هل اشتري أفيو فتيس اوتوماتيك او فتيس مانيوال

[happy911]

محتار جدا جدا وبعدين فرق 6 الاف من دم الحي كتير
افيدوني افادكم الله

[akerima]

مع احترامي لاي راي حيختلف معايا - الافيو مش كويسة لا في تقفيلها ولا في توكيلها وعن تجربة 4 شهور افيو اتوماتيك من الزيرو بعتها بخسارة حوالي 7000ج وهي عاملة 4000 كيلو عربية شكلها الخارجي معقول مع اني مندهش جدا من وضوع جنوط 13 في فجوة تكفي جنط 16 ودا مخلي العربية شكلها عجيب وشكل داخلي من وجهة نظري ممتاز

لكن ماتور ضعيف جدا بالنسبة لاتوماتيك يعني ماتور الانسر 1300 الاتوماتيك افضل منه بكتير
وعفشة سيئه للغاية بتدي تخبط وترزع من اول 500كيلو
والله والله قبل ما افكر فيها سالت مهندس شغال في التوكيل قريبي قالي بلاش الافيو ساعتها مسمعتش كلامة ورحت دفعت فلوسها كاش وكنت شاري من عند الكموني اول اسبوع كنت طاير بالعربية وبعدها ولما جربت اسافر بيها كرهتني في العربيات كلها

دي شهادة لله وربنا يهديك لما فيه الخير

[esafegypt]

لو انت كويس فى سواقة المانيول ومعندكش اى حاجز مرضى يحتاج الاوتوماتك يبق انصحك بالمانيول افضل فى الافيو
بس لو هتدفع فى الاوتوماتك 84 الف جنية طب متجيب لانسر مستعملة هتلاقى لانسرات كتيرة بالسعر ده وممكن كمان تلاقى حاجه اوروبى مستعمل بالسعر ده شوف حد بيفهم كويس ينزل معاك ولف على معارض كتير ومتزهقش لغايه ما تلاقى عربيه تعجبك روح عامل لها كشف فى توكيلها او يكون معاك سمكرى كويس وجيب انا لما بكون هشترى عربية بنزل وبلف على جميع المعارض وفى اوقات كمان انزل سوق السيارات لغايه ما الاقى اللى انا عاوزه لو هجيب جديد بجيب حاجه رخيصة يعنى فى حدود ال 60 موش اكتر علشان لو خسرت فيها مزعلش ومتكونش خساره كبيرة

[esafegypt]

المشاركة الأصلية كتبت بواسطة akerima مع احترامي لاي راي حيختلف معايا - الافيو مش كويسة لا في تقفيلها ولا في توكيلها وعن تجربة 4 شهور افيو اتوماتيك من الزيرو بعتها بخسارة حوالي 7000ج وهي عاملة 4000 كيلو عربية شكلها الخارجي معقول مع اني مندهش جدا من وضوع جنوط 13 في فجوة تكفي جنط 16 ودا مخلي العربية شكلها عجيب وشكل داخلي من وجهة نظري ممتاز لكن ماتور ضعيف جدا بالنسبة لاتوماتيك يعني ماتور الانسر 1300 الاتوماتيك افضل منه بكتير وعفشة سيئه للغاية بتدي تخبط وترزع من اول 500كيلو والله والله قبل ما افكر فيها سالت مهندس شغال في التوكيل قريبي قالي بلاش الافيو ساعتها مسمعتش كلامة ورحت دفعت فلوسها كاش وكنت شاري من عند الكموني اول اسبوع كنت طاير بالعربية وبعدها ولما جربت اسافر بيها كرهتني في العربيات كلها دي شهادة لله وربنا يهديك لما فيه الخير

الراجل ده كلامه صح وانا معاه انا مكونتش عاوز اعقدك من العربية بس لو هتجيب كورى جيب هيونداى وزى ما قولت لك لو عندك القدرة انك تدفع 84 الف فى عربية افيو اوتوماتك يبق تشترى بالتمن ده لانسر او نيسان صنى او تيوتا مستعمل موديلات 2007 هتلاقيها بالتمن اللى معاك ومتسمعش كلام حد يخوفك من المستعمل
لان فى بعض الاوقات المستعمل بيكون افضل من الجديد اهم شئ يكون معاك سمكرى شاطر يشوف لك العربية كويس لحسن يكون فيها حاجه او تكشف عليها فى التوكيل فى قسم الهياكل

[owner]

على حسب ارتياح حضرتك يعنى لو مثلا بتبقا فى زحمة كتير او كدة فالاتوماتيك افضل اما فى ناس وانا واحد منهم مش بعرف اركب اوتوماتيك مانيوال يعنى مانيوال