مركز إي سي يو كوماندور (Ecu Commander) - لخدمة إلكترونيات السيارات

[cypher]

و سؤال اخر انا عندى مشكلة

عندى سيارة رينو كليو موديل 2001
1.4l 16v
و الموتور
K4J

المفتاح الاستبن ضاع
و الاصلى شريحة الشفرة بدأت تبوظ خالص
فبالتالى عملت شريحة جديدة و حطيتها مكان القديمة

فأنا عايز اسأل

هل الغاء الامبوليزر للسيارة فىه اى ضرر

يعنى مش هيعمل اى مشكلة مستقبلا

و ايه طريقة الالغاء
هل عن طريق كمبيوتر السيارة(بحثت كثيرا و لم اجد طريقة)
ام عن طريق وضع شريحة للشفرة على مكان المستقبل للامبوليزر

و شكرا يا أخى

[Umoussa]

بعد السلام والتحية،

أخي الفاضل لا يمكنني وضع أسعار على الموقع وأيضاً لن أستطيع تقييم أي أسعار دون معاينة السيارة على الواقع.

بالنسبة لحالة حضرتك، مفيش حاجة إسمها الشريحة بدأت تبوظ الشريحة دي أصلاً مينفعش تبوظ مطلقاً لأنها (مع التبسيط) تقدر تقول عليها قطعة من المغناطيس ذاتية الإمداد بالطاقة، فموضوع إنها بدأت تبوظ دا مش صحيح بالمرة.

إن كان الموضوع م تعلق بالدوارة والإيموبلايزر فمن الأفضل فحص الوحدة الخاصة باستقبال إشارة شريحة المفتاح.

أيضاً بالنسبة لجيل عربيتك، فهو جيل قديم وإلغاء دائرة الإيموبلايزر (إن أمكن) لن يضر السيارة في شيء.

ولكن اسمح لي أن أنبهك إلى شيء مهم، معظم السيارات التي تمت سرقتها في أحداث 25 يناير وما تلى ذلك من أحداث كانت سيارات هيونداي وذلك لأن كل سيارات هيونداي غير مجهزة بإيموبلايزر فهل تقبل بشيء على حساب آخر؟ أي هل تقبل بأن تعمل عربيتك بدون مشاكل إيموبلايزر وفي نفس الوقت لا تستطيع النوم لأنك تعرف أنها عرضة للسرقة؟

بالمناسبة: لعمل إلغاء لدائرة الإيموبلايزر نأخذ التالي:
1. توقيع العميل على الموافقة
2. صورة بطاقة العميل ورخصتي السيارة والقيادة

ولك الشكر والتقدير

م/ أسامه موسى

[cypher]

بالنسبة لحالة حضرتك، مفيش حاجة إسمها الشريحة بدأت تبوظ الشريحة دي أصلاً مينفعش تبوظ مطلقاً لأنها (مع التبسيط) تقدر تقول عليها قطعة من المغناطيس ذاتية الإمداد بالطاقة، فموضوع إنها بدأت تبوظ دا مش صحيح بالمرة.

لأ اللى حصل الاتى
ان وحدة الامبوليزر مش دايما بتفصل لما اجى ادور غير بعد اكتر من مرة او الضغط على بطن المفتاح بقوة عند الادارة

[Umoussa]

الإيموبلايزر مش موجود في المفتاح

والشريحة الي داخل المفتاح لا تتأثر بالضغط، حتى لو وضعتها في الماء مش حتبوظ

أعتقد ان المشكلة ممكن تكون في الحلقة بتاعة مستقبل الإشارة الموجود حول الكونتاكت نفسه

أو ممكن تكون فبرة الكونتاكت هي الي بايظة.

[khaled al sharif]

أنا سيارتي كيا سيراتو 2010 ومفتاحها سمارت كي ضاع مني جبت واحد أصلي من بره بس عايز أبرمجه بتعملوا البرمجه وتكلفني كام .. وشكرا مقدما لسعادتك