PRIMERA مفاجاة أبو غالى للسوق المصرى

[m_o_sakr]

يا استاذ ابو نورا مهو مكتوب وزن المابل 1130كج و الموتور 94 حصان يعنى الأداء مش حيكون وحش بس انا مش عارف ليه مش كاتبين عزم الموتور!!
و طبعن الـ a113 منتشره اكتر و متفق معاك فى كل ما يخصها

[aiattaher]

طب بردو محدش قالي اعمل ايه هيا ولا اسبرانزا انا عاجبني انها كبيرة وواسعه ولعلمك تقل الصاج ده ميزة في شوارعنا عشان مش من اقل حد يريح عليك عربيته تتني عاوزه اراء بجد يا جماعه افيدوني

[rafat farag]

السلام عليكم وكل عام وانتم بخير
لقد كان لموقعكم ومنتدياتكم الفضل لاحجز السيارة مابل بريميرا اليجانز
كل الشكر لجميع اعضاء المنتدى ولموقع مصر موتورز وخلونى اخوض تجربه الصينى لوحدى وبعدين اقول لكم النتيجه

[AbOnOrA]

الف مبروك يا استاذ رأفت وربنا يبارلك فيها ويحفظهالك ويهبك خيرها ويقيك من شرها
وان شاء الله اختيارك يكون يكون صائب والعربية تعجبك واتمنى ان حضرتك تفيدنا جميعاً بأرائك وتجاربك للسيارة بمزاياها وعيوبها بكل امانة ان شاء الله

واهلا بيك فى مصر موتورز نورت المنتدى

[حازم شاهين]

ألف مبروك العربية الجديدة
ربنا يدك خيرها و يكفيك شرها
و تجرب و تقولنا على كل حاجة