قلب نابض و قالب غالب ... انها جولف !!!

[هبة الله ترك]

جزاكم جميعا كل خير يارب
انا دخلت هنا صدفه و ضفته لقائمه المواقع المفضله اصده

[hazem_khidr]

المشاركة الأصلية كتبت بواسطة هبة الله ترك جزاكم جميعا كل خير يارب انا دخلت هنا صدفه و ضفته لقائمه المواقع المفضله اصده

نتمني دايما نكون في هذه القائمه

[ايمن غازى]

المشاركة الأصلية كتبت بواسطة hazem_khidr هو المبلغ دا صعب يجيب عربيه فولكس كويسه بس مش فاهم اشمعني الفولكس؟؟!!!! ممكن مثلا تجيبي اوبل كورسا موديل 94 بالتمن دا او اقل حاجات بسيطه لسه متباعه واحده قدامي امبارح زينون و جنوط و تكييف(الله اعلم شغال ولا لاء) و زجاج كهرباء ب 28 الف جنيه بس كان فيها خبطه في القايم يعني ممكن لو عربيه سليمه و من غير الزينون و الجنوط تعمل نفس التمن انا من رأيي الاوبل كورسا افضل ما يمكن شرائه بهذا التمن او ممكن لو ابيزا 94 برضه و تكون حالتها كويسه(لاني بصراحه عمري ما شفت ابيزا الموديل دا و الواجهه الاماميه بتاعتها سليمه ابدا الا عربيه او اتنين و كانوا فابريكه !!!) و اهي السيات هيا نفسها الفولكس و لعلمك الابيزا ال 94 نفس موتور الجولف 2 بالضبط و ان شاء الله ربنا يسهلك و تلاقي عربيه كويسه

حازم باشا باذن الله انا ناوى اشترى بكرة
قدامى عربيتين واحدة ابيزا 99 عايزة كاوتش و كاسيت و سماعات و السنتر محروق موتور 1400 سى سى مطلوب نهائى 32 وباقى كماليات 99
والثانية جولف 93 1600 سى سى جنوط سبور تكييف باور سنتر زجاج كهرباء ومطلوب 32 الف برضه
منتظر ردك و رايكم جميعا ايهما اشترى؟

[ايمن غازى]

انا معروض على جولف 93 فول اوبشن
عايز اسأل عن قطع الغيار موجودة او لا ؟ غالية؟ بنزين كام؟ هى ولا ابيزا 99؟

[oceanboy425]

اى روشنة على الجولف بتنطق عليها + العربية عائلية اكتر من الابيزا واوسع