|
#1
22-05-2009, 09:26 AM
|
||||
|
||||
|
تجربة قيادة تويوتا ياريس (مميزات وعيوب)
رغم كراهيتى المعروفة لكل ما هو دون الكامرى فى تويوتا
ورغم شكلها الخزعبلى اللى مش قادر اتقبلة حتى الان لكن دايماً كان نفسى اجرب العربية ديه يمكن علشان حبى للسيارات السيدان الكومبكت وبالاخص ال 1300 سى سى واخيراً جت الفرصة لاختبار السيارة عن طريق صديق لى معاه العربية ومعجب بيها اااااااااااااخر حاجة الشكل الخارجى   انا شخصياً مش عاجبنى شكلها لكن صديقى صاحب العربية معجب بيها مقدرش اقول غير انها اذواق لكن مشكلة تصميمها الخارجى الحقيقة بالنسبالى فى زاوية الميل الكبيرة جداً للمقدمة وديه بتخلى الرؤية من المقصورة مستحيلة لمقدمة السيارة بالاضافة لانها هتخلى العربية سهلة التأثر باى تصادم من الامام خاصة وان الاكصدامات ضعيفة جداً    ده بالاضافة لاعتراف صديقى بان الدهان بتاعها سىء وسريع التأثر باقل الخدوش تقديرى للشكل الخارجى (سىء) الصالون الداخلى      الصالون واسع الخامات ممتازة مساحة التابلوه كبيرة جداً وفى رائى غير مستغلة الكراسى عالية بشكل مستفز علو الكراسى مع قعدتها مع العدادات فى الوسط بتفكرنى جداً بالهيونداى ماتريكس واكيد لو حد طويل دماغة هتلزق فى السقف العزل جيد جداً ولا يمكن سماع صوت الموتور الا مع التسارع الشنطة والمساحة عامة جيدة جداً فى هذه الفئة العدادات فى الوسط ممكن تكون ميزة للبعض بس انا مش متعود عليها ومريحتنيش خالص عدم وجود مؤشر للحراره كالكثير من السيارات الحديثة برضو حاجة مش ظريفة محتاج فتره كبيييييييييره علشان تعرف ابعاد العربية بجد مش هتشوف لا قدامها ولا وراها ابداً تقديرى العام للصالون وراحة القيادة (متوسط) الأداء  التسارع ممتاز العزم على السرعات العالية ضعيف جداً وده طبيعى لقوه الموتور لكن العزم عامة جيد جداً ومش محتاج تدوس بنزين كتير ازا كانت سواقتك هاديه الفرامل ممتازة اعتقد السبب فى ده خفة وزنها التحكم والثبات خفة وزن العربية مع علوها الكبير عن الارض مع المساعدين الخفيفة مع الباور الكهرباء مع وضعية الكراسى العالية تخليك تحس انك سايق ميكروباص تويوتا مش عربية سيدان العربية ابعد ما تكون عن القيادة الرياضية على الرغم من عزم الموتور الجيد والفرامل الممتازة الثبات فى المنحنيات غير مطمئن اطلاقاً واكيد اكيد لو الشنطة محملة العربية هتعوووووووووووم جامد جداً (راى صاحبها) صاحبها راضى بشكل كبير جداً بادئها من ناحية الثبات فى الملفات واعتقد ان ده راجع لتعوده عليها لكن فى المقابل نفس العوامل اللى ذكرتها (علو السيارة عن الارض + المساعدين الخفاف + وزن السياره الخفيف) بتخلى قيادة العربية على الطرق الغير ممهدة ومع المطبات مريحة جداً التقييم العام بالاضافة لما سبق وبمراعاه خدمة وسمعة التوكيل الممتازة انتشار العربية وثبات سعرها السوقى استهلاك الوقود الممتاز وسائل الامان وتقييمها الرائع فى اختبارات التصادم الاوربية ارى انها سياره جيدة لاستخدام اسره صغيرة او زوجة واطفالها وممتازة للاستخدام داخل المدينة  التعديل الأخير تم بواسطة AbOnOrA ; 22-05-2009 الساعة 05:36 PM 
|
|
#2
22-05-2009, 09:40 AM
|
||||
|
||||
رد: تجربة قيادة تويوتا ياريس (مميزات وعيوب)
حمدالله على السلامه يا أبو نورا ! بقالك مده مختفى ! يا ترى بتحضر مفاجئات جديده و لا ايه بالضبط !
عمومآ انت فشكلت العربيه خالص ! و من ناحية الشكل فهى من الآمام تشبه الكامرى حبيبتك ! يعنى ممكن تقول بنتها الصغيره !! أنا برده كنت ما بحبهاش و ما سوقتهاش بس شايف انها ممكن تكون سياره ممتازه جدآ بالنسبه لفئه معينه من الناس Ladies and High medium class و طبعآ الشباب يمتنعون ! عمومآ أنا ناوى على السيراتو لحد لما يبان آخرها وان كانت أخرتها وحشه تبقى الياريس رغم أنف العيال ( أولادى طبعآ ) ! Dr. Bolbolan ptmnlo123per1127
|
|
#3
22-05-2009, 09:55 AM
|
||||
|
||||
|
رد: تجربة قيادة تويوتا ياريس (مميزات وعيوب)
شكراً يا دكتور على سؤالك والله ما فيه حاجة كنت معتقل مع اخواتى الصغيرين مزاكرة وامتحانات بقى حضرتك عارف ptmnlo123per1106
بالنسبة للريفيو فهو رائيى الشخصى وصدقنى مقصدتش انى اسىء للعربية العربية حلوه بس زى ما فيها مزايا فيها عيوب وحبيت اوضح ده وده ياريت التيداً سعرها ينزل هيا كمان كنت انصحك بيها بدون تردد ptmnlo123per123 اتمنالك التوفيق فى اختيار سيارتك الجديدة وشكراً لمرورك ptmnlo123per122
|
|
#4
22-05-2009, 03:30 PM
|
||||
|
||||
|
رد: تجربة قيادة تويوتا ياريس (مميزات وعيوب)
ابو نورا بيكتب عن تويوتا و صغيره كمان
انا كده مهمتي انتهت فادي ساق الكورولا و وائل ساق الياريس ---سلام بقى اشوف ناس تانيه احاول اقنعها الغريب اني مش مقتنع بالكورولا و لا الياريس غير الكورولا 1800 و ما فوق و الياريس 1500 و ما فوق ممكن افكر اركبهم
__________________
my best words: 1)ωнαт ∂σєѕη'т кιℓℓѕ уσυ мαкєѕ уσυ ѕтяσηgєя- 2)ιт'ѕ ησт нσω мαηу тιмєѕ уσυ ∂σωη'ѕ вυт нσω мυ¢н уσυ єαяη ƒяσм уσυя ∂σωη'ѕ 
|
|
#5
10-07-2009, 03:25 PM
|
|||
|
|||
|
رد: تجربة قيادة تويوتا ياريس (مميزات وعيوب)
شكرا يا باشا على التقييم الرائع و المنسق.
انا مبحبش شكلها اطلاقا, ميزتها الوحيدة هو كونها "سيدان صغيرة", فهذه الفئة تداعب المصريين العاشقين لشكل السيدان و الذين لا يمتلكون القدرات المالية لشراء سيارة عائلية, و تعطى برستيج حتى لو كان حجم السيارة الفعلى صغيرا, و كان التوكيل ذكيا عندما قدم النسخة السيدان منها فقط و لم يجلب الفئة الهاتش باك. بس التابلوه فيه حاجاة غلط! حاسس انو مقلوب.
__________________
أخر مواضيعى : اختبار الفيات برافو 120 حصان تى جيت. وداعا يا ايها الصقر الجسور قضيت معكى أحلى ايامى. فيات برافو مرحى مرحى
|
 |
| الكلمات الدليلية |
| toyota yaris |
| أدوات الموضوع | |
|
|
