العودة   مصر موتورز مجتمع السيارات > السيارات الكورية والماليزية > Hyundai هيونداى > Hyundai Veloster - فيلوستر


إضافة رد
 
أدوات الموضوع
  #1  
قديم 04-12-2011, 01:27 AM
mr.akram mr.akram غير متواجد حالياً
 
تاريخ التسجيل: Nov 2011
المشاركات: 4
mr.akram is just really nicemr.akram is just really nicemr.akram is just really nicemr.akram is just really nicemr.akram is just really nice
افتراضي عيوب فيلوستر 2012 تجربه شخصيه veloster problems 2012

السلام عليكم ورحمه الله وبركاته
انا يسعدني اني اكون اول من يبدا بالنقاش حول عيوب فيلوستر في المنتدى ودي اول مشاركه ليا واتمنى اني افيد ناس كتيره عندها تساؤلات عن عيوب العربيه دي.

انا اشتريت اعلى فئه منها وتكلفتها 165 الف جنيه وكنت مبهور جدا بشكلها وفعلا شكلها ملفت جدا جدا والاوبشن الي فيها بس للاسف مسالتش عن عيوبها كويس... كل اللي لقيتو عنها على النت مواصفات فيلوستر او تقرير فيلوستر في حين ان مفيش حد اتكلم على عيوب فيلوتسر

اتحركت بالعربيه من المعرض واتصدمت بالعفشه الناشفه جدا في ابسط الحفر اللي في شوارعنا بس العفشه كانت مش طبيعيه حتى لو كانت ناشفه عشان الجنوط بقيت اقول ازاي عربيه تنزل بالعفشه دي... عرفت بعديها ان العجل لازم يتظبط وبالفعل ظبط العجل على 30 نيتروجين ولكن الفرق مش كبير بعديها... لما كنت باخد حفره بالغلط وتكون حفره بسيطه كنت بسمع صوت بيوجعني انا اكتر من العربيه.

تاني يوم كنت ماشي على الدائري الفجر والطريق فاضي قلت اجرب اجري بيها... العربيه ثبات تام في السرعه والكيرفات في الطرق النظيفه...فجأه لقيت نفسي باخد مطب هواء واستغربت جدا من اللي حصل... لقيت نفسي فارقت الكرسي تماما وراسي خبطت في السقف والدريكسيون اتحرك مني من غير قصد وقتها... هديت سرعتي خالص وبقيت مزهول من اللي حصل اللي عمره ماحصل معايا في الجين 2 مثلا... واتكررت الحركه ده اكتر من مره على سرعات من 100 ل130 وكل اللي قاعد معايا في العربيه خبطو في السقف خصوصا اللي كان قاعد ورا الخبطه بتبقى اقوى... انا في اليوم ده رجعت للمعرض وجه واحد يتمن العربيه وهيا ماشيه 600 كيلو جابتلي ساعتها 150 الف لقيت نفسي هخسر 15 الف + 7400 تامين (تامين غبور) قررت اني اسيب العربيه معايا شهر او اتنين وبعدين لما اجي ابيعها هتتباع بنفس السعر.

يومين بعديها وكنت ماشي في طريق وخدت حفره من غير ما اشوفها اصلا وده بسبب كرسي السائق وتصميم العربيه بيخليك مش شايف حوالي 2 متر قدام العربيه + العربيه اللي بتكون قدامك فانت مش شايف الطريق خالص... لازم تسيب مسافه كبيره بينك وبين اللي قدامك لما بعمل كده بلاقي العربيات بتكسر عليا
المهم ان في الحفره دي الفردتين اليمين فرقعو... طبعا وقفت العربيه وقلت اتصل بالتامين يجيب ونش وده اللي كنت اعرفه عن تامين غبور قبل ما ادفع الفلوس اتفاجت ان رقم المسؤول عن التامين مغلق فقلت انا هتصرف وخلاص نزلت الاسبير وخدت الفرده لبتاع الكاوتش بعد شارعين.... كنت احدف الفرده في الشارع واقعد اجري وراها هههههههه المهم الراجل قلي الفرده دي باظت ومتتصلحش لأن القطع كبير وانا شفتها بنفسي رحت جبتله الفرده التانيه قال نفس الكلام المهم حط شمبر للعجله عشان اعرف اروح البيت... وبالفعل العربيه وصلت البيت والعجله نامت علطول.

العربيه بقت مركونه تحت البيت مبتتحركش وبدات قصتي مع التوكيل والتامين ورحله عذاب تانيه. اللي كنت اعرفه عن تامين غبور ان الونش مجانا وبيطلبو محضر اذا كانت التكلفه اكتر من 5000 جنيه المهم كلمت المسؤول وحكتلو على اللي حصل قالي معرفش وروح قليوب قسم الهياكل اسال هناك. مش واخد باله ان العربيه واقفه مبتتحركش وان المفروض ونش يجي يشيلها ولما بقولو كده بيقولي بنس اللفظ: اعملك ايه روحلهم!... رحت قليوب قالولي هناك انك هتدفع تمن الونش ولازم تعمل محضر واللي عرفتو كمان ان العجل مش موجود في مصر ولا في التوكيل ولازم اسيب العربيه اسبوعين في التوكيل! في حين ان المسؤول المفروض ميقوليش روح اسال في قليوب ويقولي التفاصيل دي كلها في التليفون ويوفر عليا مشوار زي ده عشان اعرف تفاصيل مش اكتر!

اذا كانت الشركه منزله العربيه من غير قطع غيار ومعندهاش مشكله ان العميل يسيب عربيته اسبوعين في التوكيل وهيا لسه جديده... فالموضوع مش سهل طبعا عليا ولا على اي عميل اعتقد.

المهم انا ريحت دماغي ورحت اشتريت الفردتين اردئ نوع الفرده الواحده ب700 جنيه ومشيت بالعربيه يومين كمان بالظبط ولقيت فرده تانيه ظهر فيها بلونه (من الفرد القديمه بتاعت العربيه الاصليه) بقيت مدايق جدا وريحت دماغي برده وجبت فردتين كمان وبقيت ماشي ب4 فرد جداد... خدت العربيه من بتاع اشرفكو مدينه مصر للمهدنسين نزلت من العربيه لقيت فرده من الجداد ظهر فيها بلونه!!! كلمت الشركه وعملت شكوى وحكيت اللي حصل وقالتلي هنرد عليك في خلال 48 ساعه والرد جه بعد 4 ايام ودي مش حاجه بسطه انه يقول للعميل كلمه ومنفذهاش! ولقيت الرد على الشكوى انهم هيكلموني تاني في خلال يومين يقوليلي اذا كانت هتدخل في التامين ولا الضمان. مش فاهمين ان المشكله مش في العجل انما دي حاجه في العربيه نفسها ايا كان عيب في الجنط او العفشه. انا ساعتها مقدرتش امسك نفسي ورحت للتوكيل في ابو رواش وحكيت مشكلتي كلها وكان طلبي ان العربيه دي مش لازماني في حاجه وعايز فلوسي... طبعا الكلام ده اترفض تماما والحل كان انهم هيشتروا العربيه مني مستعمله بسعر كويس واخد بدلها اي عربيه هيونداي ( انا قولت ابقى ابيع العربيه دي زيرو لاي معرض قبل ما تعلق نمر) رحت تاني يوم عشان كان الوقت اتأخر.

لقيت عميل معاه نفس العربيه راكن بره ومركب الاسبير وداخل يسال... المهم خدو العربيه يفحصوها اكتر من 4 ساعات ولقيت الراجل اللي بيقيم العربيه جاي يقولي العربيه هينزل في تمنها عشان راشه كبوت!!! انا سمعت الكلام ده وفجرت فيهم كلهم وعليت صوتي لغايه ما طلعت للمدير ولقيتهم بيقولولي ان العربيه هنخدها ب 145 الف!!! وهبقى مجبر اني اخد من عندهم هيونداي واتصرف في بيعها وكده قمت مروح ورحت بعتها لتاجر ب145 امبارح والحمد لله اني خلصت منها... اتفاجئت من حاجه تانيه وانا بلف على المعارض لقيت العربيه في منها كتير بيتباع كسر زيرو...انا كنت مبسوط جدا جدا لما بعت العربيه اكتر من فرحتي لما اشتريتها... فقلت لازم اعمل موضوع في اسرع وقت.

ده غير كان عندي مشكله بسيطه ان فتحه السقف بتطلع صوت وهيا مفتوحه.
ونسيت حاجه مهمه تانيه ان العربيه بتعوم لوعديت على اي حاجه بسيطه في الطريق (طوب او اسفلت زياده او اي حاجه من اللي بنشوفها في شوارعنا)

انا شايف ان العربيه كويسه جدا بس مش في مصر! للاسف التوكيل مش طالب مواصفات في العربيه تتناسق مع بلدنا. التوكيل كل اللي غيره في العربيه عن اللي بتنزل بره انه شال السماعات المحترمه وحط سماعات عاديه وشال الكاميرا الخلفيه وال GPS وقلل الهورس باور... طبعا عشان الجمارك بس اعتقد انه المفروض يبص على حجات تانيه اهم.

انا كنت شاري عربيه ب165 الف جنيه ومتوقع اني هبقى في قمه الرفاهيه بس للاسف خسرت وقت وبهدله وفلوس!

ياريت يا جماعه الي معاهم العربيه دي يشاروكو معانا في الموضوع وكل واحد يقول اللي المشاكل الي قابلتو عشان نفيد الناس كلها

التعديل الأخير تم بواسطة mr.akram ; 04-12-2011 الساعة 01:57 AM
رد مع اقتباس
  #2  
قديم 04-12-2011, 01:57 AM
الصورة الرمزية koky_90
koky_90 koky_90 غير متواجد حالياً
من انا؟: لاتحسب البسمه على وجهى فرحا فاالطير يرقص مذبوحا من شده الالم
التخصص العملى: طالب
هواياتي: car وبس
 
تاريخ التسجيل: Oct 2008
الموقع: حدائق القبه (بلدنا)
المشاركات: 1,200
koky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond repute
افتراضي رد: عيوب فيلوستر 2012 تجربه شخصيه veloster problems 2012

مش عارف اقولك ايه ياباشا والله
اولا ربنا يعوض عليك في الـــ20 الف دول
ثانيا انا شايف انت اختارت التصميم على حساب حاجات تانيه كتير انت ذكرتها في
الموضوع طبعا شكل العربيه وهم بس مينفعش ان ده يكون السبب الاساسى الى يخلينى
اشترى العربيه !
الفئه ده بلذات وباقل من سعر الفيلوستر فيها شويه عربيات اوروبى جامده اوى
سيات ليون
فيات برافو
سيترون سى 4 الجديده بجد بجد خيال
والتوكيل بتعهم مش هيعملك زى غبور اكيد
على العموم متشكرين جدا على التجربه ده
وان شاء الله ربنا يعوضك خير بأذن الله
رد مع اقتباس
  #3  
قديم 04-12-2011, 02:52 AM
الصورة الرمزية A7MED NASSER
A7MED NASSER A7MED NASSER غير متواجد حالياً
مسئول بمبيعات المصرية للسيارات بالمنصورة
التخصص العملى: منسق و مسوق مبيعات السيارات
 
تاريخ التسجيل: Feb 2010
الموقع: المنصوره
المشاركات: 1,095
A7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond repute
افتراضي رد: عيوب فيلوستر 2012 تجربه شخصيه veloster problems 2012

و الله العربيه دي انا كنت حببها اوي عن الالنترا الجديده بس بالكلام ده كله يبقى الالنترا افضل و احسن منها مليون مره و ربنا معانا و يخلي غبور لينا

رد مع اقتباس
  #4  
قديم 04-12-2011, 03:03 AM
الصورة الرمزية aly zafer
aly zafer aly zafer غير متواجد حالياً
هواياتي: قراءة
 
تاريخ التسجيل: Apr 2011
الموقع: اسكندرية
المشاركات: 332
aly zafer is a splendid one to beholdaly zafer is a splendid one to beholdaly zafer is a splendid one to beholdaly zafer is a splendid one to beholdaly zafer is a splendid one to beholdaly zafer is a splendid one to beholdaly zafer is a splendid one to beholdaly zafer is a splendid one to behold
افتراضي رد: عيوب فيلوستر 2012 تجربه شخصيه veloster problems 2012

السيارة ديه اصلا الموتور بتاعها من نوعية gdi وغبور بينزلها بموتور الانترا الشكل الجديد _ وبالنسبة لنشفان العفشة فهذا بسبب ان الجنوط مقاس 18 وده بيتعب العفشة وهذا خطأ فى التصميم
__________________

كن فى الدنيا كاعابر سبيل _ واترك ورائك كل اثر جميل _ فمانحن فى الدنيا الا ضيوف _ وما على الضيف الا الرحيل.
رد مع اقتباس
  #5  
قديم 04-12-2011, 03:16 AM
الصورة الرمزية titos
titos titos غير متواجد حالياً
التخصص العملى: Build Refrigeration Storge Systems at Assarprofessional
هواياتي: any thing about (cars-computer-tech )
 
تاريخ التسجيل: May 2010
الموقع: damnhour
المشاركات: 78
titos is a jewel in the roughtitos is a jewel in the roughtitos is a jewel in the roughtitos is a jewel in the rough
افتراضي رد: عيوب فيلوستر 2012 تجربه شخصيه veloster problems 2012

الكورى كله كده يا باشا و مش معنى انه منتشر و مالى ارجاء المحروسه انه محترم
__________________

When i burn shifts to get my top speed,on this second,i dont care about any thing,iam a free as a bird
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 09:57 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017