فيرنا 2013 والدريكسيون بيرعش

[ahmed el gendy]

اولا الف شكر ليكم كلكم
بس فيه نقطه ممكن تكونوا مش واخدين بالكم منها العربيه بقت ميت فل وعشره مفيش اي هزه وجبت بيها 170 ع الصحراوي عشان اجربها وكله تمام
سؤالي هنا هل الفرد الوحشه لو اتحطت ورا تعمل هزه ف دركسيون العربيه ولا لا؟؟ وكمان انا عاوز امشي بالفرد دي لحد 30 الف كيلو كفايه وبعدين هاغيرهم لاني عرضت بيعهم كلهم قالوا لي هنشريهم ب الخمس فرد بالاستبن يعني ب 150 جنيه يعني الفرده ب 30 جنيه طبعا حراام ارميهم كده
فهل فيه خطوره اني امشي بيهم نفسي لحد 30 الف كيلو وخلاص وبعدين اغير ولا ايه

ارجو الاهتمام لان المشكله دي منغصه عليا عيشتي العربيه قسط ولسه ممشيتش وعاوزه اصرف عليها كمان امال زيرو ايه بقي؟؟

[sonybony]

لا خطوره انشالله طالما ماشي في المعقول وربنا يسترها معاك

[محمد فيصل]

اى سيارة تجميع محلى وبالاخص غبور
يجب تغير الكاوتش والجنوط فوراً
هذا عن تجربة فى سيارتى وسيارات اخرى كثيرة

[م احمد زوايا]

بص يا نجم المفروض انك ترصصالكاوتش الاربعه عشان تبقي مظبوطه ع جميع السرعات ولا فرده اتخرمت او اتصلحت لازم ترصصها تاني حتي لو الرصاص لسه راكب

[محمد عبدالرحيم]

المشاركة الأصلية كتبت بواسطة ahmed el gendy يا جماعه انا جايب فيرنا 2013 العربيه مشكلتها انه الدركسيون علي السرعات البطيئه وكمان العاليه بيرعش رعشه خفيفه يمين وشمال والرعشه بتبدأ من والعربيه تمشي علي سرعه 30 ف البدايه قالوا ترصيص رصصت عند اتنين ف بلدين مختلفين الاتنين رصصوا وضبطوا زوايا ومفيش اي حاجه اتغيرت وقالوا لي الفرد الكاوتش وحشه وهي اساسا نوع ((((west lake))))المهم قلت اطلع ع التوكيل برده رصصوا ومفيش حاجه اتغيرت قعدوا يقنعوني ان ده طبيعي وان الارض مش مستويه ولازم تحصل الرعشه دي وبصراحه قدروا يأثروا عليا ويشتغلوني بس علي مين رحت لواحد صاحبي عنده معرض ايجار سيارات وعنده اتنين فيرنا واحده 2005 و التانيه 2009 قلت له عاوز اسوقهم ولقيت مفيش الرعشه دي خاااااااااااااالص رجعت للتوكيل تاني وكنت متنرفز وغضبان جداااا ورصصوا تاني بس بدلوا الفرد الكاوتش من مكانها يعني الفرد اللي ورا بقت قدام والعكس والعربيه بقت تماااااااااااام وجبت بيها 170 ع الصحراوي ومفيش اي مشكله السؤال هنا هل ممكن تكون الفرد الوحشه زي ما بتوع الترصيص قالوا لي تكون اتنقلت لورا عشان كده مش حاسس بالهزه ولا ايه يا ريت يا رجاله تساعدوني لان فرد الكاوتش مفيهاش هزار واللي مجنني ان فيه واحد قالي غير الفرد دي بسرعه والا هتضرب فرده منهم وانت ماشي وتموتك

على فكرة اكشف بنفسك ع الكاوتش تعرف ازاي
مشي ايدك على الكاوتش كله شوف فيه عالي وواطي او عدم انتظام الرسم اللي عليها (تحس انها معووجة) او بالونة على الجناب او فيه بيضاوي يعني مش مدورة والاخير ده بييجي لو كان فيه فرملة جامدة على سرعة عاليه

فيه نقطة كمان ممكن تعرف تاريخ تصنيع الكاوتش من على الكاوتش نفسه حتلاقي رقم زي كده 12 36 (وده معناه ان الكاوتش مصنوع في الاسبوع رقم 36 من سنة 2012 يعني شهر 9 )
ولو لقيت التاريخ قديم بص علي الكاوتش لو لقيته ناشف او فيه تشققات هنا المشكلة يبقي تتغير