العودة   مصر موتورز مجتمع السيارات > السيارات الصينية والهندية > برليانس Brilliance

برليانس Brilliance بريليانس Brilliance من الشركات الصينية الجديدة التى حققت نجاحاً كبيراً فى فترة صغيره نتجية تعاونها مع الشركة البافارية وتقديمها لموديلات بجودة متميزة وتصميمات حديثة اوروبية الطابع BS6 -BS4 - BC3 - FRV - سبليندور


إضافة رد
 
أدوات الموضوع
  #36  
قديم 29-01-2013, 04:46 AM
الصورة الرمزية eng.moustafa nasr
eng.moustafa nasr eng.moustafa nasr غير متواجد حالياً
التخصص العملى: مهندس
 
تاريخ التسجيل: Feb 2012
الموقع: اسكندريه
المشاركات: 210
eng.moustafa nasr is a glorious beacon of lighteng.moustafa nasr is a glorious beacon of lighteng.moustafa nasr is a glorious beacon of lighteng.moustafa nasr is a glorious beacon of lighteng.moustafa nasr is a glorious beacon of light
افتراضي رد: اول تقرير حصرى عن برليانس جالينا اكسكلوسيف 2012 بالصور و المواصفات و الاسعار و التجربه و اسعار قطع الغيار و البروشور حصرى على مصر موتورز



بسم الله ما شاء الله


ربنا يحفظها لك و يكفيك شر الطريق
رد مع اقتباس
  #37  
قديم 29-01-2013, 01:12 PM
الصورة الرمزية YahiaAshraf
YahiaAshraf YahiaAshraf غير متواجد حالياً
التخصص العملى: طالب بالأكادمية العربية للعلوم و التكنولوجيا و النقل البحرى بالاسكندرية
هواياتي: السيارات - الكمبيوتر
 
تاريخ التسجيل: Mar 2011
الموقع: Alexandria
المشاركات: 11,343
YahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond repute
افتراضي رد: اول تقرير حصرى عن برليانس جالينا اكسكلوسيف 2012 بالصور و المواصفات و الاسعار و التجربه و اسعار قطع الغيار و البروشور حصرى على مصر موتورز

رد مع اقتباس
  #38  
قديم 10-04-2013, 12:25 PM
شريف عز الدين شريف عز الدين غير متواجد حالياً
التخصص العملى: صاحب شركة ماستر لاستيراد قطع غيار بريليانس
هواياتي: يمكنكم التواصل معنا عبر الفيس بوكhttps://www.facebook.com/pages/شركة-ماستر-لاستيراد-وتجارة-قطع-غيار-
 
تاريخ التسجيل: Apr 2013
الموقع: 30ش حافظ بدوى \ اخر شارع الطيران \الحى السابع \مدينة نصر \ بجوار محكمة مدينة نصر
المشاركات: 15
شريف عز الدين is on a distinguished road
افتراضي رد: اول تقرير حصرى عن برليانس جالينا اكسكلوسيف 2012 بالصور و المواصفات و الاسعار و التجربه و اسعار قطع الغيار و البروشور حصرى على مصر موتورز


المشاركة الأصلية كتبت بواسطة yahiaashraf مشاهدة المشاركة

بسم الله الرحمن الرحيم
************************* *********

حبيت النهارده اعملكم موضوع عن البرليانس جالينا
خصوصا ان ملهاش مواضيع فى المنتدى

و الاعضاء بتسال عنها و محدش بيرد


الموضوع منقول

بس انا عامله بطريقتى
غير انى عامل شوية اضافات من عندى


يلا نبتدى على بركة الله اولا الصور :-











































































************************* *********

كده الصور خلصت



مميزات و اوبشنز السياره
************************* *

اولا الفئه اللى انا عامل عنها تقرير دى
اكسكلوسيف
اللى عامله 115 الف

*******************

موتور 2000 سى سى
من شركة ميتسوبيشى العالميه
يعمل بنظام حقن الوقود
4 سلندر / 16 صمام
ذ اعمدة اتزان ثنائيه
لضمان سلاسة القياده و قوة الادائه
بسرعهقصوى تصل الى 200كم /ساعه
و يولد 130 حصان
جنوط اسبور مقاس 16
حساسات ركن
شاشة دى فى دى
تلفزيون
مشغل سى دى
mp3
راديو
8 سماعات
شاشه ال سى دى 6.5 بوصه
تعمل باللمس

2 وساده هوائيه اماميه
تعمل خلال 0.2 لضمان الحمايه
فرامل abs - ebd
نظام تعليق متعدد الاذرع
نظام الشاسيه و التعليق من شركة بورش العالميه
ابواب فولاذيه
4 زجاج كهرباء
مرايات كهرباء
مفتاح يعمل بالقصور الذاتى لغلق دورة البنزين عند حدوث صدامات

مفتاح مشفر
غلق مركزى للابواب و النوافذ مع وحدة التحكم عن بعد
كراسى كهرباء
تكيف امامى و خلفى
3 زجاج فاميه خلفى
سنتر
فتحة سقف كهرباء
تحكم فى اضائه العدادات
تسخين ميقاتى للزجاج الخلفى
فوانيس شبوره
فرش جلد
طاره جلد
حامل اكواب
مسند يد خلفى و امامى

ستاره خلفيه
استهلاك الوقود 7.6 لتر
سعة خزان الوقود 74 لتر
فتيس اوتوماتيك 4 نقلات

الابعاد
*************
الطول :4880
العرض :1800
الارتفاع :1450


مقاس الجنوط
205 / 55R16
ضمان 5 سنوات

************************* ******

قبل اي شيء لازم اقول لنفسي واقولكم اننا بنتكلم عن عربيه صيني تجميع مصري وفيها كل الكماليات وسعرها في حدود 100 الف جنيه يعني اللي مستني قنبله ميكملش التقرير لكن اللي عايز كلام موضوعي وتقييم بالعقل والمنطق يتفضل.


في البدايه انا استلمت العربيه من حوالي 10 ايام وعملت مسافه 1200 كيلو اول ماركبت العربيه بجد حسيت اني مرتاح ومقتنع انا مش هحاول انقل لحد الاحساس ده لكن انا هانلكوا صوره كامله.



لو بدانا بالفيرست لوك العربيه شكلها حلو جدا والتصميم الخارجي كويس وملفت للنظر وطبعا الشيء الاساسي في الشكل هوه الطول الواضح


بالنسبالي وش العربيه تحس نوعا ما ان لي جاذبيه ولكن تحس انه منخفض شويه الارتفاع كويس وشكل العربيه من ورا عاجبني بصراحه والفوانيس الخلفيه بالنسبالي اجمل واشيك من الاماميه تحس الفوانيس الاماميه مطفيه شويه


الدهان كويس ولمعته حلوه جدا وبيعكس الصوره اللي قدامه لو في اضاءه - ممكن تشوف نفسك -


اول ماتفتح الباب هاتلاقيه تقيل - علي فكره صاج العربيه محمل وقوي ماتحسش انه بيطبق لمجرد الضغط -

لكن ضايقني الريموت لانه خفيف ومش في المفتاح كمان اضايقت من اكرة الباب لانها من النوع اللي المقبض من تحت لفوق مش اللي بيتشد لبره-

اول ماتقعد علي كرسي السواق هاتحس يعني ايه الصالون الواسع ويعني ايه الراحه في القعده من غير ماتفكر في اللي قاعد وراك


هاتلاحظ ان فرش الكراسي يعتبر كويس جدا لكن فرش الباب والتابلوه اقدر اقول عليه تعبان


هاتلاحظ وانت قاعد مسند الذراع وده شيء مريح بصراحه

عربيتي اكسكلوسيف وكرسي السواق كهرباء في تماني اتجاهات وده شيء لذيذ جدا مع اني كنت باعتبره رفاهيه لكن مريح خصوصا وانه بيتحرك بسرعه فيخليك مركز في السواقه


مقبض الفتيس والطاره الجلد بتاعهم احسن شويه بس الطاره كبيره نسبيا لكن العدادات واضحه من خلالها كمان من وجهة نظري ان العدادات منظرها قديم شويه


سقف العربيه عالي وبعيد عن الراس كمان في حركه حلوه قوي في السقف بالنسبه للي قاعد في الخلف هتلاحظ زي تفريغ للسقف في منطقة الراس - السقف مرفوع شويه يعني اللي قاعد وره حتي ولو طويل راسه مش هاتخبط في السقف


حاجه تانيه صحيح خامات الصالون مش اوي لكن الفينيش ممتاز جدا جدا جدا بمعني انك هاتحس بالتناسق في كل حته مثلا الدراع اللي فوق الزجاج علشان تعلق في الشماعه او تمسكه بايدك هاتلاقيه بسوسته ومحطوط جوه تجويف كانه مش باين غير لما تشده والخطوط الداخليه كلها متسقه مع بعض


تعالو بقي قبل ما ندور العربيه نبص عليها تاني من بره هاتلاحظ فعلا ملاحظات بسيطه ولكنها مستفزه بالنسبه للكبوت مع جسم العربيه هاتلاحظ انه مش حابك عليه وكمان تبييت الفوانيس الامامي والخلفي في فواصل بسيطه بين الفانوس والصاج لكن قفلة الابواب كويسه جدا بصراحه وفتحة السقف تمام مع ان الشكل بتاعها يحسسك انها ممكن تسرب ميه لكن هاكلكمكو في موضوع العزل ده بعدين تعالو بقي نقعد ع الكرسي وندور العربيه

اول ماتفتح الكونتاكت هاتلاحظ انوار الاي بي اس والاير باج والصيانه وطلمبة الزيت ووووو

واول ماهتدور هاتحس ان المكنه لقططت بسرعه جدا وصوتها بصراحه هادي وجميل ومنتظم العربيه بتسخن بسرعه اركن رجلك الشمال خالص وعلي فكره لو طولك في حدود 180 سم ده معناه انك ممكن تفردها للاخر -بجد مش هزار -
يلا نطلع ع البركه في البدايه بصراحه كنت حاسس بقلق ومتحفز جدا للعربيه وبعدين كله كوم والمشي كوم تاني العربيه اتحركت بسلاسه ومتحسش ان الموتور صوته بيعلي مع الحركه او ان العربيه تقيله عليه

الطاره حلوه وسهله في الحركه بس طبعا هي هيدرولك مش الكتروني


البربريز بتاع العربيه كبير وواسع مبيديك مدي رؤيه حلو جدا


اول ماهاتتحرك هاتحس ان العربيه تقيله شويه او كانك بتدوس بنزين وهيه مابتتحركش للدرجه الموضوع ده في الغيار الاول بس لكن بعدها هاتلاحظ فرق كبير


بدات اتحرك والعربيه تمام وانا لسه متحفز


هوبا بدات الحفر والمطبات وبدا الفار يلعب في عبي صوت الطريق واضح جدا في العفشه والحفر ملحوظه اوي حسيت ان انا بتهبد وحسيت احساس اللي اخد الصابونه


علشان ماطولش عليكم بعد ماعملت مسافه حوالي 300 كيلو بدا الموضوع ده يقل جدا جدا والعربيه بقت انعم بكتير وبتاخد وتدي مع المطبات والنقر كويس كمان تنجيد الكرسي حلو وبيقلل الاحساس ده كتير وبعد 700 كيلو تقريبا الوضع اختلف تماما -عربية والدي اوكتافيا a4 اقدر اقول ان عربيتي احسن بنسبة 30 %


لكن في حاجه مهمه جدا الكاوتش بتاع العربيه سيء جدا جدا انا ناوي اغيره في اقرب فرصه بجد انا حاسس ان الاداء هايختلف تماما مع تغيير الكاوتش


عايز اقول حاجه مهمه جدا جدا بجد كلنا اختلفنا في اهمية فترة التليين ونلين ولا لا والمواتير الجديده متلينه ولا لا


التليين اساسي والسبب اني لاحظت في البدايه ان الجزء المعدني اللي حوالين عصاية الفتيس سخن جدا مع الجري لدرجة ان ممكن يلسع ايدك الموضوع ده بدا يقل شويه بشويه لغاية لما بقي حرارته طبيعيه لما وصلت ل 1000 كيلو عشان كده باكد ان التليين مهم ونفس الموضوع لاحظته في حرارة الموتور وامبير الحرارة



خلاص بقي العربيه اتلينت وخدت وقتها عايزين نشوف الامكانيات ونعرف الحقيقه

لحسن الحظ انا طريق شغلي مصر اسماعيليه الصحراوي


مكدبش عليكم اول ماعملت 900 كيلو بدات اتشجع العربيه بتجيب 100 كيلو بصوره كويسه جدا وعايز اقول بامانه ان الموتور والفتيس بجد حاجه جامده جدا وبالذات الفتيس تحس انه ذكي بمعني انه بيقدر طلبك قياسا مع دوسة رجلك علي الاكسيلاتير - دواسة البنزين - الكيك داون في العربيه ممتاااااااااااااااااااااز واالفتيس مش هاينقل قبل 6000 rpm


بالنسبه لموضوع العفشه والثبات انا بصراحه جبت 180 كم والعربيه تمام مش هاتحس انها بتعوم او بتروح وتيجي ومش هاتحس بمطبات الهوا وفي حاجه غريبه العربيه بعد 120 بتكون اثبت واحسن من سرعة 110 مثلا


بالنسبه للملفات بصراحه في ملفين علي الطريق كنت بعديهم بالاوكتافيا بتاعة والدي - بالمناسبه هيه موديل 2009 - علي 120 مقدرش اجيب اكتر من كده انا عديتهم بالبرليانس علي 120 باردو لكن الصراحه محستش بالحدفه بتاعة الملف اوي


في ملف تاني في اخر الطريق زاويته 90 درجه - ملف عمودي - اخرك فيه بامانه 40 كم والله عديته 60 كم والعربيه مقلتش لا بصراحه لسه هاجرب الملفين الاوالانين علي 140 واقولكم النتيجه - طبعا لو مقولتش النتيجه يبقي انتو اكيد هاتفهموها من نفسكم- ربنا يستر


اه نييجي بقي للفرامل ضايقني فيها انها هيدروليك مش كهربا مع انها abs مش عارف ازاي قولت تبقي ال abs ده اشتغاله


المهم يا رجاله مشيت علي 100 كم وكبست فرامل ع الاخر بجد ماصدقتش نفسي العربيه وقفت زي الالف لاحدفه يمين ولا شمال وكلبشت في الارض من غير ماتزحف --- هاحسب مسافة التوقف اد ايه واقولكم ان شاء الله - لكن بالنظر كده اداء الفرامل في التوقف المفاجيء كويس جدا مع الاخذ في الاعتبار ان الكاوتش زباله - سوري في اللفظ-


نييجي للتكيف من الاخر بكل امانه ثلااااااااااااااااااااااا ااااااااااااااااااااااااا اجه وكمان مابياثرش علي الاداء للدرجه اللي هيه يعني مش هاتحس بفرق شديد باردو المكنه 2000 سي سي بتريح وحلو


بمناسبة الالفين سي سي نييجي لحاجه مهمه جدا جدا جدا البنزيييييييييييييييييييي يييييييييييييين


انا حسبت للعربيه من العداد 800 لغاية 1200 باستهلاك متوسط شويه جوه البلد والمطبات وخلافه - انا اصلا من الزقازيق - وشويه مشي معقول علي الصحراوي 120 كم مع شوية كبس لغاية 160 وحوالي 6 كيك داون ع الاخر علشان اوصل لنسبه عمليه ومتوسطه بالظبط



النتيجه العربيه عملت في الصفيحه 195 كيلو متر بالظبط.. اعتقد ان ده معدل استهلاك كويس جدا لكن من غير تكيف هاحسبلكم ان شاء الله بالتكييف وابلغكم


نييجي بقي لموضوع العزل باختصار لو انت قافل الزجاج هاتحس ان الصوت جوه العربيه هادي جدا بامانه مش سايلنت تماما لكن مريح قوي وغير ملحوظ نسبيا ولو فتحت السقف علي اي سرعه هايختلف الموضوع حسب اتجاه الهواء خارج السياره لكن لو انت ماشي مع اتجه الهواء الصوت ممتاز وهادي لو عكس اتجاه الهواء هاتحس ان في زي تصفيق ملحوظ

حاجه تانيه والاهم انا كنت مستني اغسل العربيهفي البنزينه عشان اشوف مسدس الميه هايعمل ايه معاها مع فتحة السقف وبصراحه كنت مستني بفارغ الصبر عشان اعرف النتيجه وبكل امانه ولا نقطة ميه دخلت العربيه من اي حته حتي فتحة السقف الميه معدتش للمجري بتاعتها خالص وده شيء فرحني بجد


اه رفعت العربيه عشان اشوفها من تحت واعرف هما عاملين فيها ايه


هاتلاحظ اول حاجه ان العربيه عاليه فعلا - للمقارنه مع حاجه معروفه اقل من ارتفاع اللانوس ب نصف سنتي فقط - وفي المطبات العاديه والمتوسطه مش هاتحك من تحت - راكب انا وواحد صاحبي وحاطين حاجتنا في الشنطه-


هاتلاحظ حاجه جميله جدا جدا جدا ان الشكمااااااااان بالكاااااااااااااامل متعلق علي كاوتش يعني حتي لو حكت العربيه من تحت مش هايتكسر وطبعا ده شيء رائع خصوصا في بلد المليون مطب


دهان العربيه من تحت كويس جدا وتحس انه مخدوم وواخد حقه


في عازل فبر تحت المكنه لكن للاسف مش مصفحه والطبه بتاعة كارتيرة الزيت مرفوعه بميل 45 درجه مش عموديه علي الارض - طبعا الناس اللي اتلسعوا من المطبات فهمني - قصدي ان صعب انه تكسر نوعا ما ولو اتكسرت صعب ان الكارتيره تكسر معاها والحافظ ربنا


ودي شوية ملاحظات مختلفه عشان تكمل الصوره

* الشنطه واسعه جدا جدا جدا فوق ما تتخيل مش هاتقصر معاك ابدا



.... الاستبن جنط سبور زي الاربعه التانيين مش عجلة موتسيكل



*الكبوت ليه اتنين مساعدين ارفعه سنه بسيطه وهوه هايفتح لوحده ومش هاتحتاج للسناده الحديد عشان تفضل رفعه



.... الشنطه كمان فيها اتنين مساعدين



* زجاج السواق اوتو داون بس للاسف مش اوتو اب



.... في مسند يد في الكنبه الخلفيه لكن مفيهوش حامل اكواب



* في ولاعه اضافيه -مصدر كهرباء اضافي - للمقعد الخلفي



.... العربيه معاها مثلث عاكس



* بتستلم مفتاح ريموت ومفتاحين احتياطي ( ايموبليزر)



.... العربيه فيها سنسور بارك - حساسات للرجوع للخلف -



* اضاءه للمقعد الخلفي والامامي وتحكم في اضاءة التابلوه



.... الشنطه متبطنه بالكامل من اسفل ومن الاجناب



* صوت الكلاكس عالي وقوي مش طبطبه



.... فتحة السقف ليها وضعين و اوتو اوبن و اوتو كلوز


* دي في دي وشاشتين بالخلف لكن جودة الصوت مش اوي


.... مراية البربريز مش حلوه وتحس انها صغيره شويه


* التكيف تاتش مش بكر وسهل التحكم


.... اماكن تخزين متعدده وعمليه




نيجى بقى بالنسبه لاسعار الجالينا عموما

************

- بريليانس جالينا 2012 اوتوماتيك Modern
100.000 جنيه مصرى

- بريليانس جالينا 2012 اوتوماتيك Luxury

110.000 جنيه مصرى

- بريليانس جالينا 2012 اوتوماتيك Exclusive

115.000 جنيه مصرى




و زى ما قولتلكم فى الاول
ان التقرير ده ن الفئه اللى ب 115 الف


و المفاجئه

البروشور الخاص بالسياره و باللغه العربيه

24 صفحه
و مكتوب فيه الاوبشنز بتاعت كل موديل لوحده من الاربعه

و انا قمت رفعه بنفسى على النت

ده الرابط
http://www.herosh.com/download/10917...logue.pdf.html


و بالنسبه للالوان المتاحه
اسود - احمر - ازرق - اخضر - ذهبى - رمادى - بستاج

و دى شوية اسعار لبعض قطع غيار السياره
************************* **************
التيل الامامي بيعمل 250 ده الاصلي بره التوكيل وجوه التوكيل بيعمل 350
الماعدين مفيش بره نوع كويس بجيب دايما المساعدين بالذات من التوكيل بيعملو 260 الواحد في التوكيل
تيل خلفي ب 90 جنيه
فلتر الهوا ب45 بره التوكيل وجوه بيعمل 60
والبنزين ب45 وجوه بيعمل 60
فلتر الزيت ب35 ميتسوبيشي
الكاتيه فيها سير كاوتش وبليتين بيعملو 850 جنيه وبيتغيرو علي 80 الف كيلو
سير دينامو وسير تكييف
كل واحد بيعمل 75 جنيه
جهاز الانذار قالي سعره 250 جنيه
التركيب يبقي الحساب 750 جنيه
سالت علي مثبت السرعه قالي بيركب ومعاه المالتي فانكشن 2500
لانتنه بتاعة التليفزيون قالي 550 جنيه بالتركيب والكاميرا الخلفيه شرحه
الانتنه 250 جنيه بالتركيب

الكاميرا 225 بالتركيب



يارب التقرير ينال اعجابكم

وزى ما قولتلكم

انا ناقل التقرير
بس انا معدل كل حته فيه و منسقه
و انا ضيفت كمان عليه حاجاااات من عندى


تحياتى
YAHIA ASHRAF
:Bra vo:



شركة ماستر لاستيراد وتجارة قطع غيار السيارات الصينيه
باسعار منافسه وجوده عاليه
المهندس شريف عز الدين
30ش حافظ بدوى -اخر شارع الطيران - بجوار محكمة مدينة نصر -الحى السابع
للاستفتار والاتصال :01019653845 -01006328332 -01210004922 - 02/26712552
ويوجد لدينا فنيين متخصصين فى صيانه البريليانس
رد مع اقتباس
  #39  
قديم 09-01-2015, 08:41 PM
aamas aamas غير متواجد حالياً
 
تاريخ التسجيل: Apr 2009
الموقع: ام الدنيا
المشاركات: 58
aamas has a spectacular aura aboutaamas has a spectacular aura aboutaamas has a spectacular aura about
افتراضي رد: اول تقرير حصرى عن برليانس جالينا اكسكلوسيف 2012 بالصور و المواصفات و الاسعار و التجربه و اسعار قطع الغيار و البروشور حصرى على مصر موتورز

كل تحية و تقدير
لهذا المجهود الرائع

رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 10:55 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017