|
#11
25-05-2010, 01:26 PM
|
||||
|
||||
رد: اللي بيفكر يظبط العربية يجي يشوف حالي
السلام عليكم
بالنسبة للاخطاء اللي في السواقة فانا -على حد علمي - ان العربيات ال3 سلندر عاوزة معاملة حنينة فلو انت ماشي ليل نهار تحرق بيها اكيد المكنة مش هتعمر معاك ومين عارف ممكن ده يؤثر على ايه. واللي انا شكيت فيه ان القواعد بتاعة الموتور و العفشة و الاجزاء دي تكون باظت من كتر التنتيش واكلان والمطبات فالتنتيش ده بيفرك العربية من بعضها و خصوصا قواعد الموتور بكلام بسيط و خد عندك بقى لو واحد بياكل المطبات او بيمشي في ارض مكسرة او بيشيل فيها اوزان او اي حاجة فوق حمل العربية ,, اكيد العربية مش هتعمر معاه ..ربنا يحفظنا.. و ناهيك بقى عن ظبط الكاوتش والزوايا والترصيص و الكبالم ده اللي بيحافظ على شغل البلي والاتزان و بيحفظ حاجات كتيرة من ان هي تودع قبل معادها , بل ممكن تؤثر على حاجات تانية كتير اوي انا ماليش بيها علم وده بقى يا سيدي اللي بيقولوا عليه ان الواحد حاطط ايده في العربية وطبعا ااسف عاللك 
|
|
#12
25-05-2010, 01:30 PM
|
||||
|
||||
رد: اللي بيفكر يظبط العربية يجي يشوف حالي
 كل حاجة وليها عيوبها زي ماليها مميزاتها 
|
|
#13
25-05-2010, 02:23 PM
|
|||
|
|||
|
رد: اللي بيفكر يظبط العربية يجي يشوف حالي
حكاية طرنبة البنزين دي حاجه تانية
لما روحت للميكانيكي الاولاني ربنا يسامحه قالي طرنبة البنزين قاطعه قولتله و ماله نجيب واحده جديده (هه إفتكرتها سهله) دوخت السبع دوخات على طرنبة مالقتش المهم قالي خلاص ياباشا هركبلك طرنبه كهربا تؤدي الغرض لغاية لما تلاقي الطرنبه بتاعتها المهم جابلي و احده كهربا مستعمله ب 150 جنيه و اشتغلت تمام بعد شهر و نص ابتدت تخرف و تقطع لدرجة اني كنت لما أسمعها تقف أروح نازل خابط عليه خبطتين تشتغل لمسافة كيلو أو اتنين كيلو وتبطل أروح خبطها تاني و هكذا .. كل ده و أنا بحاول أدور على طرنبتها ..أبدا مش لاقي كل ده و الخبط بيزيد على الطرنبه التعبانة و المسافة اللي بتشتغلها ما بقتش تعدي ال50 متر أه و الله و كنت ع الدائري و كل 50 متر أنزل أخبط و أرجع أسوق 50 متر ... حاجه ذل و احد ابن حلال في الشارع بيسوق ونش من بتوع المقاولين العرب فكهالي في الشارع و قعد زبط فيها شوية المهم اشتغلت لغاية ما روح الحرفيين أجيب . بعد الشغل روحت الحرفيين أشتري طرنبه و اللي لقيتها بمعجزه أخر واحده - الحمد لله بس تايواني -- يا عم مش مشكله المهم أترحم من العذاب اللي انا فيه و كان معايا مراتي اللي عديت عليها و انا راجع من شغلي عشان نروح سوا المهم جبت الطرنبه و ركبتها و غيرت بالمره فلتر البنزين كانت الطرنبه ب 175 جنيه الحمد لله ياله بقىptmnlo123per154 هييييه هنروح أنا ساكن في فيصل و جاي من الحرفيين و الله ما وصلتش بيها البيت العربية يا جماعه عطلت في رمسيس ptmnlo123per144 ( ايه قلة الادب دي ) و كمان معايا المدام طيب .. روح شوف أي ميكانيكي هنا في المنطقه (ده مراتي اللي بتقول) دورت فعلا و للأسف كانت الساعه 9 و مافيش ميكانيكية في المنطقه حاجه غريبة المهم لاقيت ميكانيكي قاعد بمفك و بنسه على الشارع (ميكانيكي متجول قاعد على الرصيف و الله ) المهم ما باليد حيله تعالى ياعم شوف اللي حصل المهم بص كده قالي العربيه فيها بنزين قولتله طبعا .. راح دايس على الاسبراتير راحت العربية دايرة ( غريبة)  طب يا ريس حسابك كام قالي دي حاجات بسيطه اللي تدفعه و محسسني أن هوه شوماخر المهم و احنا بنتحايل على بعض راحت العربية مبطله و مدارتش بعدها تاني المهم صاحبنا الميكانيكي المتجول ما عرفش يعمل حاجه قالي اركنها و بكره الصبح ابصلك عليها (طبعا الكلام دخل ودني من هنا طلع من الناحية التانية) ptmnlo123per168 قولتله متشكرين يا عظمه و لهف الفلوس(10 جنيه ) و جري .ياللا يا ماما إلحقي المترو و أسبقيني ع البيت عشان أنا قدامي سهرة و مش عايز أغلبك معايا (ده أنا بقول لمراتي )ptmnlo123per1106 المهم كلمت الراجل اللي ركبلي الطرنبة و قولتله اللي حصل قالي هبعتلك حد و جالي بعد ساعه في رمسيس - و بعد عده محاولات قالي الجديده اللي احنا مركبينها دي بايظة و يعوض عليك ربنا أحنا نرجع نشغل الطرنبة القديمة الكهربا وفعلا شغلتها لحد ما روحت بنظام التخبيط و ال 50 متر زي منتوا عارفين من رمسيس لفيصل و دخلت البيت الساعه 3 الفجر في عز البرد أخر المطاف روحت جبت واحده ياباني من الوكاله إستيراد ب 300 جنيه ماينقصوش تعريفه و الحمد لله شغالة لغاية دلوقتي.ptmnlo123per1146 أغلى طرنبه في مصر 150+175+300 = 625 جنيه غير المصنعيات ptmnlo123per178
__________________
If you want a thing well done, do it yourself
|
|
#14
25-05-2010, 03:06 PM
|
||||
|
||||
|
رد: اللي بيفكر يظبط العربية يجي يشوف حالي
كان الله فى عونك بيتهألى هانت خلاص والعربية تتظبط
__________________
د / محمد إن الله لا يصلح عمل المفسدين
|
|
#15
25-05-2010, 03:07 PM
|
|||
|
|||
رد: اللي بيفكر يظبط العربية يجي يشوف حالي
__________________
If you want a thing well done, do it yourself
|
 |
|
|
