دستور مصر المسودة الأولى لدستور لجنة الـ50 المعدل

[ahmed_eng2001]

شكرا استاذ تامر على التوضيح ..... و شكرا استاذ سوبر ماريو على الشرح ...
اعذرونى ... انا خلفيتى مش قانونية ... علشان كدة ساعات اسال فى حاجات تبدو غير قانونية

ايه الفرق بين القضاء العسكرى و القضاء المدنى ؟ ... على فكرة ... انا غير مقتنع بطول اجراءات التقاضى المدنى و حاجات تانية كتير فى القضاء المدنى

اعتقد ان القضاء المدنى ده هو الاصل ..... باعتبار ان غالبية الشعب المصرى مدنيين و القوات المسلحة ( الفرع ) جزء من الشعب المصرى .... ممكن يكون لهم قوانينهم الى بيمشوا عليها داخل القوات المسلحة .... بس لو خرجت برة القوات المسلحة ... يكون الرجوع فى القوانين للأصل .. الى هو القانون المدنى

هل من الممكن ان يكون فيه جزء خاص بالهجوم على مؤسسات الجيش داخل القانون المدنى ؟؟ و يكون قانون رادع

هل من الممكن ان يتم تحويل قضية اعتداء على مواطن ... يعمل بالقوات المسلحة ( قضية مدنية ) الى قضية الاعتداء على ضابط فى القوات المسلحة يرتدى زى مدنى ( قضية عسكرية ) ؟؟؟ يعنى من الممكن تحويل القضية من شجار بين جيران .. الى شجار شخص مدنى مع ضابط علشان مثلا متضايق منه نتيجة عمله بالقوات المسلحة ؟!
فى الحالة التانية دى ... يتحاكموا امام محاكم عسكرية
اعتقد ان دى حاجة تسمح للتاويل الشخصى فى القضية ... او لشطارة المحاميين او شهادة الشهود او لأى اعتبارات تانية

[SUPER MARIO]

المشاركة الأصلية كتبت بواسطة ahmed_eng2001 شكرا استاذ تامر على التوضيح ..... و شكرا استاذ سوبر ماريو على الشرح ... اعذرونى ... انا خلفيتى مش قانونية ... علشان كدة ساعات اسال فى حاجات تبدو غير قانونية و لا يهمك احنا كلنا هنا بنستفيد من بعض ايه الفرق بين القضاء العسكرى و القضاء المدنى ؟ ... على فكرة ... انا غير مقتنع بطول اجراءات التقاضى المدنى و حاجات تانية كتير فى القضاء المدنى بص حضرتك اهوا من ميزات القضاء العسكرى سرعة فصله فى القضاية اللى عنده و على فكرة انت لو ارتكبت جريبة تعاقب عليها فى القضاء المدنى ب 10 سنين مش معناها ان نفس الجريمة بقضاء عسكرى انك تاخد تأبيدة لا خالص هتاخد هم هم نفس العشر سنين و القضاء العسكرى اللى قاعدين قدامك جنرالات برده اعتقد ان القضاء المدنى ده هو الاصل ..... باعتبار ان غالبية الشعب المصرى مدنيين و القوات المسلحة ( الفرع ) جزء من الشعب المصرى .... ممكن يكون لهم قوانينهم الى بيمشوا عليها داخل القوات المسلحة .... بس لو خرجت برة القوات المسلحة ... يكون الرجوع فى القوانين للأصل .. الى هو القانون المدنى فعلا كلا مدنيين و القوات المسلحة هى الفرع من الكل فى كل دول العالم بس هى المنوطة بحفظ الامن القومى للبلاد و زى ما ذكرت فوق نفس العقاب اللى هتاخده فى القضاء المدنى هو هو العقاب اللى هتاخده فى القضاء العسكرى ما فيش اى فرق هل من الممكن ان يكون فيه جزء خاص بالهجوم على مؤسسات الجيش داخل القانون المدنى ؟؟ و يكون قانون رادع هل من الممكن ان يتم تحويل قضية اعتداء على مواطن ... يعمل بالقوات المسلحة ( قضية مدنية ) الى قضية الاعتداء على ضابط فى القوات المسلحة يرتدى زى مدنى ( قضية عسكرية ) ؟؟؟ يعنى من الممكن تحويل القضية من شجار بين جيران .. الى شجار شخص مدنى مع ضابط علشان مثلا متضايق منه نتيجة عمله بالقوات المسلحة ؟! فى الدستور الجديد استحالة ارجع لنص المواد اذا هو تعد عليك فى شجار بين جيران سيتم الفصل عند القضاء المدنى و ليس العسكرى و هم محددين بسبب او اثناء الخدمة مشكلة بين جيران فيهم واحد ضابط عسكرى ملهاش علاقة بالخدمة العسكرية اطلاقا قوانين القوات المسلحة فى دستور 2013 افضل قوانين على الاطلاق منذ بداية الدساتير فى مصر و الى الان فى الحالة التانية دى ... يتحاكموا امام محاكم عسكرية اعتقد ان دى حاجة تسمح للتاويل الشخصى فى القضية ... او لشطارة المحاميين او شهادة الشهود او لأى اعتبارات تانية

صعب جدا و لان حضرتك القوات المسلحة مؤسسة منظمة جدا و معروف مواعيد خدمة كل ضابط و اماكنها و طالما ان المشكلة حصلت ليست بسبب تادية عمله او انت لم تعتدى على منطقة او الة عسكرية فانت بعيدة تماما عن محاكمة عسكرية
الدستور محدد بوضوح الحالات اللى يتم اللجوء فيها الى محكمة عسكرية

و طبعا انا بعتذر لحضرتك على تأخيرى فى الرد
و احب اضيف كمان انه فى كل البلدان فى محاكم عسكرية حتى امريكا فى هيئة محلفيين عسكريين " قضاء عسكرى"
مفيش اى داعى للخوف من قانون المحاكمة العسكرية فى دستور 2013 انت كنت تخاف من الدستور اللى فات
اتمنى يكون ردى وضح و لو جزء بسيط و افاد كل حد يقرأه

[SUPER MARIO]

هما دلوقتى خلاص انتهوا من التصويت على مواد الدستور و بقى فى مسودة نهائية للدستور اتمنى يكون فى نقاش حوليها يدور عشان نستفيد كلنا و يبقى طبقا النقاش المجتمعى اللى بيقولوا عليه حول الدستور

[SUPER MARIO]

مشروع دستور جمهورية مصر العربية
http://www1.youm7.com/News.asp?NewsI...2#.UpvV4idnpSJ

[ahmed_eng2001]

انا شاكر لحضرتك شرحك المبسط الوافى .... و فعلا .. اختلاف الرأى لا يفسد للود قضية
... انا كنت بفتح الموضوع كل يوم و اعد جنبه اقراه و احس انى وحيد
انا يشرفنى الحوار مع حضرتك
لقاء رﺋﻴﺲ ﻫﻴﺌﺔ ﺍﻟﻘﻀﺎﺀ ﺍﻟﻌﺴﻜﺮﻱ ﻣﻊ ﻟﻤﻴﺲ ﺍﻟﺤﺪﻳﺪﻱ على سى بى سى امبارح و هو ﺑﻴﻘﻮﻟﻬﺎ ﻟﻮ ﻋﺴﻜﺮﻱ ﻓﻲ ﺑﻨﺰﻳﻨﺔ ﻭﻃﻨﻴﺔ ﺍﺗﺨﺎﻧﻖ ﻣﻊ ﻣﻮﺍﻃﻦ ﻋﻠﻰ ﺍﻟﺤﺴﺎﺏ ﻣﺜﻼ ﻫﺎﻳﺮﻭﺣﻮﺍ ﺍﻟﻘﻀﺎﺀ ﺍﻟﻌﺴﻜﺮﻱ ﻭﺍﻟﻤﻮﺍﻃﻦ ﻫﺎﻳﺘﺤﺎﻛﻢ ﻋﺴﻜﺮﻳﺎ، ﺩﻩ ﺣﺘﻰ ﻟﻤﻴﺲ ﻣﺶ ﻗﺎﺩﺭﺓ ﺗﻌﺪﻳﻬﺎ ﻭﺑﺘﻘﻮﻟﻪ ﺍﺯﺍﻱ ﻳﺎ ﻓﻨﺪﻡ ﺩﻩ ﺑﻴﻘﺪﻡ ﺧﺪﻣﺔ ﻣﺪﻧﻴﺔ ﻟﻠﻤﻮﺍﻃﻨﻴﻦ ﻭﻣﺶ ﻻﺑﺲ ﺯﻱ ﻋﺴﻜﺮﻱ، ﻗﻠﻬﺎ ﺑﺮﺿﻪ ﻫﺎﻳﺘﺤﺎﻛﻢ ﻋﺴﻜﺮﻳﺎ، ﻭﺑﻴﻘﻮﻟﻬﺎ ﺑﺮﺿﻪ ﻟﻮ ﻓﺮﺡ ﻓﻲ ﻗﺎﻋﺔ ﺗﺎﺑﻌﺔ ﻟﻨﺎﺩﻱ ﻣﻦ ﻧﻮﺍﺩﻱ ﺍﻟﺠﻴﺶ ﻭﺍﺗﺨﺎﻧﻘﺘﻲ ﻣﻊ ﺍﻟﺠﺮﺳﻮﻥ ﺍﻟﻠﻲ ﻫﻮ ﻋﺴﻜﺮﻱ ﺑﺮﺿﻪ ﻫﺎﺗﺘﺤﺎﻛﻤﻲ ﻋﺴﻜﺮﻳﺎ ..... و ده بيأيد كلام حضرتك .... بنزينات وطنية و دور القوات المسلحة .... منشات عسكرية

اعذرنى ....انا لسة مقتنع ان ممكن اى محامى يحول قضية شجار بين 2 مواطنين .... واحد عسكرى و واحد مدنى الى قضية عسكرية ....
او ان يقوم احد الاشخاص ( زى حسنى مبارك فى الماضى ) بتحويل قضية مدنية ( زى قضية طلبة الجامعة ) الى القضاء العسكرى .... ده الى انا بسميه ثغرة ممكن يطلع منها قوانين تنحرف عن الهدف الرئيسى لمادة الدستور
فمن الافضل ..... قفل هذه الثغرة تماما

و انا اؤيد كلام حضرتك فى انضباط القوات المسلحة ..... بس انا شفت بعض حالة شجار قبل كدة كانت على محطة مترو حلوان ... بين طالب فى الجامعة و بين فرد قوات مسلحة ... انتهت فى مكتب معاون المحطة .... و جه افراد الشرطة العسكرية ... اقتادوا الطرفين لمكتب الشرطة العسكرية و كاد ان يتم تحويل الامر الى قضية عسكرية ... لولا ان تم الصلح بين الطرفين
انا عارف ان دستور 1971 ممكن متكونش فيه المادة دى .... بس انا بدى حضرتك مثال

ان شاء الله ححاول اقرا مواد الدستور النهائيةللدستور و نتناقش فيها مع بعض