سؤال بخصوص إبيزا 2001

[mohamed ibiza]

المشاركة الأصلية كتبت بواسطة tako517 أولا شكرا جدا ثانيا هدفى أقدر أجيب سرعة عالية بالعربية و أبأة مستريح (من حيث الثبات) ثانيا التكييف وثالثا السحب بتاع العربية ممكن تبعا نشيل التكييف بس أهم حاجة أعرف مثلا أجيب 200 و 100 تيجى بسرعة دول أهم حاجة

تمام

بص يا باشا طبعا موتورك الحالي من حيث السرعة هو يجيب 180 مستريح بس طبعا التجميع بطئ شوية نظرا لصغر حجم الموتور و التكييف طبعا بيأثر عليه شوية فا انا مش هخليك تشيل التكييف ولا حاجة اسمع بقي الخلاصة

طالما انت غاوي سرعات و عايز تجميع عالي خد عندك و تعمل حسابك في ميزانية في حدود 8-9 الاف جنيه

هتشيل موتورك بالفتيس بالكنترولات بالضفاير بالعفشه و تركنهم علي جنب لو عايزهم او تبيعم لو عايز لان الفتيس لوحده سعره في السوق 700 جنيه و الموتور هيعمل حوالي 1000و الكنترولات و الكلام ده ممكن تبيع الموتور اجزاء يعني كنترول لوحده و ده جديد ب 570 جنيه و الرشاشات لوحدها و هكذا طبعا ده هيجيبلك رقم اكبر من بيع الموتور كله علي بعضه تمام كده

ندخل في التعديلات:

اللي انت هتعمله في العربية ليس تعديلا بالمعني المقصود من الكلمة انت مش هتعمل حاجة اكتر من شيل و حط تمام

هتنزل علي 3 اماكن و تشوف الاسعار:
1-الحرفيين
2-عزبة شلبي
3-بورسعيد

انت عربيتك المتعارف عليه و اللي نزلت بيه برا لحد 2000 سي سي تمام لكن في حاجة انا مش متأكد منها انها تشيل ال vr6 اللي هو 2800 6 سلندر 180 حصان و 235 عزم

انا رأيي:

هتجيب موتور ابيزا 94 1800 gti و خلي بالك اللي هو 16 صباب ده 130 حصان بعفشه كاملة ادام و ورا بالمساتر بالتيلات بالطنابير بالكاليبرات بعلبة الدركسيون الباور و الخزنه و كله يعني و طبعا الموتور هيبقي جاي بالكنترولات و الضفاير بتاعته و هتركب كل ده بدل الستوك تمام و طبعا هتغير الشكمان يا اما تجيب بتاع ال 1800 شكمان كامل يا اما تجيب ديفل كامل و جنوط 15 و كاوتشات 195/55 (سرعة)

يا اما هتجيب موتور جولف abf اللي هو 2000 سي سي 16 صباب 150 حصان 180 عزم و الموتور ده معروف و تظبيطه سهل و هو كستبانات يعني تاكيهاته بضغط الزيت مش زي الموتور ال 2e تاكيهات عادية و طبعا هتجيب الموتور بعفشه كاملة ادام و ورا و بالفتيس طبعا

اضعف الايمان هو ال 2e ده 2000 سي سي 8 صباب 115 حصان عزم 166 نيوتن و تاكيهات عادية و الموتور عادي مش جبار يعني بس علي عربيتك هيخليها طلقة لان عربيتك وزنها مش تقيل و هي اخف ابيزا نزلت وزنها 945 كيلو

و متنساش ان كل المواتير دي هتغير التانك و طرمبات البنزين و الكلام ده كله لان عندك مثلا ال2e طرمبتين بنزين مش واحدة بس و طبعا هتغير حساس السرعة مع الموتور ده لو مش عايز تغير العدادات بس عشان تاخد قرايه عداد صح

لو في اي حاجة مش واضحة انا موجود

[mohamed ibiza]

علي فكرة نسيت اقولك بالنسبة للثبات عربيتك في منها برا 1.8t يعني 1800 تربو 180 حصان فا القدرات اللي قلتلهاك دي كلها اقل من العادي اللي نزلت بيه برا يعني الموتور مش هيخلي العربية تتقلب علي جنبها ولا حاجة:D

طبعا لما تركب عفشته الثبات هيبقي ممتاز و لو ركبت مساعدين و سوست kony هيبقي احسن و احسن و لو جنطت 16 و فرد 205\55 هيبقي ممتاز برضه و لو عملت body kit و كساحات بحيث تقلل دخول الهوا تحت العربية و ده بيدعم ثباتها في السرعات و يزود الايروديناميك برضه هتبقي احسن و لو جبت عفشة الموتور اللي هتركبه ممكن تسقطها شوية بس تبقي حاطط جنط 14 لانك لو سقطتها علي 16 هتحك جامد و يمكن تحك في الطرق العادية كمان

تسقيط العربية بأنك تقص حلقه او حلقتين من السوست مش شرط حلقة كاملة ممكن نص حلقه في واحد صاحب صاحبي بس موتور 1400 هي نفس عفشة ال 1000 سي سي قص السوست حلقة و نص العربية بقي شكلها جامد جدا و مبتحكش و اي سؤال انا موجود

[tako517]

أنا فعلا متشكر على الإفادة الكبيرة دلى شكرا

[mohamed ibiza]

لا شكر علي واجب