ياريت حد يساعدنى .. استفسارات عن الرينو الميجان 2008
السلام عليكم ورحمة الله ..
لو سمحتوا انا معايا عربية نيو اكسنت 2006 ومطلعة عينى بصراحه وقررت اغيرها لكذا سبب .. وبعدين شوفت الرينو الميجان معروضة عندنا فى الشارع واتفرجت عليها عجبتنى اوى وطبعاً الأوبشنز بتاعتها تسحر ..
قريت فى المنتدى هنا من كذا واحد بيتكلم عن قطع غيارها المبالغ فيها و انها مبتتصلحش برّة التوكيل وسحبها ضعيف داخل المناطق المقفولة والتكييف بتاعها ضعيف كمان
بس الكلام ده كان من خمس او ست سنين وملاقيتش حد من ساعتها بيتكلم عليها
فا لو ممكن حد يفيدنى بالنسبة للرينو الميجان الـ 2008 او الـ2007 السيدان وعيوبها وياريت حد يقولى على اسعار قطع الغيار الاساسية المساعدين مثلاُ وتيل الفرامل والاكصدام وكده .. وطبعاً يبقى احسن لو كشفت عنها فى التوكيل قبل ما اشتريها ؟
وسؤال كمان هو ايه الفرق بين الميجان والميجان 2 ؟ .. المشكلة انا ثانوية عامة وموضوع العربية ده عاملى دوشة بصراحه وشكلى كده هعيد السنة دى :D
|
17-06-2014, 11:30 AM
