|
#1
23-06-2012, 03:00 AM
|
||||
|
||||
تجربة تغير كبالن كاملة + الفتيس فى البولو ( ماحدث والنتيجة )
مساء / صباح الخيرات للسادة والسيدات الكرام فى احلى مصر موتورز فى الدنيا
 هحكى النهاردة تجربة حلوة اوى مع انها طويلة بس لعل وعسى يكون فيها معلومة النهاردة كنت فى مشوار لغاية الرست هاوس وكان من عادة نظام التعليق فى العربية التالى عندى خصوصا على الطرق السريعة : 1 - الغيار الخامس بيفك من مكانه بعد 100 كليو عليه ( محتاج غويشة للغيار الخامس ) ولما بيفك بحس ان الفتيش افش ومش عاوز يدى ولا غيار 2 - لما بسيب دواسة البنزين بيحصل زى هبدة بسيطة ( مشكلة كبالن ) من مشاكل الطرق القصيرة : 1 - طقطقة فى المفات ( مشكلة كبالن خارجية واحتمال 100% ان كاوتشة الكوبلن تكون مقطوعة ) 2 - بردوا الغيار الخامس بيفك 3 - السحب مرضى ولكن بنسبة متوسطة ( العربية بتستجيب جدا فى الاول والثانى ) ودى عادة البولو مفترية فى الغياريين دول اتصلت بالميكانيكى بتاعى وانا جاى من مشوار الرست - صباح الفل - صباح الفل يا استاذ فلان - انا المشكلة بتاعت الغيار يا مكرم لسه موجودة - طيب ما انا قلتلك لازم نعمل الغويشة ونودى الفتيس لبتاع الفتيسات هوا اصلا قرد بمعنى الكلمة وبيفك اى حاجة وفكلى الفتيس قبل كدا ترس ترس ادامى ولحم الحلة بتاعتو كانت واخد مطب وتخرمت ما علينا يعنى انا عندى مشكلتين طب اعمل ايه ؟ والطريق بقا والاغانى شغالة وقلت هطلع على الحرفيين اجيب فتيس .. بس عقلى الباطن بيضغط على عقلى وبيقوله ان الفكرة دى مش كويسة لانها مشكلة غويشة غيار بس بس الى هياخد 250 جنيه مصنعية وده اقل واجب لو الفتيس راح لبتاع فتيسات هيبقا فتحة ونصبة ويمكن حاجة محتاجة خراط او نشترى حاجة وكدا يعنى هيكلف انا قلت لااااااااااااااا لازم اجيب فتيس جديد واخلص الفتيس الجديد مربط عليه اصلا فى الحرفيين مع ناس 10/10 هناك بتوع استيراد جولف وبولو بس الفتيس بـ 550 جوند هوا بيتباع بـ 600 جوند معلش الفتيس على التجربة وانا ميهمنيش لو رحت هناك كذا مرة وغيرت كل حاجة عادى المهم قلت بالمرة راس كوبلن خارجى وخلص الراس الجديدة بـ 225 اتحاد اوربى بس مش مختومة بختم vw نعم ؟ مين ؟ تيجى ونجيب مليجى ؟ هههههههههههههههه شكرا خليهالك رحت للاستيراد بتاعى بكام الراس الكوبلن الخارجى بالمرة ؟ قالى لا انا عندى كبالن استيراد داخلى وخارجى بالكاوتشة كلو المانى قلتله ورنى كدا وانا مش بيه والحمد لله وبمسك الحاجة بايديا وسحم وكدا عادى شلت الورق الجرايد الى على الكوبلن لقيت ما سر قلبى ومخيلتى الافيز والكوبلن والراس كلها محفور عليها vw الافيز مش زى بتاعنا ابو ربع جوند لا افيز كدا شكلة وتربيطته غربية مهتمش بالموضوع ده مع انى بحب التفاصيل علشان مظهرش اعجابى بالمنتج ده للبياع بتاعى المهم بكام طيب الحوار ده يا سلطان ؟ للزبون بـ 300 جنيه وليك انت زى متحب قلتله يبقا الفتيس بـ 550 و الكبالن بـ 250 يبقا 800 قالى لا 850 اديته 820 الكبالن تحتوى على ( كوبلن داخلى شمال بالأكس الصلب وخاجى شمال بالكاوتشات بتاعتهم والشغل كله المانى مش مفتوح وكذلك نفس الحالة بالنسبة للكوبلن اليمين بحاجته ) ده اسمه استيراد انما فيه مخلوع على ارفف تانية مش زى الاستيراد بيكون هلك بقا عجل تانى المهم طلعت بيهم عالميكانيكى وركب ركب وهوووووووووووووب طلعت المفاجئة الكبالن الجوز تقريبا بدون كاوتش خالص فيه كوبلن فارط اول ما اتفك البلى طار عالارض ومع كدا كانت تمام وماشية وبتجرى وتسحب المااااااااااااااااااااان ياباااااااااااااااا الماااااااااااااااااان المهم وحنا بنركب الكبالن يا معلم الاكسات بتاعتها طويلة طب كان فيه حلين 1 - يفك الكبالن ويركبهم على الاكسات القديمة وكدا يبقا فكينا الشغل الالمانى والافايز وكدا ولعبنا تانى فى الكبالن لا خلاص هروح اغيرهم انا كنت متوقع الحورات دى وكدا طلعت بيهم على سلطان فى الحرفيين وغيرتهم فى اقل من 3 دقائق طلعو بتوع جولف ودى غلطة عادية لازم تاخد معاك القديم يديلك زيه المهم ركب ركب وطلعت جربت وهنا كان الانطباع 1 - السحب عجبنى وكان العربية مش مشاية على الارض 2 - الغيارات كانت فوق الجمال اكنها عربية جديدة والله ( على فكرة انا من اسبوع مغير عصاية فتيس كاملة بالويرات وكلو طولها 2 متر ) بس قلت اخد الحل الاقل فالاعلى منه تكلفة 3 - لما بسيب بنزين التسارع بيخف بطريقة المرسيدس بهدوء وتناغم بدون هبدات الكبالن المعروفة 4 - مفيش صوت ونة ولا وشوشة والمارشدير تمام 5 - مفيش صوت طقطقة فى كسر كامل الدركسيون 5- الغيارات مكانها الطبيعى بدون الرجلاش المشهور بجد البولو دى عربية بيزيد اعجابى بيها يوم عن يوم بس انا الحمد لله مش بسيب فيها حاجة الى ما اظبطها التكلفة : 550 فتيس استيراد 250 جوز كبالن استيراد كاملين بالاكسات 110 مصنعية فك وتركيب فتيس وكبالن دى كانت تجربتى النهاردة من 12 صباحا الى 12 ليلا مع الحوار ده ورايح جاى هنا وهنا بس قلت اخلص من الليلة دى والحمد لله ربنا يبارك فيكم ويكفيكم شر الطريق تحياتى مرة اخرى فى امان الله
__________________
جائزة اوسكار مصر موتورز عن اجمد تقرير مصور فى 2010
عن فيلم شتاء الاسكندرية My gallery in deviantart     ShadyDesign 
|
|
#2
23-06-2012, 06:28 AM
|
||||
|
||||
رد: تجربة تغير كبالن كاملة + الفتيس فى البولو ( ماحدث والنتيجة )
تجربة قيمة والموضوع جميل كعادة موضوعاتك تسلم ايدك
البولو من العربيات اللى بحبها جداً نفسى الاقى واحدة 1300 وحاله نظيفة متعرفش تعمل كام ولو لقيت واحدة بس الموتور الصغير تعرف تكاليف تسقيط الموتور كام
|
|
#3
23-06-2012, 09:22 AM
|
||||
|
||||
|
رد: تجربة تغير كبالن كاملة + الفتيس فى البولو ( ماحدث والنتيجة )
ما فيش غبار علي الالماني
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
|
|
#4
23-06-2012, 12:34 PM
|
||||
|
||||
رد: تجربة تغير كبالن كاملة + الفتيس فى البولو ( ماحدث والنتيجة )
بص اقولك حاجة انا الموتور بتاعى 1000 وبصراحة بردوا بفكر فى التسقيط بس يكون موتور بالفتيس بتاعه بعفشته كاملة بالتكييف بالضفيرة التسقيط انا اعرف ميكانيكى (هانى ) فى الوراق بيشتغل فى الالمانى والمينى كوبر والكرايسلر والحجات دى وهوا الى عملى عمرة الموتور الـ 1000 من سنتين والحمد لله الموتور لسه فيه زمن لسه واعرف ميكانيكى تانى فى المنيل (مكرم) الى بعمل معاه الى انا عاوزو وده الى بظبط معاه العربية بس الى بيعجبنى فى شغلهم انهم ممكن يفكوا كل الى عملوه علشان نسيو مثلا وردة جوه لا تنزل مكانها ان شاء الله لما اعدى على هانى الميكانيكى هساله عن تكلفة التسقيط ورد عليك
__________________
جائزة اوسكار مصر موتورز عن اجمد تقرير مصور فى 2010
عن فيلم شتاء الاسكندرية My gallery in deviantart ShadyDesign
|
|
#5
23-06-2012, 03:05 PM
|
||||
|
||||
|
رد: تجربة تغير كبالن كاملة + الفتيس فى البولو ( ماحدث والنتيجة )
تسلملى يا شادى
|
 |
|
|
