بلاغ رسمى للأستاذ محمد ابو غالى وكيل الهايما

[aly zafer]

الى الاخ وليد نبيل اهدى اليك هذا الموقف ردا على دعوتك لنا بمشاهدة السيارة على الطبيعة فى المعرض: بالامس الثلاثاء فى تمام الساعة ال10 والنصف مساء ذهبت الى معرض ابو غالى فرع الداون تاون وعندما دخلت الى المعرض وقلت السلام عليكم لم يرد على احد سوى الفراش ثم دخلت لأرى الهايما 2 فلم يكترث لى الاخ بتاع المبيعات ولم يبادر بالترحيب بى وفضل قاعد على المكتب ولما اشارت له بيدى ليقوم ويأتى الى ليشرحلى مواصفات السيارة قاللى انا مش جاى وانا ماحدش يشاورلى بيدة فقلت له طيب فين السيلز اللى هنا قاللى ما فيش حد وانا مش قايم من مكانى فقلت له اذا كانت هذة بداية التعامل معكم بهذة الطريقة فوالله لن اشترى هذة السيارة واقسمت اننى سأبلغ محمد ابو غالى رئيس الشركة فرد على الاخ الغير محترم وقاللى اعمل اللى انت عايزة فأنسحبت مندهشا وخرجت من المعرض وذهبت مباشرة لفرع جيلى غبور المجاور واستقبلت احسن استقبال وترحيب من السيلز وشرحلى السيارة بكل حب وغزارة معلومات وخرجت سعيدا وبفكر بشراء الامجراند الاكثر كماليات والاقل سعرا والاهم الاكثر احتراما للعملاء...اقسم بالله ان هذا ما حدث.

[skhater]

ممكنى يكون عميل لامجراند وغبور دسه في ابو غالي عشان يوقف حال هايما ..÷ههههههههههههههه
وكله مصلحة عربية صيني سعرها 100 الف ليه يعني خليها تصدي وغيرها يعدي علي رأي المثل بس الصراحة الا الان تعتبر ال byd من افضل السيارات الصيني في مصر وحتي افضل من الايمجراند

[mhamdy75]

الهايما سوقها مش مستحمل واحد زى ده

ده بدل ما يقولك لو عايز تجربها تحت أمرك

[AbOnOrA]

واضح ان حضرتك داخل المعرض بعين مشرف مبيعات فى موزع معتمد لهيونداى (زى ماهو مكتوب فى بروفايلك) وحتى الموضوع بصيغتة ديه اعلان لعربية اللى حضرتك بتبيعها اكتر منه نقد موضوعى او شكوى

لو كنت تعملنا مقارنة بين الاتنين بما انك بتقول ان فيه افضلية فى الكماليات كان يبقى الموضوع مفيد اكتر

لكن على اى حال وبافتراض حسن النوايا مش لازم اول ما حد يخش اى معرض لاى سلعة ان البائع يهجم عليه بالعكس ده مش داخل يشترى كارت شحن ديه عربية
فالافضل انه يسيبه يتفرج براحتة ويتابعة من بعيد بس واذا طلب مساعدتة يتدخل

لكن اذا كان فيه اسلوب مش كويس من حد من افراد المبيعات وحضرتك ادرى طبعاً لان ديه مهنتك فياريت تعرفنا وتقول للاستاذ وليد على اسم الموظف ده او شكلة وتفاصيل اوضح من مجرد (الاخ بتاع المبيعات)


فى انتظار رد حضرتك علشان نعرف اذا كان الموضوع شكوى ولا مقارنة ولا اعلان

[jojojojojo]

انا فعلا الموقف مستغربه جدا وشايف انه صعب فعلا توكيل السيلز اللي شغالين فيه يعملوا كده في العملاء وخصوصا فعلا زي الاخ ابو نورا مقال ان في بروفايل حضرتك مكتوب مشرف مبيعات في هيوانداي فياريت فعلا توضح اكتر اسم الموظف بالظبط وياريت برضه تقولنا انت ليه قارنت بالايمجراند بالذات مع ان فيه عربيات تانيه صيني كتير ممكن تقارن بيها وبرضه ف الاخر بافترض حسن النوايا ولو اللي حضرتك قلته حصل فعلا يبقي توكيل العربيه ديه كتب لنفسه الفشل للعربيه من قبل اصلا متجرب