشكلة قلب العجل الخلفى للـ 128 بيكون سببة السوستة اللى بعرض العربية اما انه راكب فيها ورقة زيادة يبقى المجموع 3 او ان السوستة الام متقنطرة زيادة عن اللزوم الحل روح لحداد سوست (الشاذلى اللى فى مساكن الجمهورية -مساكن عين شمس ) او ( الحاجة عند مستشفى اليوم الواحد عين شمس ) ولما تروح يقنطر السوست بالكتير يبقى ارتفاعها 27 سم من المنتصف

هى فعلا فيها 3 ورقات وكمان لاحظت ان الأفيظ الحديد اللى ماسك الورق مفتوح اوى معرفش هو وضعه كده ولا عايز يتلم ويتلحم ؟؟
طيب حضرتك تنصح انى أشيل ورقه من الثلاثه ؟؟ مع العلم ان ساعات بيركب معايه 3 ورا فهل هيبقى فيه تأثير ؟؟ وشكرأ للجميع

[mr_astra]

هو وضعه كده ولا عايز يتلم ويتلحم ؟؟

حزارى انك تعمل كدة
لان بالحركة دى حضرتك بتلغى عمل السوستة من الاساس
ولا حتى حد يؤك نديها مسمار
المسمار الوحيد اللى بيركب بيركب فى المنتصف بالظبط عشن السوست تشتغل

راى

فك ورقة سوستة وتقنطر السوست على الاتفاع المطلوب هاتبقى عدلة بامر الله

[pop man]

mr_astra
بجد انا ممنون جدا من حضرتك انت عبقرى
يعنى اشيل ورقه من الثلاثه واقنطر الاتنين التانيين والدنيا هتظبط صح ؟؟ مع العلم ان ساعات بيركب 3 تقال ورا فمش عايز العربيه تهبط منى .
وهو يعنى قنطره صحيح
ومتشكر جدا جدا لمعاليك تعبت حضرتك معايا ربنا يكرمكم ياجماعه ومتشكر لكل اللى رد

[handtools123]

: 010104~171: الله ينور يا كبير mr_astra نشكرك على المعلومات المفيدة

[pop man]

انا روحت انهارده شيلت ورقه من الثلاثه وقنطرت الورقتين التانيين على 23.5 سم
العجله اتعدلت شويه صغيريين بس لسه فيها كسره برده العفشجى قالى ده اخرها وكل ال 128 كده
طلعت من عنده روحت لعفشجى تانى قالى اظبط زوايا الجهاز هيعدلها هل الكلام ده صحيح ولا انفض وأسيبها ولا ايه رأي حضراتكم وأسف للأزعاج