العودة   مصر موتورز مجتمع السيارات > منتديات السيارات العامة > مقارنات

مقارنات لمساعدة الأعضاء فى المفاضلة بين الأنواع المختلفة من السيارات


إضافة رد
 
أدوات الموضوع
  #1  
قديم 19-07-2016, 11:46 PM
foad amin foad amin غير متواجد حالياً
 
تاريخ التسجيل: Jul 2016
المشاركات: 1
foad amin is on a distinguished road
افتراضي ايهم افضل جين 2 ام بيجو 301 الشارك اوتوماتيك .. 2016

بسم الله الرحمن الرحيم
حابب اشاركم رأيي بعد تجربه واقارن بين عربيتين من فئه واحده متقاربين في كل حاجه تقريبا واخد ارائكم ..

ليا تجربة قيادة جين 2 موديل 2012 عملت بيها 100 ألف كيلو في 4 سنين
وجبت شارك هنتكلم عليها في الاخر وعامل بيها 11 الف كيلو وتقدروا تقولوا ندمت فأصبحت بفكر بين الجين تو والبيجو 301 نبدأ نتكلم ..
_السعر 160 الف للجين تو والبيجو 301 165 الف جنيه (الهاي لاين ) الشارك 185 الف

_الجين 110 حصان البيجو 115 حصان الشارك 117 حصان

_العزم وده اهم حاجه في المقارنه الجين 148 والبيجو 150 وهم اعلى من الشارك 143 نيوتن

_مساحه داخليه تقريبا البيجو اوسع حاجه بسيطه من الجين تو ..لكن المساحه في البيجو جنب السواق اضيق وزارير تحكم الشباك جنب الفتيس تخليك تتخنق وانت سايق تحط موبايلك او اي حاجه اما الشارك الميزه الوحيده المتفوقه بيها على العربيتين مساحتها اوسع

_التكييف الجين 2 اكتشفت انه احسن من التشارك والعربيه واقفه لكنهم زي بعض والعربيه بتتحرك اما البيجو 301 ماجربتهاش بس سمعت انه كويس لانها مزوده بكومبرسيور ياباني

السحب الجين 2 بين 60 الى 80 سحبها بطيئ بس كنت بتغلب عليها بسقط نقله بتبقى وحش ينطلق وبعد سؤالي لاصحاب البيجو 301 بيقوله تجميعها بعد 130 تقيل لكنها ممتازه كتسارع الى 100 فهي كمواصفات المصنع هي الافضل تقريبا 10.5 ثواني من الصفر -100 اما الجين تو 11.5 ثانيه اما التشارك 14 ثانيه تقريبا !!! وتجميعها بعد 120 اضعف من الجين 2 !! وانا اعتقد ده لان عزمها اضعف

انا لحد دلوقتي حاسس بيك انك شايف البيجو 301 احسن اذا بتحب الجري استنى اتقل هكلمك على الثبات والفرامل

من تعليقات اصحاب البيجو 301 انها ثابته الا اني استطيع القول ان الاثبت هي جين 2 ولايقارن ثباتها من فئتها اي عربيه واعتقد لان البيجو وزنها اخف واعلى من الجين 2 ب 3سم طبعا الشارك تتحذف من من قاموس الثبات خطيره جدا فوق سرعة 140 كم
فراملها افضل من الجين 2 لكن لما تغير تيل فرامل الجين 2 وتحافظ على الطنابير فراملها تسعفك وتنجدك

في تريكه صغننه ممكن تخلينا نقول بيجو 301 تبقى السياره الافضل اذا زودنا ثباتها لان جنط العجل بتاعها 16 بوصه ام الجين 2 15 وده اقتراح لسه محتاج تجربه نعرض عجلة البيجو هي بتنزل 55/195/16 .. ده ممكن يزود ثباتها لان العربيه كده مش هتعرف تستفيد من عزمها وحصانها الاعلى لو عديت جنب عربيه كبيره فوق سرعة 140 ممكن تحس بالهوا وده يخلي البيجو 301 من غير تعديل تاتي المركز الثاني بعد الجين 2

الفتيس عن تجربه بتاع الجين 2 محترم جدا وكان عندي قبلها فولكس بيتلز الشكل الجديد الا انه وكان عيب الفولكس بانواعه ومشكلته الرهيبه الفتيس DSA باسات وغيره
اما البيجو فهو تريبتونيك مع وقفة شوارعنا وزحمتها لازم تحافظ عليه وتجيبه على الاول احسن والا هيكون اضعف من فتيس الجين تو.. الجين 2 فتيسها ياباني ومتناغم مع اداء الموتور الكومارو

الجين تو بتاكل بنزين متوسط 7.2 ام البيجو 301 متوسط 6.5 لتر لكل 100 كيلو اما التشارك تقدر تعتبر الميزه التانيه اللي فيها انها اقل عربيه من فئتها بتستهلك بنزين 6.3 لتر

مايميز الجين 2 في تجميعها بعد سرعة 100 كيلو الى 180 اعتقد تجعلها تكسب المنافسه حتى مع عربيات اعلى من فئتها !!

صاج العربيه وتحمل الصدمات اعتقد الجين تو افضل ثم الشارك ثم البيجو

الاوبشنز البيجو301 فيها aux و بلوتوث الجين تو مفيهاش بس تارة الجين تو فيها تحكم من التاره من الصوت والراديو
الشارك الكامله عامله 190 الف بس اتاكد ان فيها سينسور خلفي للركنه غير كده كلهم زي بعض من ناحية الاوبشنز والامان ABs>>>ألخ

الشكل انت وذوقك بس البيجو الوانها المتاحه مفيش فيها احمر

الخلاصه لمحبي الجري

فرأيي الشخصي
جين تو تأتي خيار اول
بيجو 301 خيار تاني
شارك ماتستاهلش تمنها


لكن ممكن نخلي بيجو 301 خيار اول اذا عدلنا ارتفاعها بما لايضر عفشتها واستغلينا جنطها الاكبر بعجل ارتفاعه اقل اعتقد ساعتها
بيجو 301 تاتي خيار اول
جين 2 خيار تاني
شارك مفيش منها امل سياره عائليه شكلها حلو مش اكتر بس بردوا لاتستحق تمنها

فأحب المجربين البيجو 301 على سرعة بين 140-180 كم يعرفونا تجربتهم في سحبها وثباتها والسيطره على التاره في المناورات وتفادي السيارات على وضعها كده من غير تعديل .. وياريت لو حد عنده استعداد يوطيها 3.5 سم ويعرض عجلها ويجربها عشان نقارن هتفرق في الثبات لان ممكن وزنها الاخف من الجين 2 بردو يخليها اقل ثباتا


في الاخر ماانصحكش بالسرعه والتهور.. وسوق على مهلك عشان توصل اسرع
والله الموفق

التعديل الأخير تم بواسطة foad amin ; 20-07-2016 الساعة 12:19 AM
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مقارنة بين مازدا 3 و اوبترا اوتوماتيك mizotion مقارنات 4 04-02-2013 06:59 PM
محتاج مشورتكم ضرورى اوبترا اوتوماتيك ولا صنى اوتوماتيك mizotion مقارنات 22 31-01-2013 01:53 PM
تصنيف السيارات حسب سعرها ب 2012 محمد اشرف منتدى السيارات العام 17 07-08-2012 04:16 PM
طلب اسعار السيارات في السعوديه _amr.mostafa_ منتدى السيارات العام 12 03-12-2009 01:04 PM
اسعار السيارات فى مصر tefa_king1 منتدى السيارات العام 17 30-11-2009 06:03 PM

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 02:04 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017