افيو اتوماتيك ام فيرنا ام لانوس ام ساجا

[ahmedsamy90]

المشاركة الأصلية كتبت بواسطة mohamed mahrane السلام عليكم اولا بص يا باشا هقولك على المفيد بوجه عام وليك طبعا حرية الاختيار اولا واخيرا احنا كان معانا فيرنا وبعناها وجبنا دايو لانوس من الزيرو فضلت معانا حوالى تلت سنين وبعد كده الحج توفى بعناها وجبت انا شخصيا لانوس بس شيفروليه من الزيرو بردو كانت 2009 فضلت معايا لحد شهر 11 الى فات دا وبعتها لظروف ماديه ليس اكتر المهم عشان مطولش عليك انا هقولك على المفيد نبداء بالفيرنا صالون ديق ثبات مش قد كده موتور قوى جدا على عربيه بالحجم دا لئنو اصلا موتور النترا 2005 124 حصان قوى جدا على العربيه وعلى الفرامل ودا طبعا مش ميزة فيها دا عيب لائنو ماثر على ثبتها بشكل ملحوظ واطيه على الارض ولو ركبت علايات هتعوم اكتر من الاول التكيف بتعها حلو بس الكامله مفيهاش فوج ولا مارايات كهربه ودى حاجه مش حلوة اما اعادة البيع مضمونه ومش بتخسر كتير لو هيا فابريقه وبحالتها قطع غيار متوفرة بشكل كويس جديد وتوكيل واستيراد وسعرها مش غالى ورغم ان موتورها قوى فى الاداء لاكنو بيفوت بسرعه وبيتعب بسرعه والكلام دا عن تجربه نيجى للمنافس الاول اللانوس صالون واسع ومريح علو عن الارض مش بطال موتور مظبوط على العربيه ولا هوة عفى اوى ولا هو ضعيف مناسب ليها تماما تكيف حلو ثبات افضل من الفيرنا بشكل ملحوظ جدا فراملها اضعف من الفيرنا بس مش اوى اعادة البيع افضل من الفيرنا ومش بتخسر فى السعر كتير قطع غيار ارخص من الفيرنا مش اوى فرق بسيط العربيه بتنزل كامل من ناحية الفوج والمراية اليمين وفيها زجاج فاميه وتقريبا الفيرنا كمان فيها موفرة فى البنزين عن الفيرنا ارخص من الفيرنا بحوالى 5000 جنيه تقريبا وعن تجربه توكيل غبور نيله ومنصور شرحه نفس الكلام وكل مرة بتختلف المعاملة مرة يبقى التوكيل حلو ومرة يبقى اى كلام موتور الانوس بيستحمل عن الفيرنا لأنو موتور من تصنيع شركة GM motors ومعروف ان مواتير الجى ام مواتير قويه وبتستحمل وعلى فكرة موتور الانوس نفس موتور الاوبل كورسا بس الكورسا 1600 دا الفرق ودا راى بكل امانه وبدون اى تحيز والله خليك فى الانوس وطبعا القرار ليك لوحدك انت بس وربنا يوفقق ويعينك ويهيدك للصواب واسف جدا على الاطاله

الراجل ده جاب من اللآخر في المقارنة بين العربيتين ........ بس في حاجة سئلتلك عليها وهي موتور الفيرنا ان فى بعض الناس بتقول انه مبقاش زي الأول .... ده لأن طراز المكنة اتغير من أول ما فكروا في مشروع احلال التاكسى ..... بدلو ماتور الفيرنا زى اللى كانت بتنزل في 2005 بطراز آخر وحتى شكل وش المكنة اتغير ...... وبالمناسبة عربيات اتنين اعرفهم كانو جايبينها زيرو واحد ملاكي 2010 والتاني تاكسي مش متأكد 2010 و لا 11
- الاول .... عمل عمرة كاملة
- التاني .... سقط مكنة

[Ahmed Amir]

طيب استهلاك اللانوس بنزين اد ايييه ؟؟
يعني بتحرق بنزين اد اييه كل 100 كم ؟ أرجو الافادة

[Ahmed Amir]

يا جماعة ارجو الافادة

[Alex_11]

يا جماعة انا في مصر دلوقتي و قررت الحمد لله خلاص أني اشتري الفيرنا و بالفعل روحت لاباظة أوتو تريد و قدمت معه علي الفيرنا و جالي استعلام من بنك عودة النهاردة و بنك أبوظبي و بجد حاجة بشعة و تخلف لان جالي الرد بالرفض من بنك عودة بالرفض علشان عنوان البطاقة غير عنوان الإقامة و أبوظبي مازالت منتظر رد منه بكرة ان شاء الله و فعلا زهقت من التخلف و التعقيدات المتواجدة في وجه نظري بدون داعي. ادعولي اقدر اخلص العربية قبل ما أسافر.

[Alex_11]

يا جماعة مش لاقي بنك يقبلني علشان انا مش متواجد ف مصر بصفة مستمرة و عنوان البطاقة مش مماثل لعنوان الإقامة ممكن يا جماعة بحد محتاج مساعدة لان كده انا ضيعت أسبوع و فاضل أسبوعين و مش عارف بجد اعمل ايه للعلم انا من الاسكندرية يا ريت يا جماعة مسااااااااااااااااعدة