العودة   مصر موتورز مجتمع السيارات > السيارات الأوروبية > رينو RENAULT > رينو ميجان Mégane

رينو ميجان Mégane The Renault Mégane is a small family car produced by the French automaker Renault since 1995. It is offered in 3- and 5-door hatchback, saloon, coupé, convertible and estate bodystyles. The Renault Scénic (launched 1996) is the first modern compact MPV to be built in Europe


إضافة رد
 
أدوات الموضوع
  #6  
قديم 19-07-2008, 04:12 PM
الصورة الرمزية Payoo
Payoo Payoo غير متواجد حالياً
من انا؟: أنسان سيء الطباع يتطلع إلى الحسن
التخصص العملى: Administrator Network
هواياتي: Sports
 
تاريخ التسجيل: May 2008
الموقع: Cairo
المشاركات: 696
Payoo has a reputation beyond reputePayoo has a reputation beyond reputePayoo has a reputation beyond reputePayoo has a reputation beyond reputePayoo has a reputation beyond reputePayoo has a reputation beyond reputePayoo has a reputation beyond reputePayoo has a reputation beyond reputePayoo has a reputation beyond reputePayoo has a reputation beyond reputePayoo has a reputation beyond repute
افتراضي رد: سؤال لملاك الميجان، ليه بتبيعوها برخص التراب

أحكي ايه وللا أيه بس يا رجاله دا غللي حصل وبيحصل معيا ومع غيري مايتحكيش

اولا العربية بتاكل بطاريه يعني كل تقريبا 25 ألف كيلو عاوزلك بطارية بـ 1150 جنيه (سعرها في التوكيل كده)

ثانيا ماتقدرش تعمل أي حاجه مهما كانت بسيطه برة التوكيل بمعنى أنك لو غيرت مثلا البطارية هاتلاقي وظائف كهربائية كثير ه توقفت عن العمل تماما زي الشبابيك والكاسيت مثلا
ولازم تروح التوكيل وتاخدلك دور عشان تبرمج الزجاج والكاسيت تاني

ولو غيرت تيل الفرامل بره هاتلاقي الـABS توقف عن العمل ولن يعمل إلا بعد ان تذهب إلى التوكيل (وهناك المجزرة شغاله مابترحمش)

وسيبكم بقى من ده كله العربية أدائها سيء جدا جدا جدا وماتخدش منها اداء ممتاز إلى على الطرق المفتوحة فقط
يعني في وسط المدينة العربية مخنوقة ولو شغلت التكييف يبقى أنت كده قتلت الموتور خالص وقتلت نفسك معاه لان التكييف نفسه مش هايديك هوا بارد إلا لما العربية تجري في طريق مفتوح

دا غير إن كل شوية الكومبيوتر يوقف حاجه عن العمل ومايرضاش يديها إشارة عشان تشتغل (لانه متبرمج على كده ) يعني بعد عدد من الكيلو مترات معينه (هو متبرمج عليها) مايبعتش إشارة للبوبينات إللي فوق البوجيهات مثلا العربيه تشتغل 3 بدلا من 4 وتبقى متضر تروح التوكيل وتغير البوبينه ومعاها طقم البوجيهات

ده غير أنك لو فوت ميعاد الصيانات إللي مطلوب فيها تغيير بعض الأشياء هاتلاقي العربيه مابتشتغلش معاك بطريقة مظبوطه وهاتلاقي الكومبيوتر عمال يطلعلعك لسانه قصدي راسايله كل شوية أشي رسالة تقولك Chek Box وإشي رساله تقولك Servece ورسالة تقولك معرفش أيه لحد ما تلاقي نفسك مدمن التوكيل ويحصل بينك وبين الناس هناك عِشرة ولا عشرة الجيران والأقارب

ده غير أن العربيه ادائها العام لا يتناسب أطلاقا مع شكلها الجميل وسعرها العالي

عرفتوا ليه بقى بتتباع بأقل من نص تمنها ؟

وعلى فكرة مافيش حد هاتلاقيه يقولكم الكلام ده وأستنوني أقولكم على كذا حوار دار بيني وبين اكتر من حد قابلته هناك وهاتعرفوا بنفسكوم أننا شعب مايحبش يقول على نفسه غلطان ابدا
رد مع اقتباس
  #7  
قديم 19-07-2008, 05:14 PM
amrnader amrnader غير متواجد حالياً
 
تاريخ التسجيل: Jul 2008
المشاركات: 3
amrnader will become famous soon enough
افتراضي رد: سؤال لملاك الميجان، ليه بتبيعوها برخص التراب

ربنا يكرمك يا بايو على صراحتك و يسهلك بيعها، انا سألت كتيييير قبل كدة نفس السؤال ومأخدتش اى اجابات مقنعة، انت اول واحد اسمعه بيقول الخبايا اللى محدش يعرفها الا ملاك السيارة
رد مع اقتباس
  #8  
قديم 19-07-2008, 10:36 PM
الصورة الرمزية MohabSaeed
MohabSaeed MohabSaeed غير متواجد حالياً
 
تاريخ التسجيل: Jun 2008
المشاركات: 176
MohabSaeed has a reputation beyond reputeMohabSaeed has a reputation beyond reputeMohabSaeed has a reputation beyond reputeMohabSaeed has a reputation beyond reputeMohabSaeed has a reputation beyond reputeMohabSaeed has a reputation beyond reputeMohabSaeed has a reputation beyond reputeMohabSaeed has a reputation beyond reputeMohabSaeed has a reputation beyond reputeMohabSaeed has a reputation beyond reputeMohabSaeed has a reputation beyond repute
افتراضي رد: سؤال لملاك الميجان، ليه بتبيعوها برخص التراب

خلينا بس نتفق الاول على شئ مهم " لولا اختلاف الازواق لبارت السلع " . فى ناس كتير معندهاش ادنى مشكله انها تعمل صيانات دوريه فى التوكيل " انشاله كل 5 الاف كيلو " وتدفع مبلغ محترم جدا فى سبيل احساسه انه قاعد فى عربيه فيها تكنولوجيا حديثه وعوامل امان كتيره .

بالنسبه للاداء فالعربيه وزنها تقيل و مش متوقع منها اداء سلس.... وناس كتير متعايشه مع الموضوع ده و مش فارق معاهم .

انا قريت موضوع عن واحد كان معاه ميجان وعمل حادثه جامده جدا و الميجان بتاعته اتدمرت بس هو و الناس الى معاه الحمد لله محصلهمش حاجه خالص ..... و كان بيتكلم ان العربيه " الميجان " طبعا بعد ربنا انقذته من الموت و قرر انه يشترى ميجان تانى !!!!!!!!!!!!!!!

انا مش متخيل يعنى واحد عمل حادثه اكيد اتشائم من العربيه .... لا ده اشترى واحده تانيه إيه.
فعلاشان كده انا مقتنع جدا ان الى انا شايفه وحش ممكن غير يكون شايفه حلو ...... بس طبعا المهم لازم اعرف اذا كان العربيه ديه حقدر اتعايش معاها ولا لا ...
واخونا العزيز بايو وضح نقط المهمه تهم اى حد بيفكر يشترى ميجان ....انه لازم يكون مستوعب انه حيروح التوكيل للصيانات الدوريه و لتغير اقل شى . وده ممكن يكون متناسب مع ناس .... وكارثه بالنسبه لناس
__________________

THE ELEGANT ALFA ROMEO 156 AUTO DELTA 3.7 GTA - AM SUPER
The Most Beautiful & Powerful Front Wheel Drive Car Ever Made - 400 Horses Power - From 0:100 Km\h in4.8 Sec & Top Speed 290 Km\h

التعديل الأخير تم بواسطة MohabSaeed ; 19-07-2008 الساعة 10:44 PM
رد مع اقتباس
  #9  
قديم 20-07-2008, 12:32 AM
TAREK ZIAD TAREK ZIAD غير متواجد حالياً
من انا؟: م/طارق زياد
التخصص العملى: مهندس معمارى
 
تاريخ التسجيل: Jun 2008
الموقع: القاهرة
المشاركات: 115
TAREK ZIAD is a jewel in the roughTAREK ZIAD is a jewel in the roughTAREK ZIAD is a jewel in the rough
افتراضي رد: سؤال لملاك الميجان، ليه بتبيعوها برخص التراب

أنا متفق مع وجهة نظر أخونا بايووووووو و أ/محب سعيد

أنا شخصيا كنت على وشك شراء الميجان من سنتين و كنت ولا أزال منبهر بها جدا .... و ساعة الشراء وقتها من المعرض عرفت إن المتاح حاليا هو التصنيع التركى فقط و إنه أقل فى الجودة من الفرنسى .....

لكن بايووووو وضح نقط مهمة جدا جدا .... و هى موضوع الصيانة الإجبارية بالتوكيل لأتفه الأسباب.... و دى طبعا شئ متعب طبقا لثقافتنا فى مصر ... العربية لازم تكون حديد و تشيل الزلط و ما تشتكيش و دة هدف كثيرين جدا من المصريين عند الشراء و أنا منهم .... و موضوع الصيانة دة بيشكل لى أكبر صداع ولو بالوضع اللى وصفه بايوووو يبقى أنا كدة كسبان....

ولكن هناك أيضا كثيرين لا تفرق معاهم مثل هذه الأمور و أكيد يهمهم الصيانة الدورية ... حتى مع غلاسة التوكيل .... و مستعدين لدفع تكاليف عالية للتمتع بإحساس جميل هو دافع فيه فلوس ... ودة حقه....

الشئ اللى مش طبيعى هو إن الأداء يكون مخنوق أو أقل من المتوقع من سيارة تمثل التكنولوجيا الفرنسية ... دى معلومة جديدة و هامة لمن يفكر فى الشراء .....

بس أكيد ... الميجان ميجان .... و معجبينها كتير ..... و أنا منهم .......
__________________

تحياتى
م/ طارق زياد
SPERANZA A620

التعديل الأخير تم بواسطة TAREK ZIAD ; 20-07-2008 الساعة 12:37 AM
رد مع اقتباس
  #10  
قديم 20-07-2008, 07:02 AM
HaShiMoto HaShiMoto غير متواجد حالياً
عضو ذهبى
من انا؟: هشام كمال
التخصص العملى: محاسب
هواياتي: السيارات الرحلات كرة القدم
 
تاريخ التسجيل: Jun 2008
الموقع: القاهرة مصر
المشاركات: 231
HaShiMoto has a reputation beyond reputeHaShiMoto has a reputation beyond reputeHaShiMoto has a reputation beyond reputeHaShiMoto has a reputation beyond reputeHaShiMoto has a reputation beyond reputeHaShiMoto has a reputation beyond reputeHaShiMoto has a reputation beyond reputeHaShiMoto has a reputation beyond reputeHaShiMoto has a reputation beyond reputeHaShiMoto has a reputation beyond reputeHaShiMoto has a reputation beyond repute
افتراضي رد: سؤال لملاك الميجان، ليه بتبيعوها برخص التراب

لولا نيسان مكانش بقى فيه رينو ومش هقول اكتر من كده علشان اصحاب الرينو مزعلوش منى هاخنقك
__________________

nikumarekko yo ni habakaru
الأعشاب الضارة هى التى تنمو وتزدهر

لانسراوى مصراوى
"جميع موضوعاتىحصرية لمنتدى مصر موتورز ولا اسمح بنقلها لاى منتدى اخر "


رد مع اقتباس
إضافة رد

الكلمات الدليلية
رينو ميجان, ميجان

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 06:25 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017