اول عربية و السؤال المتكرر دائما (جديد ولا مستعمل)

[MR_SELVESTER]

عندك البريليانس جميلة جدااااا
ومحدش اشتكي منها

[mahmoud sharks]

سؤال هيخلص كل الخلاف هل ممكن الاقى سيارة مستعمله حالتها تكون حلوة ومش تمرمطنى عند صنيعيه ولا رول اوف سم ان المستعمل = بهدلة (سنه الصنع من 2006 )

[adelfarok]

[peter magdy]

اولا مبروك مقدما
ثانيا
انا زى حضرتك بالضبط لسة متعلم سواقة جديد
و بردو و انا بشترى ناس قلتلى بلاش جديد و انت مش بتعرف تسوق - وفكرت لو جبت مستعمل اتعلم عليها ممكن تكون فيها مشاكل و عقبال ما اتعلم عليها تكون كرهتنى فى السواقة و المصاريف و غير لما اجى ابيعها هخسر فيها
ف اتعلمت فى مدرسةسواقة على 128 و الحمد للة طلعت الرخصة
و بعد ما جبت العربية كان فى فرق شاسع بين 128 و عربيتى الجديدة BYD F3
طبعا من حيث الحجم و الابعاد و كل حاجة كأنى اول مرة اسوق لغاية ليا اصدقاء كل يوم و لمدة اسبوع متواصل علمونى عليها و الحمد للة ماشى زى الفل و ربنا ساترها معايا
---------------------------------
اهم حاجة يكون عندك صبر و مهما اتمكنت متشدش مع حد ولا تتغر - واللى مستعجل عدية الاول
تانى حاجة مرياتك الجانبية هيا عنيك قبل ما تفكر تحود يمين او شمال عينك على المرايا الاول
انا حكيتلك الحكاية دى كلها علشان انا كنت فى نفس حيرتك و كان كلة ضدى فى شراء جديد
و ربنا يسترها عليك و علينا

[فادى]

لو انت عايز زيرو هات زيرو مفيهاش اى مشكلة,
على فكرة خلافا لمعظم الناس أعتقد انو نسبة الحوادث و انت بتتعلم بتبقى اقل, لأن المتعلم سواقة حديثا بيبقى مركز و واخد باله, و معظم الحوادث فى تلك المرحلة بتبقى حكات بسيطة أو تريحات ناتجة عن عدم تقدير المسافات بشكل صحيح.
الحوادث تأتى فى مرحلة ما بعد اتقان القيادة حيث يبالغ السائق عندها فى ثقته بنفسه!