ممكن مقارنة بين العربيات دى رايكم يهمنى

[احمد بدر1978]

المشاركة الأصلية كتبت بواسطة حازم شاهين أحمد باشا كيفك وكيف ما عندك إمبارح كنت فى أتوماك حاولت أركز على العربيات 7 راكب لفيت فى الصينى لاند ويند - فاشون موتور 1600 مانيوال من أبوغالى اوتوموتيف بجميع الكماليات سعرها فى المعرض 80 ألف بعد المعرض 90 ألف لكن بصراحة أكتر عربيةحسيت إنها هتبقى مغطية كل طلباتك هى الرينو لوجان MCV المانيوال 92 ألف 90 حصان جميع الكماليات الأتوماتيك 101 ألف 110 حصان نصف كماليات توماتيك 106 ألف 110 حصان جميع الكماليات طبعا كان فيه الأفانزا و الشيفروليه N200 بالمناسبة هو صينى بس محطوط عليه علامة شيفروليه فيه صينى شبهه تقريبا كان سعره 59900 من ليفان لكن ميكرباص فى الأخر مش عربية جميع الكماليات لكن مانيوال فيه كمان مينى فان صينى جديد إسمه SUCCE حجم معقول و أكبر من الشيفروليه جميع الكماليات مانيوال بسعر 99800 أخيرا البافارية هتنزل ماهيندرا زيلو خلال شهور 7 راكب جميع الكماليات أتوماتيك أو إيزى ترونك لكن سعرها ما اتحددش لكن أعتقد هتبقى فى حدود 150 ألف رأيى النهائى لو عايز زيرو من غير تقسيط يبقى تشوف المينى فان أو الفاشون الصينى بس مانيوال لو مصمم على الزيرو و مصمم إنه ما يبقاش صينى يبقى لوجان أتوماتيك تقسيط لو مش عايز تقسيط و لا صينى و ما يفرقش معاك الزيرو يبقى أى عربية 7 راكب مستعملة فى حدود إمكانياتك و ده هيبقى حسب المعروض فى السوق و ربنا يوفق

متشكر يا استاذ حازم على التغطية المخصوصة واسف ان كنت تعبت حضرتك
ليا سؤال اخير ولو سالت بعد كدة ابقى طنشنى ماشى
حضرتك شايف اية اتوماتيك 7 راكب معروضة للبيع مستعمل؟اية الانواع ؟

[حازم شاهين]

للأسف مليش فى سوق المستعمل خالص
فيه ناس فى المنتدى هنا يفهمو أحسن منى فى المستعمل

[احمد بدر1978]

المشاركة الأصلية كتبت بواسطة حازم شاهين للأسف مليش فى سوق المستعمل خالص فيه ناس فى المنتدى هنا يفهمو أحسن منى فى المستعمل

نفسى واحد من الناس دول يرد

[حازم شاهين]

الدكتور تامر
سيف الدين

[احمد بدر1978]

ربنا يسهل ان شاء الله