مبتدئه ومرعوبه هل من مساعده؟؟؟؟؟؟؟؟؟

[queen]

والله يعنى ربنا يرحمنى من الرخامه وبالذات الموتوسيكلات عامله لى هلع بقيت اول ما اشوف واحد منهم اتجمد واحاول ابعد خالص مبيخافوش من حاجه ومجانين بيروحوا من اليمين للشمال والعكس فى اى لحظه من غير اى اشارات ويقعد ينطط ادامى وياخد كروسات وغرز والادهى بقى انهم بيصروا يمشوا بينى وبين الرصيف فى ال2 سم اللى فى اليمين ومهما اكون بقرب عى الرصيف وداخله يمين فى ملف او شارع ومديه اشاره من ساعه قبلها بردو يحشروا نفسهم بينى وبين الرصيف ويكلكسوا واول ما ألف يفرملوا جمبى جامد كانهم اتفاجئوا انى هالف ووويشتموا كمان بصراحه ( بلاش اشتم)

[кℓαѕн]

بصي يا عثل والله انا كنت بمشي في كل الطريق عادي بس مكنتش بطلع كباري لان طريقي مكنش

بيجبني ليه ولما جيت ناحيت كوبري خفت جدا لان فعلا العربيه بتريح ع العربيات اللي تحتها



اهم حاجه في السواقه انك تحسي بالعربيه وصوت الماتور ..

انت واقفه في مطلع كوبري تمام يعني العربيه واخدهـ الاول وانتي دايسه دبرياج و فرامل ..

اول ما السكه تمشي بتطلعي عادي كانك ماشيه في اي طريق بسـ الفرق انك بتضغطي بنزين زياده شويه علشان ده مطلع لازم تدي العربيه سرعه علشان تقاوم .. بس كدهـ خدي الموضوع ببساطه هيعدي معاكي .. انا بقالي سنه بسوق و سعات كتير بغلط عادي ووالدي بيزعقلي ومفيش اي problem عندي ... لان لو شغلتي بالك باللي بيعلمك لو كان بيشخط كتير او سواقين المشاريع .. والكلاكسات والكلام الفاضي دهـ يبقي مش هتتحركي من مكانك .. بسـ كدهـ

[Tasting drive]

المشاركة الأصلية كتبت بواسطة samirayad حاولى تتعلمى التحكم فى الموضوع ده على كوبرى فاضى أو مكان مرتفع يكون غير مزدحم بالتحكم بدواسة البنزين أى تكونى جايبه الأول ويادوب رجلك سانده دواسة البنزين بحيث السياره لاتعود للخلف وأول مايفتح الطريق تتحركى للأمام بتزويد البنزين ------------------- وممكن وأنت مموره وواقفه تشدى فرامل اليد وأول مايفتح الطريق تجيبى الأول وأنتى فاصله الدبرياج وبمنتهى السرعه تكونى بتتحركى بترك الدبرياج وتزويد بنزين وأنت بتنزلى فرامل اليد فى نفس اللحظه

طيب لو عرفتي ان فيه حاجة اسمها نقطة الاتزان تخليكي متحكمة في اي عربية وانتي على كوبري من غير فرامل يد

[queen]

ايوه انا عاوزه اعرف ايه بقى نقطه الاتزان دى؟؟؟؟؟؟

[ahmed_gamal777]

اعتقد ان حضرتك دلوقتى احسن من الاول بكتير
حضرتك عملتى الموضوع فى شهر 4 واحنا دلوقتى فى شهر 10 يعنى الحمد ل الله 6 اشهر
القيادة - احساس بالعربية - احفظ زوايا - مرياتى هى عينى ( عينك دايما على المريات)
متتشغليش ب الجنبك ابدا ومتركزيش معاة
نقطة الاتزان زى ما كن صغيرين ونسوق العجل بدون مسك الدريكسيون ههههههه
بس فى العربية مينفعش نسيب الدريكسيون
يعنى نقطة دلوقتى بعد 6 اشهر ممكن تحسى بيها فرامل مع دبرياج الاتنين مسوين بعض
يعنى مش هطلعى ولا هتقفى
القيادة ممارسة من الدرجة الاول
واحب اذكر حضرتك
قواعد المرور بتنص على اهم قاعدة وهى
امش عدل يحتار عدوك فيك
وبالنسبة لمتوسيكلات
احذريها يعنى سبى يعدى وياخد غرزة كدة كدة هوا مسكين ميعرفش ان ممكن يفقد عمرة كلة فى الغرزة دى
بقيت بكن كل الاحترام فى الاول لسيد توك توك
وبعد كدة لسيد موتسيكل
ويجى فى الاخر السيد مقطورة
التكاتك ممكن تفقد السيطرة على اعصابك ( عادى جدا كانة بنى ادم معدى اتفضل عدى يا بوب)
الموتسكل فى ثانية تبقى شايفها فى المرياة اليمن هوب يبقى فى الشمال هوب تلقية اقدامك ( اتعلمت القاعدة دى بعد ما جبت موتسيكل من تحت العربية وربنا سترها )
ام المقطورة - فهزر وحش وحش وحش اوى وخاصة لو هياخد غرزة
بلاش تبصى فاضل قد اية عشان اكون سواق محترف
ولكن افخرى بنكى قطعتى شوط كبير من بداية التعلم
ويموت المعلم ولا يتعلم